2 Mbai 27:1 - Mbeti ti Nzapa - Tënë so amu fini

¹ Yotam ayeke na ngu baleuse na oku si lo ga gbia; lo le-gbia ngu baleoko na omene na Jérusalem. Iri ti mama ti lo ayeke Yerusha, molenge ti Sadok.

2 Mbai 27:1 ပူးပေါင်းရင်းမြစ်များ

1 Mbai 3:12

Amasia, molenge ti Yoas, Azaria, molenge ti Amasia, Yotam, molenge ti Ahazia,

2 Mbai 26:21

Gbia Ozias angba na buruma ni ngbii lo kui na ni. Ndali ti kobela ti buruma ni, lo lango gi lo oko na ya ti mbeni da nde, lo lingbi ti kiri na ya ti kota da ti *KOTA GBIA pepe. Molenge ti lo Yotam, makonzi ti aye ti yangbo ti gbia laa asara komandema na ndö ti kodro-gbia ni.

2 Mbai 26:23

Ozias akui, lo hon na peko ti ababâ ti lo, a lu lo na tere ti ababâ ti lo na ndo so a yeke lu akuâ ti agbia daa, me na sende ti agbia pepe, ngbanga ti so lo yeke zo ti buruma. Molenge ti lo Yotam laa aga gbia na peko ti lo.

2 Mbai 27:8

Lo yeke na ngu baleuse na oku si lo ga gbia; lo le-gbia ngu baleoko na omene na Jérusalem.

Ésaïe 1:1

So ayeke tënë ti aye so Ésaïe, molenge ti Amoz abaa na ya ti mbeni ye tongana bango-li: aye ni ayeke na ndö ti kodro ti Juda nga na ndö ti gbata ti Jérusalem. Lo baa ni na ngoi so Ozias, Yotam, Ahaz na Ezekias ayeke agbia ti Juda.

Osée 1:1

Tënë ti *KOTA GBIA asi na Osée, molenge ti Beeri na ngoi so Ozias, Yotam, Ahaz na Ezekias ayeke agbia ti Juda. Gi na oko ngoi so Yeroboam, molenge ti Yoas ayeke gbia ti Israel.

Mishe 1:1

So ayeke tënë ti *KOTA GBIA so asi na Mishe, zo ti kodro ti Moreshet, na ngoi ti agbia Yotam, Ahaz nga na Ezekias, agbia ti Juda. Mishe abaa ye ni na ya ti mbeni ye tongana bango-li na ndö ti agbata ti Samarii na ti Jérusalem.

Matthieu 1:9

Ozias adu Yotam; Yotam adu Akaz; Akaz adu Ezekias;