2 Mbai 22:7 - Mbeti ti Nzapa - Tënë so amu fini

⁷ Nzapa agbu ndembe so Ahazia ague ti baa Yoram ti sara si Ahazia awara kuâ. Gi so Ahazia asi tongaso, lo na Yoram ague ti tengbi Yehu, molenge ti Nimshi. Andaa KOTA GBIA atuku mafuta na li ti Yehu ti ga gbia titene lo fâ azo ti sewa ti Akab kue ti hunzi ala.

2 Mbai 22:7 ပူးပေါင်းရင်းမြစ်များ

1 Agbia 12:15

Tongaso, gbia ama tënë ti azo ni pepe. *KOTA GBIA asara ye ni tongaso titene ye ni asi alingbi na tënë so lo tene na Yeroboam, molenge ti Nebat na lege ti wayanga-Nzapa Ahia, zo ti kodro ti Silo.

1 Agbia 12:24

Tënë so *KOTA GBIA atene ayeke so: ‘Ala gue, atiri bira na a-ita, azo ti Israel pepe! Ayeke nzoni zo oko oko akiri na ndo ti lo. Biani, mbi laa mbi yeda si ye so asi.’ ” Azo ni ama yanga ti KOTA GBIA si ala kiri na ndo ti ala, alingbi na yanga so KOTA GBIA amu.

1 Agbia 19:16

Na pekoni, mo tuku mafuta na li ti Yehu, molenge ti Nimshi titene lo ga gbia ti Israel. Fade mo tuku mafuta na li ti Élisée, molenge ti Shafat, zo ti gbata ti Abel-Mehola titene lo sara kua ti wayanga-Nzapa na peko ti mo.

1 Agbia 22:20

KOTA GBIA ahunda ndo, atene: ‘Zo wa laa ayeke handa ande Akab titene lo gue, lo tiri bira na Ramot, na sese ti Galaad si azo afâ lo kâ, zo wa?’ Mbeni zo atene ti lo ge nde, mbeni atene ti lo kâ nde.

2 Agbia 10:11

Azo ti sewa ti Akab so kue angba na fini na gbata ti Yizreel, akota zo ti lo kue, azo so lo na ala aye tere nga na awayango-sandaga ti lo, Yehu afâ ala kue, lo zia mbeni zo oko angba na fini pepe.

2 Agbia 9:21

Tongaso Yoram atene: “Ala leke pusu ti mbarata ti mbi!” Nilaa ala leke pusu ti mbarata ti lo. Yoram, gbia ti Israel ako na ya ti pusu ti mbarata ti lo; Ahazia, gbia ti Juda, ako nga na ya ti pusu ti mbarata ti lo. Ala londo ti gue ti wara Yehu na lege. Ala gue si ala wara lo na yaka ti Nabot, zo ti gbata ti Yizreel.

2 Agbia 9:27

So Ahazia, gbia ti Juda abaa ye ni tongaso, lo kpe, lo mu lege ti Bet-Gan. Me Yehu atumba peko ti lo si lo mu yanga na amba ti lo, atene: “Lo nga, ala fâ lo!” Azo ni akpo lo na ndö ti pusu ti mbarata ti lo na lege so ague na Gur, nduru na tere ti Ibleam. Me Ahazia awara lege ti kpe ti si na Megido si lo kui kâ.

2 Mbai 10:15

Tongaso, gbia ama tënë ti azo ni pepe. Nzapa asara ye ni tongaso titene ye ni asi alingbi na tënë so *KOTA GBIA atene na Yeroboam, molenge ti Nebat na lege ti wayanga-Nzapa Ahia, zo ti kodro ti Silo.

2 Mbai 22:6

Yoram akiri na Yizreel titene a kanga ka so a zia na tere ti lo na Ramot, na ndembe so lo yeke tiri bira na Hazael, gbia ti Sirii. Tongaso, Ahazia, molenge ti Yoram, gbia ti Juda, ague na Yizreel ti baa lo, ngbanga ti so ka ni ayeke so lo mingi.

Abia (Psaumes) 9:16

Azo ti mara nde ati na ya ti du so ala wani azi; kuku so ala leke na hondengo ni, kuku ni akiri agbu gere ti ala wani.

Amato 16:9

Zo ayeke leke na be ti lo ti mu mbeni lege, me KOTA GBIA laa ayeke mu ngangu na lo ti tambula daa.

Ésaïe 46:10

Aye so ayeke si ande, mbi fa tënë ni gi na tongo nda ni. Ye so ade ti si pepe, mbi tene tënë ni ngbene ye aninga awe. Mbi tene: “Pialo ti mbi ayeke si alingbi na ni. Ye so kue mbi ye ti sara, mbi yeke sara ni.”

Osée 14:9

Efraim, nyen laa ayeke kiri ti bongbi mbi na anzapa nde nyen? Mbi laa mbi yeke ma sambela ti mo si mbi yeke baa ndo na ndö ti mo. Mbi, mbi yeke tongana keke ti sipre so akugbe ni angba lakue fini ni. Mbi laa mbi yeke sara titene ale ti kobe ti mo adu.”

Ndia ti fani use ni 32:35

mbi yeke kiri peko ti sioni na ala, mbi yeke kiri peko ti ye na ala alingbi na sarango ye ti ala na ndembe so gere ti ala ayeke *zene si ala ye ti ti. Biani, lango ti ye ti ngangu ni aga nduru awe, lango ti kuâ ti ala angba yongoro pepe.’

Josué 11:20

Biani, KOTA GBIA asara titene be ti azo ti kodro ni akpengba si ala ngba gi ti tiri bira na azo ti Israel. Tongaso si azo ti Israel abaa mawa ti ala pepe, ala fâ azo ni kue, ahunzi ala tongana ti so *KOTA GBIA amu yanga na Moïse.

Awafango-ngbanga 14:4

Babâ na mama ti lo ahinga pepe atene, *KOTA GBIA laa ayeke pusu Samson ti sara ye so. Biani, lo yeke gi mbeni lege titene lo sara bira na azo ti Filistii. Na ngoi ni so, azo ti Filistii laa ayeke na ndö ti azo ti Israel.