2 Mbai 23:18 - Mbeti ti Nzapa - Tënë so amu fini

¹⁸ Na pekoni, Yoyada azia kua ti batango kota da ti KOTA GBIA na maboko ti awayango-sandaga so ayeke azo ti mara ti Lévi. David akangbi lani awayango-sandaga ni na ya ti abongbi nde nde na ya ti kota da ti KOTA GBIA titene ala ya na KOTA GBIA asandaga so a yeke gbi ni kue na wâ, alingbi na *Ndia ti Moïse. Lo mu yanga na ala ti sara kua ni na hengo bia na ngia.

2 Mbai 23:18 ပူးပေါင်းရင်းမြစ်များ

2 Mbai 5:5

Ala yo sanduku ti mbuki ni, da ti bongo so KOTA GBIA na azo ti lo ayeke wara tere daa nga na aye so a zia nde ndali ti Nzapa si ayeke na ya ti da ti bongo ni. Awayango-sandaga so ayeke azo ti mara ti Lévi laa ayo aye ni so.

2 Mbai 29:25

Gbia azia azo ti mara ti Lévi na ya ti kota da ti KOTA GBIA; awen so ayeke toto, akota kundi, na akundi ayeke na maboko ti ala. Lo sara ye ni alingbi na yanga so David, Gad, zo ti bango nda ti aye ti gbia, nga na Natan, wayanga-Nzapa amu. Andaa KOTA GBIA wani laa amu yanga so na lege ti awayanga ti lo.

1 Mbai 23:25

Biani, David atene lani, atene: “KOTA GBIA, Nzapa ti Israel asara si azo ti lo aduti kpoo; lo wani, lo yeke duti na Jérusalem kpu na kpu.

2 Mbai 29:27

Ezekias amu yanga titene a mu sandaga so a yeke gbi ni kue na wâ na ndö ti gbalaka. Na ndembe so a to nda ti mungo sandaga ni, gi na ndembe ni laa azo ato nda ti he bia ndali ti KOTA GBIA; ala yeke huru tatalita, ala yeke pika aye ti mozoko so David, gbia ti Israel aleke.

2 Mbai 30:27

Na pekoni, awayango-sandaga so ayeke azo ti mara ti Lévi alondo si ala sara tufa na ndö ti azo ni. Sambela ti ala asi na yayu, ndo so ayeke nde si ayeke nzoni kue ti Nzapa si Nzapa ayeda na sambela ni.

2 Mbai 7:6

Awayango-sandaga aluti na ndo ti kua ti ala; azo ti mara ti Lévi aluti nga si ala yeke pika aye ti mozoko so David aleke ndali ti KOTA GBIA; ala yeke sepela KOTA GBIA, alingbi na bia so David azia na ala; ala tene: “Biani, nzoni be ti lo angba kpu na kpu!” Awayango-sandaga aluti na dawa ti ala si ala yeke huru atatalita; azo ti Israel kue aluti na nduzu.

2 Mbai 29:30

Na pekoni, gbia Ezekias na amakonzi atene na azo ti mara ti Lévi ti he bia ti sepela KOTA GBIA na lege ti abia so David na Asaf, zo ti bango nda ti aye aleke ando so. Azo ti mara ti Lévi asepela KOTA GBIA na ngia, na pekoni ala kuku, akpo li ti ala na sese.

2 Mbai 35:2

Lo kiri lo zia awayango-sandaga na kua ti ala si lo mu wango na ala titene ala sara kua na ya ti kota da ti KOTA GBIA.

Esdras 6:22

Na pekoni, na ya ti lango mbarambara, ala sara na ya ti ngia, matanga ti Mapa so a sara na mama ni pepe. KOTA GBIA azia ngia na be ti ala, ngbanga ti so lo sara si be ti gbia Darius aga nzoni na mbage ti ala; ye so asara lani si be ti azo ti Israel awara ngangu si ala kiri ti gbu kua ti lekengo kota da ti Nzapa ti Israel.