2 Mbai 21:4 - Mbeti ti Nzapa - Tënë so amu fini

⁴ So Yoram aga gbia na peko ti babâ ti lo awe, lo sara si komandema ti lo akpengba; lo fâ a-ita ti lo kue nga na ambeni makonzi ti Israel.

2 Mbai 21:4 ပူးပေါင်းရင်းမြစ်များ

Tongo nda ti aye 4:8

Tongaso Kain atene na ita ti lo Abel: “E gue na yaka.” Kâ na yaka ni, lo ti na ndö ti ita ti lo Abel si lo fâ lo.

1 Agbia 1:12

Fadeso, mbi ye ti mu na mo wango titene mo soo fini ti mo nga na fini ti molenge ti mo Salomon.

2 Mbai 21:13

Me mo mu peko ti sarango ye ti agbia ti Israel. Mo pusu azo ti Jérusalem na azo ti Juda titene ala voro anzapa nde tongana ti so azo ti sewa ti Akab asara. Ataa a-ita ti mo so ala yeke amolenge ti babâ ti mo, ala so ayeke nzoni mingi ahon mo so, mo fâ ala.

2 Mbai 21:17

Ala ga atiri bira na kodro-gbia ti Juda si ala li na ya ti kodro ni. Ala mu aye so kue ayeke na yangbo ti gbia; ala mu amolenge ti lo ti koli nga na awali ti lo ague na ala. Gi tanga ti molenge ti lo ti koli oko, Ahazia laa angba na lo.

2 Mbai 22:10

So Atalii, mama ti Ahazia ama a tene, molenge ti lo akui awe, lo londo, lo mu yanga titene a fâ *ahale ti gbia ti Juda kue.

2 Mbai 22:8

Tongaso, Yehu afâ ngbanga na li ti azo ti sewa ti Akab. Lo wara tere na amakonzi ti Juda nga na amolenge ti a-ita ti Ahazia so ala kue ayeke sara kua na gbia Ahazia si lo fâ ala kue.

2 Mbai 25:3

So Amasia asara si lengo-gbia ti lo akpengba awe, lo fâ amakonzi ti aturugu so lani afâ babâ ti lo, gbia Yoas so.

1 Jean 3:12

E sara ye tongana Kain pepe: lo yeke zo ti Sioni wato si lo fâ ita ti lo Abel. Ngbanga ti nyen si lo fâ lo? Ngbanga ti so ye so Kain ayeke sara, ayeke sioni si ti ita ti lo ayeke mbirimbiri.

Awafango-ngbanga 9:5

Lo londo, lo gue na da ti babâ ti lo so ayeke na Ofra. Kâ, lo fâ a-ita ti lo, amolenge ti Yerubaal balembarambara kue; lo fâ ala gi na ndö ti têne oko. Zo so asoo kuâ ayeke gi ngambe ni so iri ti lo Yotam, ngbanga ti so lo honde tere ti lo.