2 Mbai 20:8 - Mbeti ti Nzapa - Tënë so amu fini

⁸ Ala sara kodro na ndo so si ala sara kota da na iri ti mo, ala tene:

2 Mbai 20:8 ပူးပေါင်းရင်းမြစ်များ

2 Mbai 2:4

Da so mbi ye ti sara so ayeke duti kota da, ngbanga ti so Nzapa ti e ayeke kota ahon anzapa kue.

2 Mbai 20:7

Mo laa mo yeke Nzapa ti e so mo tumba ando azo ti kodro so na dawa ti azo ti Israel, azo ti mo; mo mu kodro ni na *ahale ti Abraham so aye mo mingi; mo mu kodro ni na ala titene aga ti ala biani biani!

2 Mbai 20:9

‘Tongana mbeni kpale asi na e, wala bira, wala sioni ngbanga, wala sioni kobela ti bubango kodro, wala kota nzara si e ga, e luti na dawa ti kota da so – so ti tene na dawa ti mo, ngbanga ti so iri ti mo ayeke na ndö ti da ni – na ya ti kota mawa ti e, tongana e dekongo na mo, fade mo yeke ma e si mo yeke soo e na kuâ.’

2 Mbai 6:10

Salomon akiri atene: “Tënë so KOTA GBIA atene lani so, lo sara ye alingbi na ni awe: mbi ga gbia na peko ti babâ ti mbi David, mbi duti na ndö ti mbata ti Israel, alingbi na tënë so KOTA GBIA atene lani, nilaa mbi sara kota da so ndali ti KOTA GBIA, Nzapa ti Israel.

2 Mbai 6:5

nilaa lo tene: ‘Ti londo na lango so mbi sara si azo ti mbi asigigi na sese ti Ezipte, mbi soro laoko pepe mbeni gbata na popo ti amara ti Israel kue titene a sara da na ya ni ndali ti mbi, wala mbi soro mbeni zo pepe titene lo ga makonzi ti azo ti Israel, azo ti mbi.

2 Mbai 6:6

Me mbi soro Jérusalem ti duti daa, mbi soro nga David titene lo sara komandema na ndö ti Israel, azo ti mbi.’

Josué 21:43

KOTA GBIA amu na azo ti Israel sese so kue lo deba yanga ti lo ti mungo na akotara ti ala. Ala mu ni aga ti ala si ala duti daa biani biani.