2 Mbai 22:9 - Mbeti ti Nzapa - Tënë so amu fini

⁹ Na pekoni, Yehu amu yanga titene a gi Ahazia. Azo ague, agbu lo na Samarii, ndo so lo honde tere ti lo daa. Ala ga na lo na Yehu si a fâ lo. Ala lu lo, ngbanga ti so azo atene: “Lo yeke molenge ti ya ti sewa ti Yosafat, gbia so agi lani KOTA GBIA na be ti lo kue so.” Na ya ti sewa ti Ahazia, mbeni zo so alingbi ti le-gbia ayeke daa pepe.

2 Mbai 22:9 ပူးပေါင်းရင်းမြစ်များ

1 Agbia 13:21

Wayanga-Nzapa ni adekongo na zo ti Nzapa ni, atene: “Tënë so KOTA GBIA atene ayeke so: ‘Mo ke ti ma yanga ti KOTA GBIA awe; mo sara ye alingbi na yanga so KOTA GBIA, Nzapa ti mo amu na mo pepe.

1 Agbia 14:13

Azo ti Israel kue ayeke toto kuâ ti lo, na pekoni ala yeke lu lo. Na popo ti azo ti sewa ti Yeroboam kue, gi lo oko laa du ti kuâ ti lo ayeke duti daa. Biani, Na popo ti azo ti sewa so kue, gi lo oko laa KOTA GBIA, Nzapa ti Israel awara nzoni ye na lege ti lo.

2 Agbia 9:34

Yehu ali na da, lo te, lo nyon; na pekoni, lo tene: “Ala baa lege ti sioni wali so, ala lu lo, ngbanga ti so lo yeke molenge ti gbia.”

2 Mbai 19:3

Me mo sara ambeni nzoni ye: na ya ti kodro ti mo kue, akeke so azo aleke aluti na nduzu ndali ti nzapa-wali *Ashera, mo gbi ni; mo zia be ti mo kue ti gi Nzapa.”

2 Mbai 21:17

Ala ga atiri bira na kodro-gbia ti Juda si ala li na ya ti kodro ni. Ala mu aye so kue ayeke na yangbo ti gbia; ala mu amolenge ti lo ti koli nga na awali ti lo ague na ala. Gi tanga ti molenge ti lo ti koli oko, Ahazia laa angba na lo.

2 Mbai 21:20

Yoram ayeke na ngu baleota na use si lo ga gbia; lo le-gbia ngu miombe na Jérusalem. So lo kui, be ti zo oko aso pepe. A lu lo na Gbata ti David, me a lu lo pepe na ndo so a yeke lu agbia daa.

2 Mbai 21:4

So Yoram aga gbia na peko ti babâ ti lo awe, lo sara si komandema ti lo akpengba; lo fâ a-ita ti lo kue nga na ambeni makonzi ti Israel.

2 Mbai 22:8

Tongaso, Yehu afâ ngbanga na li ti azo ti sewa ti Akab. Lo wara tere na amakonzi ti Juda nga na amolenge ti a-ita ti Ahazia so ala kue ayeke sara kua na gbia Ahazia si lo fâ ala kue.

2 Mbai 24:25

Na pekoni, azo ti Sirii akiri si ala zia lo na ya ti kota pasi. Tongaso aturugu ti Yoas ama tere na hondengo ni na tere ti lo ndali ti kuâ ti molenge ti wayango-sandaga Yoyada. Ala fâ Yoas na ndö ti gbogbo ti lo. A lu lo na Gbata ti David; me a lu lo pepe na ndo so a yeke lu agbia daa.

2 Mbai 25:27

Ti londo na ndembe so Amasia azia peko ti lo na *KOTA GBIA, ambeni zo ato nda ti leke tënë na hondengo ni na tere ti lo na Jérusalem. Lo kpe, lo gue na Lakish; me azo atumba peko ti lo na Lakish si ala fâ lo kâ.

2 Mbai 33:24

Azo ti kua ti lo aleke tënë na tere ti lo na hondengo ni si ala fâ lo na yangbo ti lo.

Jérémie 29:13

Fade ala yeke gi mbi si ala yeke wara mbi. Tongana ala gi mbi na be ti ala kue,