2 Mbai 21:10 - Mbeti ti Nzapa - Tënë so amu fini

¹⁰ Ti londo na ngoi ni so ngbii asi fadeso, azo ti Edom ake ti ngba na gbe ti komandema ti Juda. Gi na oko ngoi ni so, azo ti gbata ti Libna ake ti ngba na gbe ti komandema ti Yoram, ngbanga ti so Yoram azia KOTA GBIA, Nzapa ti akotara ti lo awe.

2 Mbai 21:10 ပူးပေါင်းရင်းမြစ်များ

1 Agbia 11:31

Na pekoni, lo tene na Yeroboam: “Mu ti mo yanga ti anduru bongo ni baleoko. Biani, tënë so *KOTA GBIA, Nzapa ti Israel atene ayeke so: Baa, mbi yeke zi kodro ni na maboko ti Salomon si mbi yeke mu na mo amara baleoko.

1 Agbia 11:33

Mbi yeke sara ye ni tongaso, ngbanga ti so azo ti Israel ado mbi azia si ala voro Astarte, nzapa-wali ti azo ti mara ti Sidon; ala voro Kemosh, nzapa ti azo ti mara ti Moab nga na Milkom, nzapa ti azo ti mara ti Amon. Azo ti Israel amu lege so mbi fa na ala so pepe, ala sara ye so ayeke nzoni na le ti mbi pepe; ala sara ye na lege ti andia ti mbi pepe nga na lege ti asarango ye so mbi fa na ala so pepe. Ala sara ye tongana ti David, babâ ti Salomon pepe.

2 Agbia 19:8

Makonzi ti aturugu ti Asirii ama a tene, gbia ti Asirii alondo na gbata ti Lakish, lo ga na gbata ti Libna si lo yeke tiri bira na azo ti gbata ni. Makonzi ni aga si lo wara gbia ni kâ.

2 Mbai 13:10

Ti e, KOTA GBIA laa ayeke Nzapa ti e; e zia lo pepe. Awayango-sandaga so ayeke sara kua na KOTA GBIA ayeke ahale ti Aaron si azo ti mara ti Lévi ayeke sara kua ti ala.

2 Mbai 15:2

Lo gue, lo wara Asa si lo tene na lo: “Gbia Asa, mo na azo ti Juda nga na azo ti Benjamin kue, ala ma mbi si! *KOTA GBIA ayeke na ala, tongana ala yeke na lo. Tongana ala gi lo, fade lo yeke zi lege na ala ti wara lo; me tongana ala zia lo, fade lo nga lo yeke zia ala.

2 Mbai 21:11

Lo wani, lo leke ambeni ndo na ndö ti ahoto ti Juda titene azo avoro anzapa nde daa. Lo pusu azo ti Jérusalem na azo ti Juda titene ala mu peko ti anzapa nde.

2 Mbai 21:8

Na ngoi so Yoram ayeke le-gbia laa azo ti Edom ake ti ngba na gbe ti komandema ti Juda si ala soro gbia ti ala wani.

2 Mbai 21:9

Yoram amu apusu ti mbarata ti lo kue si lo na amakonzi ti aturugu ti lo, ala gue. Na be ti bi, lo na amakonzi ti aturugu ti lo alondo si ala suru lege ahon na popo ti azo ti Edom so angoro fade ala kue.

2 Mbai 28:6

Gi na ya ti lango oko, Peka afâ aturugu ti Juda 120 000, ala kue gi angangu turugu; ye ni asi, ngbanga ti so ala do KOTA GBIA, Nzapa ti akotara ti ala azia.

Ésaïe 1:28

Me azo ti ngangu li na azo ti siokpari, fade a yeke kungbi ala; azo so azia *KOTA GBIA, gigi ti ala ayeke hunzi.

Jérémie 2:13

Azo ti mbi asara asioni ye use: ala do mbi azia, mbi so mbi yeke li ti ngu so ayeke mu fini na zo; ala gue ti zi du ti ngu ndali ti ala wani; andaa du ti ngu ni akoro korongo; du ni alingbi ti bata ngu pepe.”

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Ndia ti fani use ni 31:17

Ndani laa, fade ngonzo ti mbi ayeke londo na tere ti ala tongana wâ na lango ni so. Mbi yeke zia ala, mbi yeke honde le ti mbi na ala. Tongaso, fade amara nde ayeke te ala kue, akpale mingi na aye ti ngangu mingi ayeke si na ala, azo ti Israel si ala yeke tene: ‘Akpale so kue asi na e, ngbanga ti so Nzapa ti e ayeke na popo ti e mbeni pepe!’

Ndia ti fani use ni 32:21

Ala sara si mbanda ti mbi alondo na lege ti vorongo anzapa so ayeke taa Nzapa pepe; ala zia ngonzo na be ti mbi na lege ti ayanda ti ala. Mbi nga, mbi yeke sara si mbanda ti ala alondo na lege ti ye so ayeke taa mara pepe, mbi yeke zia ngonzo na be ti ala na lege ti mbeni mara so ahinga ndo pepe.

Josué 10:29

Josué na azo ti Israel kue alondo na Makeda, ala gue na Libna si ala tiri bira na gbata ni.

Josué 21:13

A mu na ahale ti wayango-sandaga Aaron gbata ti Hebron, gbata so azo so afâ zo na mbana pepe ayeke kpe daa ti bata tere ti ala. A mu na ala gbata ni nga na ando ti tengo pere ndali ti anyama ti ala. A mu nga na ala Libna,

Awafango-ngbanga 10:13

Me ti ala, ala do mbi azia ti voro anzapa nde. Ndani laa mbi yeke kiri ti soo ala pepe.