2 Mbai 24:6 - Mbeti ti Nzapa - Tënë so amu fini

⁶ Nilaa gbia airi Yoyada, kota wayango-sandaga si atene na lo: “Moïse, zo ti kua ti KOTA GBIA na bongbi ti azo ti Nzapa afa ando wungo ti nginza na azo ti Jérusalem nga na azo ti Juda titene ala futa si a leke na da ti Nzapa so mbeti ti *mbuki ayeke daa. Ngbanga ti nyen si mo hunda na ngangu na azo ti mara ti Lévi ti ro nginza ni pepe so?”

2 Mbai 24:6 ပူးပေါင်းရင်းမြစ်များ

2 Samuel 24:3

Yoab akiri tënë na gbia: “Ayeke nzoni KOTA GBIA, Nzapa ti mo asara titene azo ni awu fani ngbangbo oko ahon so si mo baa ni na le ti mo wani! Me gbia, mo ye ti sara ye so ngbanga ti nyen?”

2 Mbai 24:9

Na pekoni, a to mbela na ya ti Jérusalem nga na ya ti Juda kue titene azo aga na KOTA GBIA nginza so Moïse, zo ti kua ti KOTA GBIA ahunda na azo ti Israel ti mu ni; lo hunda ni na ngoi so ala yeke ando na benyama.

Wungo ti azo 1:50

Fade mo yeke mu na azo ti mara ti Lévi kua ti batango da so a zia nde ndali ti Nzapa, da so a yeke bata atêne so a su atënë ti *mbuki na le ni nga na akungba ti ya ti da ni kue. Ala yeke yo da ni na akungba ti ya ni kue, ala yeke sara kua na ya ti da ni si ala yeke sara bâbâ ti ala angoro da ni kue.

Wungo ti azo 18:2

Mo zia a-ita ti mo azo ti mara ti Lévi, mara ti babâ ti mo titene ala ga nduru na mo; ala yeke mu maboko na mo na ya ti kua ni. Me mo na amolenge ti mo laa ayeke luti na dawa ti da ti sanduku so a zia na ya ni atêne so a su atënë ti *mbuki na le ni.

Awatokua 7:44

“Na benyama, akotara ti e ayeke na da so a zia atêne na ya ni, atêne so a su atënë ti *mbuki na le ni. Nzapa amu yanga na Moïse ti leke da ni alingbi na kode so Moïse abaa.