2 Mbai 24:7 - Mbeti ti Nzapa - Tënë so amu fini

⁷ Âdu ti Atalii, sioni wali so, lo na azo so amu peko ti lo azia kota da ti Nzapa abuba. Na ndö ni, aye so kue a zia nde ndali ti Nzapa si ayeke na ya ti kota da ti KOTA GBIA so, ala mu ni ti sara na kua ti nzapa *Baal.

2 Mbai 24:7 ပူးပေါင်းရင်းမြစ်များ

2 Agbia 11:1

So Atalii, mama ti Ahazia ama a tene, molenge ti lo akui awe, lo londo, lo fâ *ahale ti gbia kue.

2 Agbia 12:4

Me ando so azo aleke na ndö ti ahoto ti voro anzapa nde daa, lo zi ni pepe. Azo angba ti gue kâ ti mu *asandaga na ti zö dukani.

2 Mbai 21:17

Ala ga atiri bira na kodro-gbia ti Juda si ala li na ya ti kodro ni. Ala mu aye so kue ayeke na yangbo ti gbia; ala mu amolenge ti lo ti koli nga na awali ti lo ague na ala. Gi tanga ti molenge ti lo ti koli oko, Ahazia laa angba na lo.

2 Mbai 22:3

Ahazia amu nga peko ti sarango ye ti azo ti sewa ti Akab, ngbanga ti so mama ti lo ayeke mu na lo wango ti sara asioni ye.

2 Mbai 24:4

Na pekoni, Yoas aleke na be ti lo ti kiri ti leke kota da ti KOTA GBIA.

Esther 7:6

Esther akiri tënë: “Zo so asara ngangu na e so, wato ti e so… Haman laa, sioni zo so!” Na dawa ti gbia nga na ti wali ti lo, kota mbeto agbu Haman.

Amato 10:7

Zo ti mbirimbiri, be ti azo ayeke girisa na lo pepe; me ti zo ti sioni, be ti azo ayeke girisa na lo biani biani.

Daniel 5:23

Mo londo ti ke Nzapa so ayeke na yayu: azo ague, amu aye ti da ti lo aga na ni si mo na akota zo ti mo, na awali ti mo so mo ne ala mingi nga na ala so mo ne ala mingi pepe, ala tuku samba na ya ni, ala nyon. Na pekoni, mo gonda anzapa so a sara na wen ti nginza na lôro, ala so a sara na bengba wen, na wen, na keke nga na têne. Anzapa ni ayeke baa ndo pepe, ala yeke ma tënë pepe si ala hinga ye pepe. Me mo ke ti gonda Nzapa so pupu ti ya ti mo ayeke na maboko ti lo si lo yeke bata tambula ti mo.

Osée 2:10

“Me wali ni ahinga ti lo pepe, atene, mbi laa mbi yeke mu na lo lani ale ti *ble, fini vin na nzoni mafuta; mbi yeke mu na lo gba ti nginza na lôro, me lo mu ni na *sandaga na Baal.

Osée 2:13

Fade mbi yeke sara titene ngia ti lo, amatanga ti lo, amatanga ti lo ti fini nze, alango ti lo ti wungo tere nga na akota matanga ti lo akai.

2 Tesalonike 2:8

Fade Zo ti sioni ayeke si, Kota Gbia Jésus ayeke fâ lo biani biani na pupu ti yanga ti lo. Lo yeke mingo lo biani biani na lege ti zango ndo ti gango ti lo.

Aye so Nzapa afa 2:20

Me ye so mbi ke na mo ayeke so: mo zia lege na Yezabel, wali so, ti sara si azo ti kua ti mbi agirisa lege. Lo yeke tene na azo atene, ni yeke wayanga-Nzapa, lo yeke fa lege na azo ti mbi ti sara aye ti ndumba si ala yeke te akobe so a mu na *sandaga na ayanda.

Awafango-ngbanga 2:11

Azo ti Israel asara ye so ayeke sioni na le ti *KOTA GBIA: ala voro anzapa *Baal.