2 Mbai 24:12 - Mbeti ti Nzapa - Tënë so amu fini

¹² Gbia na Yoyada amu nginza ni na azo so ayeke na ndö ti kua ti lekengo kota da ti KOTA GBIA. Azo ni ayeke futa na azo ti dengo tere ti têne nga na asarapande. Ala futa nga azo so ayeke sara kua ti wen na ti bengba wen ti leke na kota da ni si akpengba.

2 Mbai 24:12 ပူးပေါင်းရင်းမြစ်များ

2 Samuel 5:11

Hiram, gbia ti Tir atokua azo na David; lo tokua nga akeke ti sedre, asarapande na azo ti surungo ya ti têne titene ala sara da na David.

1 Agbia 5:15

Hiram gbia ti Tir aye lani David mingi. So lo ma a tene, a tuku mafuta na li ti Salomon si lo ga gbia na peko ti babâ ti lo awe, gbia Hiram atokua azo na lo.

2 Mbai 24:11

Tongana azo ti mara ti Lévi abaa so sanduku ni atara ti si – so ngoi titene ala gue na sanduku ni na akota zo ti kua ti gbia laa – wakuasu ti gbia na zo so ayeke baa ndo na ndö ti aye ti kota wayango-sandaga ayeke ga atuku nginza ni si akiri na sanduku ni na plase ni. Ala yeke sara gi tongaso na ya ti lango oko oko si ala wara gba ti nginza.

2 Mbai 24:13

Azo ti kua ni ato nda ti sara kua ni si ndali ti ala, kua ni atambula nzoni. Ala kiri aleke kota da ti Nzapa, ala sara si da ni akiri akpengba tongana ti kozo.

2 Mbai 24:27

Iri ti amolenge ti Yoas, gba ti anengo tënë so awayanga-Nzapa atene na tere ti lo nga na atënë ti lekengo kota da ti Nzapa, a su tënë ni kue na ya ti “Mbeti so asigigi na nda ti mbeti ti agbia”. Molenge ti lo Amasia laa aga gbia na peko ti lo.

2 Mbai 34:8

Na ngu baleoko na miombe ni so Yosias ayeke le-gbia, so lo yeke sara si kodro na kota da ti Nzapa aga *nzoni, lo tokua Shafan, molenge ti Asalia, na Maaseya, govoronere ti gbata ni, na Yoa, molenge ti Yoakaz, zo ti tenengo peko ti tënë ti gbia titene ala gue, aleke kota da ti *KOTA GBIA, Nzapa ti lo.