2 Mbai 22:6 - Mbeti ti Nzapa - Tënë so amu fini

⁶ Yoram akiri na Yizreel titene a kanga ka so a zia na tere ti lo na Ramot, na ndembe so lo yeke tiri bira na Hazael, gbia ti Sirii. Tongaso, Ahazia, molenge ti Yoram, gbia ti Juda, ague na Yizreel ti baa lo, ngbanga ti so ka ni ayeke so lo mingi.

2 Mbai 22:6 ပူးပေါင်းရင်းမြစ်များ

2 Agbia 8:29

Gbia Yoram akiri na Yizreel titene a kanga ka so azo ti Sirii azia na tere ti lo na Rama, na ndembe so lo yeke tiri bira na Hazael, gbia ti Sirii. Tongaso, Ahazia, molenge ti Yoram, gbia ti Juda, ague na Yizreel ti baa Yoram, molenge ti Akab, ngbanga ti so ka ni ayeke so lo mingi.

2 Agbia 9:15

Gbia Yoram akiri lani na gbata ti Yizreel titene a kanga ka so azo ti Sirii azia na tere ti lo na ndembe so lo yeke tiri bira na Hazael, gbia ti Sirii. Yehu atene na amba ti lo: “Tongana ala leke na be ti ala ti mu peko ti mbi, ayeke nzoni mbeni zo oko asigigi na ya ti gbata ni pepe ti gue na Yizreel ti tene tënë ti ye so asi so.”

2 Mbai 21:17

Ala ga atiri bira na kodro-gbia ti Juda si ala li na ya ti kodro ni. Ala mu aye so kue ayeke na yangbo ti gbia; ala mu amolenge ti lo ti koli nga na awali ti lo ague na ala. Gi tanga ti molenge ti lo ti koli oko, Ahazia laa angba na lo.

2 Mbai 22:1

Azo ti Jérusalem amu Ahazia, tanga ti molenge ti Yoram ti ga gbia na peko ti babâ ti lo, ngbanga ti so ambeni arabu ali na ya ti bâbâ si ala fâ akozo molenge ti lo kue. Lege so Ahazia, molenge ti Yoram aga gbia ti Juda laa.

2 Mbai 22:5

Gi na lege ti wango ti ala si lo londo, lo na Yoram, molenge ti Akab ague ti tiri bira na Hazael, gbia ti Sirii, na gbata ti Ramot, na sese ti Galaad. Na ya ti bira ni, azo ti Sirii azia ka na tere ti Yoram.

2 Mbai 22:7

Nzapa agbu ndembe so Ahazia ague ti baa Yoram ti sara si Ahazia awara kuâ. Gi so Ahazia asi tongaso, lo na Yoram ague ti tengbi Yehu, molenge ti Nimshi. Andaa KOTA GBIA atuku mafuta na li ti Yehu ti ga gbia titene lo fâ azo ti sewa ti Akab kue ti hunzi ala.

Josué 15:56

Yizreel, Yokdeam, Zanoa,