2 Mbai 21:2 - Mbeti ti Nzapa - Tënë so amu fini

² A-ita ti Yoram ayeke daa; ala kue ayeke amolenge ti Yosafat. Iri ti ala ayeke Azaria, Yehiel, Zakarii, Azariahu, Mikael na Shefatia.

2 Mbai 21:2 ပူးပေါင်းရင်းမြစ်များ

2 Mbai 12:6

Amakonzi ti azo ti Israel na gbia asara tere ti ala kete si ala tene: “KOTA GBIA ayeke mbirimbiri!”

2 Mbai 21:4

So Yoram aga gbia na peko ti babâ ti lo awe, lo sara si komandema ti lo akpengba; lo fâ a-ita ti lo kue nga na ambeni makonzi ti Israel.

2 Mbai 23:2

Ala tambula na sese ti Juda kue. Na ya ti agbata ni kue, ala bongbi azo ti mara ti Lévi na amakonzi ti asewa ti Israel. Na pekoni, ala kue akiri na Jérusalem.

2 Mbai 24:16

A lu lo na Gbata ti David, na ndo so a yeke lu agbia daa. Biani, lo sara nzoni na azo ti Israel, lo sara nzoni ndali ti Nzapa nga ndali ti kota da ti Nzapa.

2 Mbai 24:5

Lo bongbi awayango-sandaga na azo ti mara ti Lévi si lo tene na ala: “Ala gue na ya ti agbata ti Juda si ala ro nginza na maboko ti azo ti Israel kue titene na ya ti ngu oko oko a kiri aleke na kota da ti Nzapa ti ala. Ala mu be ti ala ti sara kua ni hio!” Me azo ti mara ti Lévi amu be ti ala na kua ni hio pepe.

2 Mbai 28:19

*KOTA GBIA azia kamene na le ti azo ti Juda ndali ti Ahaz. Ahaz apusu azo ti kodro ti lo ti sara sioni mingi, lo wani, lo sara sioni mingi so ake KOTA GBIA.

2 Mbai 28:23

Lo mu *asandaga na anzapa ti Damas so lani akinda lo so. Lo tene na be ti lo, lo tene: “So anzapa ti agbia ti Sirii ayeke mu maboko na ala so, ayeke nzoni mbi mu *sandaga na anzapa ni so si fade ala yeke mu na mbi maboko.” Me anzapa so asara si Ahaz na azo ti Israel ati.

2 Mbai 28:27

Ahaz akui, lo hon na peko ti ababâ ti lo si a lu lo na Jérusalem; me a lu lo pepe na ndo so a yeke lu agbia ti Israel daa. Molenge ti lo Ezekias laa aga gbia na peko ti lo.

2 Mbai 33:18

Tanga ti atënë na ndö ti Manase, aye so lo sara, sambela so lo sara na Nzapa ti lo nga na atënë so azo ti bango nda ti aye atene na lo na iri ti KOTA GBIA, Nzapa ti Israel, a su tënë ni na ya ti mbeti ti agbia ti Israel.

2 Mbai 35:18

Ti londo na ngoi ti wayanga-Nzapa Samuel, a de a sara mara ti matanga ti Pake tongaso na Israel pepe; mbeni gbia ti Israel oko asara mara ti matanga ti Pake tongaso pepe tongana ti so Yosias, awayango-sandaga, azo ti mara ti Lévi, azo ti Juda kue nga na azo ti Israel so ayeke kâ, ala na azo ti Jérusalem asara.