2 Mbai 24:10 - Mbeti ti Nzapa - Tënë so amu fini

¹⁰ Amakonzi kue na azo kue ayeke na ngia, ala ga na nginza ni si ala tuku na ya ti sanduku ngbii sanduku ni asi.

2 Mbai 24:10 ပူးပေါင်းရင်းမြစ်များ

1 Mbai 29:9

Azo ni kue ayeke na ngia, ngbanga ti so ala mu aye na KOTA GBIA na be ti ala kue nga na nzoni be. Be ti David asi singo na kota ngia.

2 Mbai 24:11

Tongana azo ti mara ti Lévi abaa so sanduku ni atara ti si – so ngoi titene ala gue na sanduku ni na akota zo ti kua ti gbia laa – wakuasu ti gbia na zo so ayeke baa ndo na ndö ti aye ti kota wayango-sandaga ayeke ga atuku nginza ni si akiri na sanduku ni na plase ni. Ala yeke sara gi tongaso na ya ti lango oko oko si ala wara gba ti nginza.

2 Mbai 24:9

Na pekoni, a to mbela na ya ti Jérusalem nga na ya ti Juda kue titene azo aga na KOTA GBIA nginza so Moïse, zo ti kua ti KOTA GBIA ahunda na azo ti Israel ti mu ni; lo hunda ni na ngoi so ala yeke ando na benyama.

Ésaïe 64:5

E kue, e yeke tongana azo so aga *sioni awe, aye ti mbirimbiri so kue e sara ayeke tongana bongo so awali ayeke yu na ndembe so ala yeke baa ya ti ala. E kue, e woko tongana kugbe, sioni ti e ayeke hon na e kirikiri tongana ti so pupu ayeke hon na ye.

2 Korente 8:2

A-Eglize ni ayeke na ya ti pasi mingi, me be ti azo ni asi singo na ngia; ataa so ala yeke na ya ti kota mawa, ala mu ye ahon ndoni.

2 Korente 9:7

Alingbi zo oko oko amu ye tongana ti so lo leke na be ti lo, na vundu pepe, wala mbeni zo agbu lo na ngangu pepe titene lo mu ni. Biani, Nzapa aye zo so ayeke mu ye na ngia.