2 Mbai 22:4 - Mbeti ti Nzapa - Tënë so amu fini

⁴ Lo sara ye so ayeke sioni na le ti *KOTA GBIA tongana ti azo ti sewa ti Akab. Na peko ti kuâ ti babâ ti lo, azo ti sewa ti Akab laa aga azo ti mungo wango na lo si wango ti ala ni ague na lo na kuâ.

2 Mbai 22:4 ပူးပေါင်းရင်းမြစ်များ

2 Mbai 22:3

Ahazia amu nga peko ti sarango ye ti azo ti sewa ti Akab, ngbanga ti so mama ti lo ayeke mu na lo wango ti sara asioni ye.

Amato 1:10

Molenge ti mbi, tongana asioni kamarade aye ti handa mo titene mo sara sioni, ayeke nzoni mo ke.

Amato 12:5

Tënë ti be ti azo ti mbirimbiri ayeke sarango ye na lege ti ndia; me ti azo ti sioni, ala ye gi handango azo.

Amato 13:20

Zo so ayeke fono na azo ti ndara, fade lo yeke ga zo ti ndara; me zo so ayeke sara kamarade na azo ti buba, lo yeke baa sioni daa.

Amato 19:27

Molenge ti mbi, tongana mo ye ti ma wango pepe, mo do lege ti mandango ye, mo zia ma!

Daniel 3:2

Na pekoni, gbia Nabukodonosor atokua azo ti bongbi amakonzi, akota komanda, agovoronere, awamungo-wango, awabatango-nginza, azo ti ndia, awafango-ngbanga na akota zo ti akete kodro ni kue. A iri ala ti ga na matanga ti vorongo yanda so gbia azia ni aluti na nduzu so.

Daniel 3:24

Li ti gbia Nabukodonosor kue akpe si hio, lo londo na nduzu. Lo hunda awamungo-wango ti lo, lo tene: “E kanga akoli ota na kamba si e bi ala na ya ti wâ pepe?” Awamungo-wango ni akiri tënë na lo, atene: “Gbia, tënë ni laa!”

Mishe 6:16

Ala yeke bata gi lege ti ambela ti gbia Omri, nga na lege ti sarango ye kue ti asewa ti Akab. Ala yeke sara gi aye so agbia ni afa na ala. Ndani laa, fade mbi yeke buba gbata ti ala si azo ti gbata ni ayeke ga ye ti ngia na le ti azo. Kamene so agbu le ti azo ti mbi so, fade kamene ni ayeke kiri ti gbu le ti ala.”