2 Mbai 24:20 - Mbeti ti Nzapa - Tënë so amu fini

²⁰ Tongaso, yingo ti Nzapa aga na ndö ti Zakarii, molenge ti Yoyada; Zakarii aluti na dawa ti azo ni si lo tene na ala: “Tënë so Nzapa atene ayeke so: ‘Ala ke ti sara ye alingbi na andia ti mbi KOTA GBIA, ngbanga ti nyen? Fade aye ti ala ayeke ga nzoni pepe. So ala zia mbi KOTA GBIA awe so, mbi nga, mbi yeke zia ala.’ ”

2 Mbai 24:20 ပူးပေါင်းရင်းမြစ်များ

1 Mbai 12:18

David aga na dawa ti ala si lo tene na ala: “Tongana ala ga na tënë ti siriri na mbi si ala ye ti mu maboko na mbi, fade mbi yeke yamba ala na be ti mbi kue. Me tongana ala ga ti handa mbi ti zia mbi na maboko ti awato ti mbi, ataa so mbi sara ye ti sioni oko pepe, ayeke nzoni Nzapa ti akotara ti e abaa ye ni si lo fâ ya ti tënë ni.”

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

2 Mbai 12:5

Wayanga-Nzapa Shemaya aga abaa Roboam nga na amakonzi ti Juda so abongbi na Jérusalem na ndembe so Shishak aga nduru ti si. Lo tene na ala: “Tënë so KOTA GBIA atene ayeke so: ‘Ala ke mbi awe! Mbi nga, mbi ke ala si mbi zia ala na maboko ti Shishak.’ ”

2 Mbai 20:14

Na ya ti bongbi ti azo ni, yingo ti *KOTA GBIA aga na ndö ti Yaziel, mbeni zo ti mara ti Lévi; lo yeke molenge ti Zakarii, Zakarii ayeke molenge ti Benaya, Benaya ayeke molenge ti Yeiel, Yeiel ayeke molenge ti Matania, Matania ayeke mbeni *hale ti Asaf.

2 Mbai 23:11

Tongaso Yoyada na amolenge ti lo asigigi na Yoas. Ala zia kpoto ti gbia na li ti lo si ala mu na lo mbeti ti mbuki. Ala tuku mafuta na li ti lo titene ala zia lo gbia. Biaku tongaso, azo ato nda ti dekongo atene: “Gbia na nduzu!”

2 Mbai 24:24

Aturugu ti Sirii so aga so ayeke mingi pepe; me *KOTA GBIA azia gba ti aturugu ti Juda na maboko ti ala, ngbanga ti so azo ti Juda azia KOTA GBIA, Nzapa ti akotara ti ala. Ngbanga so a de na li ti Yoas laa.

2 Mbai 25:16

So wayanga-Nzapa ni angba ti tene tënë, Amasia afâ tënë na yanga ti lo si lo tene: “Zo wa laa azia mo wamungo-wango na gbia, zo wa? Kai tënë so! Mo ye pika?” Wayanga-Nzapa ni akai, me lo tene: “Fadeso mbi hinga, mbi tene, Nzapa aleke na be ti lo titene mo kui, ngbanga ti so mo sara ye so si mo ke ti ma wango ti mbi.”

2 Mbai 29:8

Aye so asara si kota ngonzo alondo na be ti KOTA GBIA na tere ti azo ti Juda na ti Jérusalem. Ndali ti aye ni, lo sara mbeni ye ti ziango mbeto na be ti zo, ye ti mawa nga na ye ti kamene so ala wani ayeke baa na le ti ala so.

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Jérémie 26:2

“Tënë so KOTA GBIA atene ayeke so: Gue mo luti na ya ti gbagba ti kota da ti KOTA GBIA, mo to mbela na tënë so na azo so kue alondo na ya ti agbata ti Juda si aga ti voro Nzapa na ya ti kota da so. Mo tene na ala atënë so kue mbi mu yanga na mo ti tene; mo zi mbeni tënë oko na ya ni pepe.

Jérémie 4:18

Futa ti lege ti dutingo ti mo na sioni sarango ye ti mo laa mo wara awe so! Ye ni asee, taa-tënë, me so lengo ti sioni ti mo laa! So ali taa mo, agbu bio!”

Jérémie 5:19

Tongana ala tene: ‘KOTA GBIA Nzapa ti e asara ye so kue na e ngbanga ti nyen?’, fade mo yeke kiri tënë na ala, mo tene: Na ya ti kodro ti ala wani, ala zia mbi ti sara na anzapa ti awande. Ndani laa, fade ala yeke sara na awande na ya ti kodro so ayeke ti ala, azo ti Israel pepe.”

Jérémie 5:25

Sioni ti ala laa abuba lege ti aye so kue, siokpari ti ala laa akanga lege na ala ti wara anzoni ye so.

Amos 5:10

Zo so ayeke ke na awafango-ngbanga sioni fango ngbanga ti ala, be ti ala ake lo; zo so aga ti tene taa-tënë na le ti ngbanga, ala yeke baa lo na sioni le.

Wungo ti azo 14:41

Moïse atene: “Nyen laa ala yeke sara so? Ala yeke ke yanga ti KOTA GBIA ngbanga ti nyen? Fade ye ni ayeke ga nzoni na ala pepe!

Matthieu 23:35

Tongaso, fade ngbanga ti mene ti azo ti mbirimbiri so kue ala fâ ala so ayeke kiri na li ti ala. Kozo zo so a fâ lo ayeke Abel, zo ti mbirimbiri. Tanga ti zo ni ayeke Zakarii, molenge ti Barashii; a fâ ando lo na popo ti ndo so ayeke nzoni kue na ti gbalaka ti *sandaga, na kota da ti Nzapa.

Nzoni Tënë so Luc asu na mbeti 11:51

ti londo na kuâ ti Abel ngbii asi na kuâ ti Zakarii, so akui na popo ti gbalaka ti da ti Nzapa na ti ndo so ayeke nzoni kue so. Mbi tene na ala taa-tënë: fade Nzapa ayeke hunda na azo ti fadeso ti kiri tënë na lo na ndö ti kuâ ti awayanga-Nzapa so!

Ndia ti fani use ni 31:17

Ndani laa, fade ngonzo ti mbi ayeke londo na tere ti ala tongana wâ na lango ni so. Mbi yeke zia ala, mbi yeke honde le ti mbi na ala. Tongaso, fade amara nde ayeke te ala kue, akpale mingi na aye ti ngangu mingi ayeke si na ala, azo ti Israel si ala yeke tene: ‘Akpale so kue asi na e, ngbanga ti so Nzapa ti e ayeke na popo ti e mbeni pepe!’

Awafango-ngbanga 6:34

Yingo ti *KOTA GBIA aga na ndö ti Gédéon; lo huru didi ti iri azo ti kete mara ti Abiezer titene ala ga na peko ti lo.