2 Mbai 23:2 - Mbeti ti Nzapa - Tënë so amu fini

² Ala tambula na sese ti Juda kue. Na ya ti agbata ni kue, ala bongbi azo ti mara ti Lévi na amakonzi ti asewa ti Israel. Na pekoni, ala kue akiri na Jérusalem.

2 Mbai 23:2 ပူးပေါင်းရင်းမြစ်များ

1 Mbai 15:12

Lo tene na ala: “Ala so ayeke amakonzi ti sewa ti mara ti Lévi, ayeke nzoni ala na a-ita ti ala, ala zia tere ti ala nde ndali ti Nzapa, na pekoni ala gue, amu sanduku ti mbuki ti KOTA GBIA, Nzapa ti Israel, ala zia na ndo so mbi leke ndali ni.

1 Mbai 24:6

Wakuasu Shemaya, molenge ti Netaneel, zo ti mara ti Lévi, asu iri ti azo ti mara ti Lévi na dawa ti gbia, ti amakonzi, ti wayango-sandaga Sadok, ti Ahimelek, molenge ti Abiatar nga na dawa ti amakonzi ti asewa ti awayango-sandaga na ti azo ti mara ti Lévi. Ndali ti ahale ti Elazar, a yeke bi ye ni fani use; ndali ti ahale ti Itamar, a yeke bi ni fani oko; a yeke sara ni gi tongaso ti gue na ni.

2 Mbai 21:2

A-ita ti Yoram ayeke daa; ala kue ayeke amolenge ti Yosafat. Iri ti ala ayeke Azaria, Yehiel, Zakarii, Azariahu, Mikael na Shefatia.

Abia (Psaumes) 112:5

Ayeke nzoni titene lo sara nzoni be na azo, lo mu boon na azo; lo yeke baa lege ti aye ti lo na legeni mbirimbiri.

Matthieu 10:16

“Ala baa, mbi yeke tokua ala tongana ataba na popo ti ambo ti ngonda. Ayeke nzoni le ti ala akpengba tongana ti angbo si ala duti tongana *ambipa so ayeke sara ngangu na zo pepe.

Efeze 5:15

Ala sara hange na lege ti dutingo ti ala. Ala duti tongana abuba zo pepe, me tongana azo ti ndara.