2 Mbai 24:14 - Mbeti ti Nzapa - Tënë so amu fini

¹⁴ So ala hunzi kua ni awe, ala ga na tanga ti nginza ni na gbia nga na Yoyada. Azo so ayeke baa ndo na ndö ti kua ni amu nginza ni si asara na akungba ndali ti kota da ti KOTA GBIA: asembe ti sarango na kua ti KOTA GBIA, asembe ndali ti *asandaga so a yeke gbi ni kue na wâ, akopo nga na ambeni kungba so a sara na lôro nga na wen ti nginza. Na lango so kue Yoyada angba na fini, a yeke mu asandaga so a yeke gbi ni kue na wâ lakue lakue na ya ti kota da ti KOTA GBIA.

2 Mbai 24:14 ပူးပေါင်းရင်းမြစ်များ

1 Agbia 7:50

adu ti sembe, aye ti mingongo na wâ, adu ti sembe so a tuku mene daa ti fi na tere ti aye, akete ta ti zongo na dukani, aye so kue ayeke na lôro ti nzoni ni; awen ti agere ti ayanga ti kubu so iri ni “Ndo so ayeke nde si ayeke nzoni kue ahon atanga ni” nga na awen ti agere ti ayanga ti kota kubu ni, aye ni kue ayeke gi na lôro.

2 Agbia 25:12

Me makonzi ti aturugu ti batango gbia ni azia ambeni wayere kete na ya ti kodro ni titene ala fâ ayaka ti *vinye na ayaka.

2 Agbia 25:15

Makonzi ti aturugu ti batango gbia akiri amu aye so kue a sara na lôro nga na wen ti nginza si ague na ni; aye ni ayeke tongana: asembe so a yeke zia ale ti wâ daa na adu ti sembe so a yeke tuku mene daa ti fi na tere ti aye.

1 Mbai 23:31

Lakue, ala yeke duti nga daa na ndembe so a yeke mu sandaga so a yeke gbi ni kue na wâ na KOTA GBIA, na *lango ti wungo tere, na lango ti fini nze nga na lango ti amatanga. Ala yeke sara kua ti ala na ngoi kue na dawa ti KOTA GBIA, alingbi na wungo ti lango so ndia afa na ala.

2 Mbai 2:3

Mbi ye ti sara da ndali ti KOTA GBIA, Nzapa ti mbi, ti zia ni nde ndali ti lo. Na ya ti da ni, fade a yeke zö na dawa ti lo dukani so fion ni afun nzoni, a yeke leke mapa si a yeke zia na dawa ti lo lakue lakue, a yeke mu na lo *asandaga so a yeke gbi ni kue na wâ, na ndaperere nga na lakui, a yeke mu nga na lo asandaga ti *lango ti wungo tere, ti alango ti fini nze na ti alango ti amatanga ti KOTA GBIA Nzapa ti e; ye so a diko ndali ti azo ti Israel kpu na kpu laa.

2 Mbai 24:13

Azo ti kua ni ato nda ti sara kua ni si ndali ti ala, kua ni atambula nzoni. Ala kiri aleke kota da ti Nzapa, ala sara si da ni akiri akpengba tongana ti kozo.

2 Mbai 24:15

Yoyada aga mbakoro, lo te gigi alingbi na lo; lo yeke na ngu ngbangbo oko na baleota si lo kui.

2 Mbai 31:2

Ezekias azia na sese abongbi nde nde ti awayango-sandaga na ti azo ti mara ti Lévi. Na ya ti abongbi ni so, lo zia zo oko oko na yanga ti kua ti lo. Kua ti awayango-sandaga na ti azo ti mara ti Lévi ayeke ti ya *asandaga so a yeke gbi ni kue na wâ na asandaga ti beoko, kua ti hengo bia ti mungo singila na Nzapa na ti sepelango Nzapa na ya ti gbagba ti kota da ti *KOTA GBIA.

Sigingo 36:5

atene na Moïse: “Azo aga na aye mingi ahon ti so alingbi na kua so KOTA GBIA amu yanga ti sarango ni.”

Amato 27:22

Ataa mo pika zo ti buba na ya ti kpu tongana ti so a yeke pika ale ti kobe, mo yeke sara gbaa, asarango ye ti buba ti lo ayeke ngba lakue na tere ti lo.