2 Mbai 21:16 - Mbeti ti Nzapa - Tënë so amu fini

¹⁶ KOTA GBIA apusu azo ti Filistii na a-arabu so ayeke lango nduru na azo ti Etiopii ti tiri bira na Yoram.

2 Mbai 21:16 ပူးပေါင်းရင်းမြစ်များ

2 Samuel 24:1

Mbeni lâ, ngonzo ti *KOTA GBIA akiri alondo na tere ti azo ti Israel. Lo pusu David titene lo sara mbeni ye so ayeke sara sioni na ala; lo tene na lo: “Gue, mo diko wungo ti azo ti Israel na ti Juda.”

1 Agbia 11:11

KOTA GBIA atene na Salomon: “Ndali ti so mo sara ye tongaso, mo bata lege ti *mbuki ti mbi na mo pepe, mo sara ye alingbi na yanga so mbi mu na mo pepe, tongaso, mbi yeke zi kodro ni na maboko ti mo si mbi yeke mu ni na mbeni zo ti kua ti mo oko.

1 Agbia 11:14

*KOTA GBIA atokua mbeni wato na Salomon; wato ni ayeke Hadad, zo ti mara ti Edom, mbeni *hale ti gbia ti Edom.

1 Agbia 11:23

Nzapa akiri atokua mbeni wato na Salomon; wato ni ayeke Rezon, molenge ti Eliada ti koli. Lani, Rezon akpe da ti wa ti lo Hadadezer, gbia ti Soba si lo hon.

2 Mbai 17:11

Ataa azo ti Filistii kue aga na lo kadoo wala lapo ti wen ti nginza. A-arabu aga na lo anyama: akoli-taba 7 700 nga na akoli-ngasa 7 700.

2 Mbai 22:1

Azo ti Jérusalem amu Ahazia, tanga ti molenge ti Yoram ti ga gbia na peko ti babâ ti lo, ngbanga ti so ambeni arabu ali na ya ti bâbâ si ala fâ akozo molenge ti lo kue. Lege so Ahazia, molenge ti Yoram aga gbia ti Juda laa.

2 Mbai 26:7

Nzapa amu maboko na lo ti tiri bira na azo ti Filistii, a-arabu so ayeke lango na Gur-Baal nga na azo ti mara ti Meun.

2 Mbai 33:11

Tongaso KOTA GBIA asara si amakonzi ti aturugu ti gbia ti Asirii aga na tere ti ala. Aturugu ni agbu Manase, ala yoro *kongi na ngbangba ti lo, ala kanga lo na zingiri ti bengba wen si ala gue na lo na Babilone.

Esdras 1:1

Na kozo ngu so Sirus ayeke gbia ti Perse, *KOTA GBIA aye ti sara si tënë ti lo so lo zia ando na yanga ti Jérémie ti tene, aga taa-tënë. Nilaa KOTA GBIA azia na be ti Sirus ti mu yanga titene a to mbela na tënë ti Sirus na ya ti kodro ti lo kue; a su nga atënë ni na mbeti, atene:

Esdras 1:5

Tongaso azo so ayeke na li ti asewa ti mara ti Juda na ti Benjamin, awayango-sandaga na azo ti mara ti Lévi alondo ti gue ti leke kota da ti KOTA GBIA so ayeke na Jérusalem. Ala na azo so kue Nzapa azia na be ti ala nzara ti sarango da ni laa ague.

Joël 3:5

Tongaso, zo so kue ayeke iri KOTA GBIA ti mu maboko na lo, fade lo yeke soo kuâ. Na ndö ti hoto ti *Sion, na gbata ti Jérusalem, ambeni zo ayeke wara lege ti sigigi na ya ti akpale ni alingbi na tënë so KOTA GBIA atene. Azo so KOTA GBIA airi ala, ala yeke duti na popo ti azo so angba na fini.

Amos 1:6

Tënë so *KOTA GBIA atene ayeke so: “Mbi yeke na tënë na azo ti Gaza ndali ti asioni ye ota, wala osio so ala sara: ala gbu azo ti akete kodro kue kue kue si ala ka ala na azo ti mara ti Edom. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 3:6

Tongana a huru didi na ya ti mbeni gbata ti fa tënë ti bira, fade mbeto alingbi ti gbu azo pepe? Tongana kpale asi na ya ti mbeni gbata, *KOTA GBIA laa asara ye ni pepe?

1 Samuel 26:19

Fadeso, ayeke nzoni gbia, kota zo ti mbi ama tënë ti mbi, zo ti kua ti lo nzoni. Tongana KOTA GBIA laa apusu mo ti sara sioni na mbi, ayeke nzoni *sandaga so azo amu na lo ade be ti lo. Me tongana azo laa apusu mo, ayeke nzoni KOTA GBIA adeba ala, ngbanga ti so ala laa atumba mbi na kodro fadeso; ala laa ake titene mbi lango na kodro so KOTA GBIA amu na azo ti lo. Na sarango ye tongaso, ala ye ti tene na mbi: ‘Gue, mo voro ambeni nzapa nde!’