2 Mbai 24:18 - Mbeti ti Nzapa - Tënë so amu fini

¹⁸ Azo ti Israel azia kota da ti *KOTA GBIA, Nzapa ti akotara ti ala si ala voro akeke so a leke aluti na nduzu ndali ti nzapa-wali *Ashera, ala voro nga ayanda. Nilaa ngonzo ti Nzapa alondo na tere ti azo ti Juda na ti Jérusalem ndali ti sioni so ala sara so.

2 Mbai 24:18 ပူးပေါင်းရင်းမြစ်များ

2 Samuel 24:1

Mbeni lâ, ngonzo ti *KOTA GBIA akiri alondo na tere ti azo ti Israel. Lo pusu David titene lo sara mbeni ye so ayeke sara sioni na ala; lo tene na lo: “Gue, mo diko wungo ti azo ti Israel na ti Juda.”

1 Agbia 14:23

Legeoko tongana akotara ti ala, ala leke ando na ndö ti ahoto titene ala voro anzapa nde daa; ala leke angbongboro têne so aluti na nduzu, ala leke nga akeke so aluti na nduzu ndali ti nzapa-wali Ashera. Ala zia aye ni so na li ti akete hoto kue nga na gbe ti afini keke so kue kugbe ni ayeke gbani gbani.

1 Agbia 14:9

Ti mo, mo sara ye ti sioni mingi ahon azo so kue ayeke kozoni na mo: mo zia ngonzo na be ti mbi na lege so mo sara ndali ti mo wani anzapa nde nga na ayanda so mo kporo bengba wen si mo sara na ni; mo zia mbi na peko!

2 Mbai 12:1

So Roboam asara si lengo-gbia ti lo akpengba si lo ga ngangu awe, lo do *Ndia ti *KOTA GBIA, lo zia; azo ti Israel kue asara nga tongana lo.

2 Mbai 12:2

Na ngu oku ni so Roboam ayeke gbia, Shishak, gbia ti Ezipte aga ti tiri bira na Jérusalem, ngbanga ti so azo ti Israel asara ye so ayeke sioni mingi ti ke KOTA GBIA.

2 Mbai 19:2

Zo ti bango nda ti aye Yehu, molenge ti Hanani, aga awara gbia Yosafat na lege si atene na lo: “Mo mu maboko na sioni zo tongaso ngbanga ti nyen? Azo so be ti ala ake *KOTA GBIA so, mo ye ala ngbanga ti nyen? Ndali ti ye so mo sara so, KOTA GBIA ayeke sara ngonzo na tere ti mo.

2 Mbai 21:13

Me mo mu peko ti sarango ye ti agbia ti Israel. Mo pusu azo ti Jérusalem na azo ti Juda titene ala voro anzapa nde tongana ti so azo ti sewa ti Akab asara. Ataa a-ita ti mo so ala yeke amolenge ti babâ ti mo, ala so ayeke nzoni mingi ahon mo so, mo fâ ala.

2 Mbai 22:4

Lo sara ye so ayeke sioni na le ti *KOTA GBIA tongana ti azo ti sewa ti Akab. Na peko ti kuâ ti babâ ti lo, azo ti sewa ti Akab laa aga azo ti mungo wango na lo si wango ti ala ni ague na lo na kuâ.

2 Mbai 24:17

Na peko ti kuâ ti Yoyada, amakonzi ti Juda aga akuku na gbe ti gbia, Yoas; gbia ayeda na tënë ti ala.

2 Mbai 24:4

Na pekoni, Yoas aleke na be ti lo ti kiri ti leke kota da ti KOTA GBIA.

2 Mbai 25:15

Tongaso, ngonzo ti *KOTA GBIA alondo na tere ti Amasia tongana wâ si lo tokua mbeni wayanga-Nzapa na Amasia ti tene na lo: “Anzapa so alingbi ti zi azo ti ala na maboko ti mo pepe so, ngbanga ti nyen si mo gue na peko ti ala?”

2 Mbai 28:13

Amakonzi ni atene na ala: “Azo so ala gbu ala ti ga azo ti kanga so, ala ga na ala ge pepe, ngbanga ti so ala yeke sara titene e sara sioni na KOTA GBIA. Ala ye titene siokpari ti e na sioni ti e akiri ahon ndoni? Andaa e sara sioni mingi awe, nilaa KOTA GBIA asara ngonzo mingi na tere ti e, azo ti Israel so.”

2 Mbai 29:8

Aye so asara si kota ngonzo alondo na be ti KOTA GBIA na tere ti azo ti Juda na ti Jérusalem. Ndali ti aye ni, lo sara mbeni ye ti ziango mbeto na be ti zo, ye ti mawa nga na ye ti kamene so ala wani ayeke baa na le ti ala so.

2 Mbai 32:25

Me Ezekias ahinga pepe nzoni so KOTA GBIA asara na lo. Baba ahon ndö ti lo si ndali ti baba ni, lo sara si ngonzo ti KOTA GBIA ati na ndö ti lo, na ndö ti kodro-gbia ti Juda nga na ndö ti gbata ti Jérusalem.

2 Mbai 34:25

Azo ti gbata ni azia mbi awe si ala zö dukani na anzapa nde; anzapa nde so ala leke so azia ngonzo na be ti mbi. Ndani laa ngonzo ti mbi ti wâ ayeke tuku na ndö ti gbata so; ngonzo ni ayeke kai ande pepe.

Sigingo 34:12

Kodro so ala yeke gue daa so, ala sara hange si ala na azo ni aga ambuki pepe. Tongaso pepe, fade ye ni ayeke ga kuku ti gbungo ala.

Sigingo 34:13

Fade ala yeke kungbi na sese agbalaka ti azo ni, ala yeke kungbi angbongboro têne ti ala so ala leke si aluti na nduzu, ala yeke de na sese akeke so azo ni aleke aluti na nduzu si ala yeke voro ni so.

Jérémie 17:2

Tongana ti so ala yeke dabe ti ala na amolenge ti ala, ala yeke dabe ti ala legeoko tongaso na agbalaka ti ala, na akeke ti Ashera ti ala nga na akeke so afini kugbe ayeke daa gbani gbani si ayeke na ndö ti ahoto.

Osée 5:14

Biani, fade mbi Kota Gbia, mbi yeke duti tongana bamara ndali ti Efraim, tongana kete bamara ndali ti Juda. Mbi laa, mbi yeke suru ya ti ala, na pekoni, mbi yeke mu ala ti gue na ala tongana taba so a fâ lo, zo oko ti gboto ala na maboko ti mbi ayeke daa pepe.”

Efeze 5:6

Ala zia mbeni zo ahanda ala na asenge senge tënë pepe. Asioni ye tongaso asara si ngonzo ti Nzapa ayeke ga na ndö ti azo so ake yanga ti lo.

Josué 22:20

Akan, mbeni *hale ti Zera asara ye so ayeke sioni mingi: lo mu ye so Nzapa ake na azo ti mu ni. Ndali ni, Nzapa asara ngonzo na tere ti bongbi ti azo ti Israel kue; ala hinga ni kue. Gi lo oko laa lo kui ndali ti sioni ti lo ni pepe.’ ”

Awafango-ngbanga 5:8

Azo asoro afini nzapa, tongaso bira ati na ya ti kodro ni. Me zo ayeke baa *vala wala likongo oko pepe na popo ti azo ti Israel, ataa mbeni oko pepe na popo ti aturugu saki baleosio.

Awafango-ngbanga 8:33

Na peko ti kuâ ti Gédéon, azo ti Israel akiri avoro anzapa *Baal. Ala mu Baal-Berit ti ga nzapa ti ala.