2 Mbai 24:16 - Mbeti ti Nzapa - Tënë so amu fini

¹⁶ A lu lo na Gbata ti David, na ndo so a yeke lu agbia daa. Biani, lo sara nzoni na azo ti Israel, lo sara nzoni ndali ti Nzapa nga ndali ti kota da ti Nzapa.

2 Mbai 24:16 ပူးပေါင်းရင်းမြစ်များ

1 Agbia 2:10

Na pekoni, David akui, lo hon na peko ti ababâ ti lo si a lu lo na Gbata ti David, na Jérusalem.

2 Agbia 12:7

Me na ngu baleuse na ota ni so Yoas ayeke le-gbia, aye so abuba na tere ti kota da ti KOTA GBIA, awayango-sandaga ade ti leke ni pepe.

2 Mbai 21:2

A-ita ti Yoram ayeke daa; ala kue ayeke amolenge ti Yosafat. Iri ti ala ayeke Azaria, Yehiel, Zakarii, Azariahu, Mikael na Shefatia.

2 Mbai 21:20

Yoram ayeke na ngu baleota na use si lo ga gbia; lo le-gbia ngu miombe na Jérusalem. So lo kui, be ti zo oko aso pepe. A lu lo na Gbata ti David, me a lu lo pepe na ndo so a yeke lu agbia daa.

2 Mbai 24:15

Yoyada aga mbakoro, lo te gigi alingbi na lo; lo yeke na ngu ngbangbo oko na baleota si lo kui.

2 Mbai 24:17

Na peko ti kuâ ti Yoyada, amakonzi ti Juda aga akuku na gbe ti gbia, Yoas; gbia ayeda na tënë ti ala.

2 Mbai 31:20

Ye so Ezekias asara na ya ti kodro-gbia ti Juda kue laa. Lo sara ye so ayeke nzoni, ye so ayeke mbirimbiri na ye so ayeke na legeni na le ti KOTA GBIA, Nzapa ti lo.

Néhémie 13:14

“Nzapa ti mbi, mo dabe ti mo na mbi ndali ti aye so kue! Be ti mo agirisa pepe na anzoni kua so mbi sara ndali ti kota da ti mo nga ndali ti vorongo mo!”

Marc 6:29

So adisiple ti Jean ama tënë ni, ala ga amu kuâ ti lo si ala gue, alu ni.

Awatokua 2:29

“A-ita, mbi ye ti tene na ala tënë mbirimbiri na ndö ti kotara ti e David: lo kui si a lu lo, sende ti kuâ ti lo angba laso na popo ti e.

Ahebro 6:10

Biani, Nzapa ayeke kirikiri pepe. Yengo so ala ye ando lo na ni nga na sarango nzoni so ala yeke sara na a-ita ti ala, azo ti Nzapa si ala ngba daa laso so, fade Nzapa ayeke girisa ni pepe.

1 Samuel 2:30

Ndani laa, tënë so KOTA GBIA, Nzapa ti Israel atene ayeke so: Taa-tënë, mbi tene ando na azo ti sewa ti mo nga na azo ti kete mara ti mo, mbi tene: Ala laa ayeke sara ande kua na mbi kpu na kpu, me fadeso, mbi ke awe! Mbi yeke ne azo so ane mbi. Me azo so ake mbi si abaa mbi tongana buba zo, fade a yeke baa ala tongana buba zo. So tënë ti yanga ti mbi KOTA GBIA laa.