2 Mbai 26:10 - Mbeti ti Nzapa - Tënë so amu fini

¹⁰ Lo sara nga ada so ayo na nduzu na benyama si lo zi adu ti ngu mingi, ngbanga ti so lo yeke na anyama mingi na *Kodro-ti-gbeni nga na kpangbara sese. Lo yeke nga na azo ti fango yaka na azo ti fango yaka ti *vinye so ayeke na ndö ti ahoto nga na ndö ti hoto ti Karmel. Biani, Ozias aye kua ti yaka mingi.

2 Mbai 26:10 ပူးပေါင်းရင်းမြစ်များ

2 Agbia 19:23

Na lege ti awatokua ti mo, mo zonga mbi, Kota Gbia, si mo tene: ‘Mbi Senakerib, na apusu ti mbarata ti mbi, mbi gue na li ti akota hoto, mbi gue ngbii mbi si taa na ya ti gbako ti Liban, mbi de ayongoro keke ti sedre ti gbako ni, mbi de apendere keke ti sipre ti gbako ni. Mbi si taa na be ti gbako ni, na ndo so akeke asi singo daa.

2 Agbia 3:4

Mesha, gbia ti Moab ayeke na ataba mingi. Na ya ti ngu oko oko, lo yeke mu na gbia ti Israel akete taba saki ngbangbo oko, na akoli-taba saki ngbangbo oko so kua ti tere ti ala angba daa ti futa na lapo.

2 Mbai 17:12

Ngangu ti Yosafat ayeke gue guengo na nduzu. Nilaa na sese ti Juda, lo sara agbata so angangu gbagba ayeke na tere ni nga na agbata so a yeke bata akobe daa.

2 Mbai 17:13

Lo bata aye gbani gbani na ya ti agbata ti Juda; lo zia akpengba turugu ti bira na Jérusalem.

2 Mbai 26:11

Ozias ayeke na aturugu so alingbi ti sara bira. A kangbi ala na ya ti abongbi, alingbi na wungo ti aturugu ni. Wakuasu Yeiel na kota zo ti kua Maaseya adiko wungo ti azo ni, na gbe ti komandema ti Hanania, mbeni makonzi ti aturugu ti gbia.

2 Mbai 32:29

Lo leke agbata ndali ti lo si lo yeke na gba ti ataba, angasa na abagara, ngbanga ti so Nzapa amu na lo mosoro gbani gbani.

Zo ti bongbingo azo 5:8

Sese ayeke mu ye na azo kue. Ataa gbia ti kodro ayeke wara ye ti lo gi na lege ti fango yaka.

Ésaïe 29:17

Gi na ya ti kete ngoi, fade gbako ti Liban ayeke kiri ti ga yaka ti akeke so a yeke te le ni tengo si yaka ni ayeke kiri ti ga mbeni gbako.

Ndia ti fani use ni 3:10

E mu agbata kue ti kpangbara sese so ayeke na mbage ti nduzu; e mu nga sese kue ti Galaad na ti Bashan, ngbii asi na Salka nga na Edrei, agbata use so Og ayeke le-gbia daa, na sese ti Bashan.

Josué 15:55

Ambeni gbata ni ayeke Maon, Karmel, Zif, Yuta,

1 Samuel 15:12

Na kota ndaperere, Samuel alondo ti gue ti wara Saul. Mbeni zo atene na Samuel: “Saul ague na Karmel, lo mu atêne, lo leke aluti na nduzu ndali ti lo wani. Na pekoni, lo kiri, lo hon yongoro si lo gue na Gilgal.”