2 Mbai 20:30 - Mbeti ti Nzapa - Tënë so amu fini

³⁰ Tongaso, kodro-gbia ti Yosafat aduti kpoo, ngbanga ti so Nzapa ti lo amu na lo siriri mbage na mbage kue.

2 Mbai 20:30 ပူးပေါင်းရင်းမြစ်များ

2 Samuel 7:1

So gbia David aduti na yangbo ti lo awe si *KOTA GBIA azi lo na maboko ti awato ti lo so angoro kodro ti lo si lo duti kpoo,

2 Mbai 15:15

Tere ti azo ti Juda kue anzere ndali ti deba ti yanga ti ala so ala de so, ngbanga ti so ala sara ni na be ti ala kue. Azo kue azia be ti ala ti gi KOTA GBIA; nilaa lo zia lege na ala ti wara lo. Lo mu na ala siriri mbage na mbage kue.

Mbeti ti Job 11:19

Na ndembe so mo yeke wu tere ti mo, zo ti so li ti mo ayeke daa pepe; azo mingi ayeke tene nzoni tënë ti woko be ti mo.

Mbeti ti Job 34:29

Me tongana Nzapa akanga maboko aduti, zo wa laa ayeke fâ ngbanga na li ti lo? Tongana lo honde le ti lo, zo wa laa alingbi ti baa lo, zo wa? Andaa lo yeke bata kodro nga na azo.

Abia (Psaumes) 76:8

Mo laa mo yeke zia kota mbeto na be ti zo! Tongana ngonzo ti mo alondo, zo wa laa alingbi ti luti na le ti mo, zo wa?

Amato 16:7

Tongana KOTA GBIA ayeda na lege ti sarango ye ti mbeni zo, ataa awato ti zo ni, lo yeke leke songo na popo ti lo na ala.

Amato 3:24

Tongana mo yeke gue ti lango, mbeto ti mbeni ye oko ayeke sara mo pepe; tongana mo lango, lango ni ayeke nzere mingi.

Awayango-sandaga 26:6

Mbi yeke zia siriri na ya ti kodro ni. Tongana ala yeke lango, mbeni ye oko ti zia mbeto na be ti ala ayeke daa pepe. Mbi yeke hunzi asioni nyama kue na ya ti kodro ni. Azo ayeke kiri ti tiri bira na ala pepe.

Sofonii 3:13

Tanga ti azo ti Israel so angba na fini ayeke kiri ti sara sioni pepe, ala yeke kiri ti tene mvene pepe, a yeke kiri ti wara tënë ti handango ndo na yanga ti ala pepe. Me fade ala lingbi ti te kobe nzoni, ala lingbi ti wu tere ti ala nzoni, zo oko ti zia mbeto na be ti ala ayeke daa pepe.”

Jean 14:27

“Mbi zia na ala siriri; siriri ti mbi wani laa mbi yeke mu na ala. Mbi yeke mu ni na ala tongana ti so azo ti dunia ayeke mu ni pepe. Ala gi be ti ala pepe; mbeto asara ala pepe.

Josué 23:1

Na peko ti so *KOTA GBIA azi azo ti Israel na maboko ti awato ti ala so angoro ala, lo mu na ala siriri aninga awe. Josué aga mbakoro si ngu ti lo ahon mingi awe.