2 Mbai 21:11 - Mbeti ti Nzapa - Tënë so amu fini

¹¹ Lo wani, lo leke ambeni ndo na ndö ti ahoto ti Juda titene azo avoro anzapa nde daa. Lo pusu azo ti Jérusalem na azo ti Juda titene ala mu peko ti anzapa nde.

2 Mbai 21:11 ပူးပေါင်းရင်းမြစ်များ

1 Agbia 11:7

Na ngoi ni so, Salomon aleke mbeni ndo na li ti hoto si lo zia ni nde ndali ti Kemosh, fungo nzapa ti azo ti mara ti Moab; hoto ni abaa le na gbata ti Jérusalem. Lo leke nga ndo ni ndali ti Molek, fungo nzapa ti azo ti mara ti Amon.

1 Agbia 14:16

KOTA GBIA ayeke do azo ti Israel ti zia, ngbanga ti so Yeroboam asara siokpari si lo pusu nga azo ti Israel ti sara siokpari.”

1 Agbia 14:9

Ti mo, mo sara ye ti sioni mingi ahon azo so kue ayeke kozoni na mo: mo zia ngonzo na be ti mbi na lege so mo sara ndali ti mo wani anzapa nde nga na ayanda so mo kporo bengba wen si mo sara na ni; mo zia mbi na peko!

2 Agbia 21:11

“Manase, gbia ti Juda asara asioni ye so kue zo alingbi ti baa na le ti lo fani use pepe; lo sara asioni ye ni ahon azo ti mara ti Amori so ayeke kozoni na lo; lo pusu nga azo ti Juda ti sara siokpari na lege ti ayanda ti lo.

2 Agbia 9:22

Gi so Yoram abaa Yehu awe, lo tene: “Yehu, mo ga na tënë ti siriri?” Yehu akiri tënë: “Nyen? Siriri? So mama ti mo Yezabel angba ti voro anzapa nde si lo ngba ti sara mazi so!”

2 Mbai 21:10

Ti londo na ngoi ni so ngbii asi fadeso, azo ti Edom ake ti ngba na gbe ti komandema ti Juda. Gi na oko ngoi ni so, azo ti gbata ti Libna ake ti ngba na gbe ti komandema ti Yoram, ngbanga ti so Yoram azia KOTA GBIA, Nzapa ti akotara ti lo awe.

2 Mbai 21:13

Me mo mu peko ti sarango ye ti agbia ti Israel. Mo pusu azo ti Jérusalem na azo ti Juda titene ala voro anzapa nde tongana ti so azo ti sewa ti Akab asara. Ataa a-ita ti mo so ala yeke amolenge ti babâ ti mo, ala so ayeke nzoni mingi ahon mo so, mo fâ ala.

2 Mbai 33:9

Me Manase apusu azo ti Juda na ti Jérusalem titene ala kiri asara sioni ahon amara so KOTA GBIA afâ ando ala kue kue kue na dawa ti azo ti Israel so.

Abia (Psaumes) 106:39

Na lege ti sarango ye tongaso, ala wani aga *sioni, sarango ye ti ala ni ayeke tongana sarango ye ti ndumba.

Abia (Psaumes) 78:58

Na lege ti ando so ala leke na ndö ti ahoto si ala yeke voro anzapa nde daa, ala zia ngonzo mingi na be ti Nzapa; na lege ti ayanda ti ala, ala pusu lo ti sara mbanda.

Sigingo 34:16

Tongana ala mu awali ti kodro ni ti ga awali ti amolenge ti ala, fade awali ni ayeke kpe na peko ti anzapa ti ala si ala yeke handa amolenge ti ala, azo ti Israel ti kpe nga na peko ti anzapa ti awali ni.

Ésaïe 65:7

Mbi KOTA GBIA, mbi tene: Mbi yeke futa ala alingbi na sioni ti ala wani nga na sioni ti akotara ti ala. Akotara ti ala ayeke zö ando yombo na li ti ahoto, ala yeke zonga mbi na li ti akete hoto. Tongaso, mbi yeke futa ala sioni sioni ndali ti aye so ala sara ando so.”

Jérémie 3:8

Lo baa so mbi zia Israel-wali-pupulenge awe ndali ti sarango ye ti ndumba ti lo si mbi mu na lo mbeti ti kangbingo tere. Me ita ti lo ti wali Juda-wali-gbanambana asara mbeto oko pepe. Lo nga, lo gue daa ti sara aye ti ndumba.

Ezekiel 20:28

Mbi sara si ala li na kodro so mbi yoro lani maboko ti mbi na nduzu, mbi deba yanga ti mbi ti mu na ala. Na ya ti kodro ni, le ti ala agi ndo so akete hoto kue ayeke daa nga na akeke so gba ti akugbe ayeke daa. Kâ laa, ala mu asandaga ti ala, ala mu amatabisi ti ala ti gingo na yanga ti mbi, ala mu asandaga so fion ni afun nzoni nga na sandaga ti samba.

Ezekiel 23:11

“Ita ti lo Oholiba abaa ye so kue. Me nzara ti tere ti lo ahon ndoni si lo sara sioni mingi; lo kiri lo sara ye ti ndumba ahon ti ita ti lo.

Daniel 3:15

Fade ala yeke kiri ti ma toto ti tatalita, ti ngoli, ti kete kundi na ti kota kundi, ti kalangba na mara ti angoli nde nde na aye ti sarango na mozoko nde nde. Ala yeke fadeso nduru ti kuku na sese ti voro yanda ti lôro so mbi sara ni so? Tongana ala ke, fade a yeke bi ala biaku na ya ti kota wâ so ayeke za ngangu. Nzapa wa si ayeke zi ala na maboko ti mbi?”

Osée 12:1

KOTA GBIA atene: “Azo ti Efraim angoro mbi na tënë ti mvene, azo ti Israel angoro mbi na tënë ti handango ndo. Azo ti Juda angba ti tambula na Nzapa, me ala ngba ti sara na anzapa nde.”

Osée 4:15

“Tongana mo Israel, mo sara ye ti ndumba, ayeke nzoni Juda asara gi mara ti sioni ye so pepe. Ala gue na Gilgal pepe, ala gue na Bet-Aven pepe si ala deba yanga ti ala pepe, atene: ‘KOTA GBIA ayeke na fini!’ ”

Awayango-sandaga 17:7

Tongaso si azo ti Israel ayeke kiri ti mu sandaga pepe na anzapa so akpa akoli-ngasa si ala yeke sara aye ti ndumba na ala so. Ndia so ayeke ngba kpu na kpu ndali ti azo ti Israel na *ahale ti ala.

Awayango-sandaga 20:5

fade mbi wani, mbi yeke ga na tere ti zo ni nga na tere ti azo ti sewa ti lo. Lo na azo so kue amu peko ti lo ti voro Molek, mbi yeke tumba ala na popo ti azo ti Israel.

Habakuk 2:15

“Mawa na mo, mo so mo mu samba na mba ti mo, mo tuku sioni samba na mba ti mo, lo nyon ngbii ahon ndö ti lo, azo abaa tere ti lo so ayeke ndumbu si ala he lo.

Ndia ti fani use ni 31:16

KOTA GBIA atene na Moïse: “Mo ga nduru ti gue na peko ti ababâ ti mo so akui so awe. Na peko ti mo, fade azo so ayeke to nda ti kpe na peko ti anzapa ti awande ti voro ala, anzapa ti kodro so ala, azo ti Israel, ala yeke li daa. Fade azo so ayeke ke mbi si ala yeke buba ya ti *mbuki so mbi na ala e sara ni.