2 Mbai 26:13 - Mbeti ti Nzapa - Tënë so amu fini

¹³ Aturugu 307 500 ayeke na gbe ti komandema ti ala; ayeke angangu turugu so alingbi ti tiri bira ti bata gbia na dawa ti awato ti lo.

2 Mbai 26:13 ပူးပေါင်းရင်းမြစ်များ

2 Mbai 11:1

Gi so Roboam asi na Jérusalem awe, lo bongbi anganga turugu saki ngbangbo oko na balemiombe ti Juda na ti Benjamin titene ala gue, atiri bira na azo ti Israel ti Banga, tongaso si kodro ni akiri na gbe ti komandema ti lo.

2 Mbai 12:1

So Roboam asara si lengo-gbia ti lo akpengba si lo ga ngangu awe, lo do *Ndia ti *KOTA GBIA, lo zia; azo ti Israel kue asara nga tongana lo.

2 Mbai 13:3

Abia amu akpengba turugu 400 000 titene lo tiri bira na Yeroboam. Yeroboam aleke akpengba turugu 800 000 so ala hinga ti tiri bira nzoni titene lo tiri bira na Abia.

2 Mbai 14:7

Asa ayeke na aturugu 300 000 so ala yeke azo ti mara ti Juda; ala laa ayeke yo kota *vala nga na likongo. Lo yeke nga na aturugu 280 000 so ayeke azo ti mara ti Benjamin; ala laa ayeke yo kete vala si ala yeke pika akokora. Ala kue ayeke angangu zo ti bira.

2 Mbai 14:8

Zera, zo ti Etiopii, aga na aturugu kutu oko nga na apusu ti bira 300 ti tiri bira na ala. Zera ague ngbii asi na Maresha.

2 Mbai 25:5

Amasia abongbi azo ti Juda na ala ti Benjamin; lo kangbi ala na lege ti asewa ti ala. Lo zia amakonzi na li ti aturugu saki oko, amakonzi na li ti aturugu ngbangbo oko. A diko wungo ti aturugu so ngu ti ala alingbi ngu baleuse na ala so ngu ti ala ahon baleuse; a wara azo 300 000 so ahinga ti tiri bira nzoni, ala lingbi ti bi likongo, ti gbu *vala nzoni.

2 Mbai 26:12

Wungo ti amakonzi ti kete mara so kue ayeke na li ti angangu turugu ayeke 2 600.

2 Mbai 26:14

Lakue so ala yeke gue na bira, Ozias ayeke mu na ala *avala, alikongo, akpoto ti bira, akazaka ti wen, akokora na atêne so a yeke zia na ya ti *mvingi.