2 Mbai 21:3 - Mbeti ti Nzapa - Tënë so amu fini

³ Babâ ti ala amu na ala gba ti kadoo: wen ti nginza, lôro na aye ti ngangu ngere mingi. Lo mu nga na ala agbata so a sara angangu gbagba na tere ni si ayeke na Juda. Me lo soro Yoram ti ga gbia ti kodro ni, ngbanga ti so Yoram ayeke kozo molenge ni.

2 Mbai 21:3 ပူးပေါင်းရင်းမြစ်များ

Tongo nda ti aye 25:6

Ti amolenge so ambeni wali ti lo adu, lo mu kadoo na amolenge ni. So lo de na fini, lo tene na ala ti hon yongoro na tere ti molenge ti lo Isaac ti gue na mbeni kodro, na mbage ti To.

2 Mbai 11:23

Le ti Roboam ahan; nilaa lo kangbi tanga ti amolenge ti lo ti koli kue na ya ti asese ti Juda na ti Benjamin. Lo kangbi nga ala na ya ti agbata so ngangu gbagba ayeke na tere ni; lo mu na ala gba ti kobe, lo sara veke ti gba ti awali na ala.

2 Mbai 11:5

Roboam aduti na Jérusalem si lo sara angangu gbagba na tere ti agbata so ayeke na Juda:

Ezekiel 46:16

“Tënë so Kota Gbia NZAPA atene ayeke so: Tongana makonzi amu mbeni sese ti lo na mbeni molenge ti lo ti koli oko, sese ni ayeke ga ye ti molenge ni; ayeke ga ye ti amolenge ti lo nga na ti amolenge ti amolenge ti lo ti gue na ni.