2 Mbai 26:14 - Mbeti ti Nzapa - Tënë so amu fini

¹⁴ Lakue so ala yeke gue na bira, Ozias ayeke mu na ala *avala, alikongo, akpoto ti bira, akazaka ti wen, akokora na atêne so a yeke zia na ya ti *mvingi.

2 Mbai 26:14 ပူးပေါင်းရင်းမြစ်များ

2 Mbai 26:13

Aturugu 307 500 ayeke na gbe ti komandema ti ala; ayeke angangu turugu so alingbi ti tiri bira ti bata gbia na dawa ti awato ti lo.

2 Mbai 26:15

Na Jérusalem, Ozias aleke ambeni masini so mbeni kota wakode-kua asigigi na ni titene a zia ni na ndö ti ada so ayo na nduzu nga na ndö ti andangoro ti gbagba. Kua ti amasini ni ayeke ti bi ale ti kokora na akota têne na ndo kue. Nzapa asara ye ti kpene mingi ti mu maboko na Ozias; ndani laa lo ga ngangu mingi si sango ti lo asi na ndo kue.

Sigingo 28:32

Titene a yu kaba ni, ala yeke koro go ni taa gi na be ti mapia-bongo ni. Ala yeke pika yanga ni kue na kpengbango kamba titene asuru pepe.

Jérémie 46:4

Ala kanga aye ti bira na ndö ti ambarata! Ala azo ti kpengo na mbarata, ala londo! Ala yu kpoto ti bira, ala luti na molongo! Ala leke yanga ti alikongo, aza! Ala yu kazaka ti wen!”

Awafango-ngbanga 20:16

Na popo ti aturugu so kue, akpengba zo ti bira ngbangbo mbarambara ayeke daa so ayeke sara ye gi na maboko ti ala ti wali. Tongana ala oko oko azia têne na ya ti *mvingi ti bo na kua ti li oko, têne ni ayeke hon nde pepe.

1 Samuel 17:49

David ayoro maboko ti lo na ya ti bozo ti lo, lo mu mbeni têne, lo zia na ya ti mvingi ti lo. Lo bi ni si apika zo ti Filistii so taa na ndö ti le ti lo. Têne ni ali na ya ti li ti Goliat si lo ti, lo kpo li ti lo na sese.