2 Mbai 20:3 - Mbeti ti Nzapa - Tënë so amu fini

³ Mbeto agbu Yosafat si lo leke na be ti lo ti hunda *KOTA GBIA. Lo hunda na azo ti Juda kue titene ala ke kobe ti sambela.

2 Mbai 20:3 ပူးပေါင်းရင်းမြစ်များ

2 Mbai 11:16

Azo ti amara kue ti Israel, ala so azia be ti ala ti gi *KOTA GBIA, Nzapa ti Israel, ala mu peko ti azo ti mara ti Lévi ti gue na Jérusalem titene ala mu *asandaga na KOTA GBIA, Nzapa ti akotara ti ala.

2 Mbai 19:3

Me mo sara ambeni nzoni ye: na ya ti kodro ti mo kue, akeke so azo aleke aluti na nduzu ndali ti nzapa-wali *Ashera, mo gbi ni; mo zia be ti mo kue ti gi Nzapa.”

2 Mbai 7:14

tongana azo ti mbi so a di iri ti mbi na ndö ti ala asara tere ti ala kete, ala sambela mbi, ala gi le ti mbi si ala zia sioni lege ti sarango ye ti ala, mbi so mbi yeke na yayu kâ, fade mbi yeke ma sambela ti ala, mbi yeke zi siokpari na li ti ala si mbi yeke sara titene kodro ti ala aga nzoni.

Néhémie 9:1

Na lango baleuse na osio ti oko nze ni so, azo ti Israel abongbi ti ke kobe ti sambela. Ala yu bongo ti mua, ala tuku fuku ti sese na li ti ala.

Esther 4:16

“Gue mo bongbi azuife so kue ayeke na Suze, mo tene na ala titene ala ke kobe ti sambela ndali ti mbi; bi na lâ na ya ti lango ota, ala te kobe pepe, ala nyon ngu pepe. Mbi nga, mbi na azo ti kua ti mbi ti wali, e yeke sara ande tongaso. Na pekoni, mbi yeke gue na tere ti gbia, ataa so ndia agbanzi lege ni; ti kuâ ni, mbi yeke kui!”

Jérémie 36:9

Biani, na nze gumbaya ni, na ngu oku ni so Yoakim, molenge ti Yosias, ayeke gbia ti Juda, a to mbela na azo ti Jérusalem kue nga na azo so kue alondo na ya ti agbata ti Juda si aga na Jérusalem ti ke kobe na dawa ti KOTA GBIA.

Daniel 9:3

Mbi yo le ti mbi na nduzu ti baa ndo na mbage ti KOTA GBIA ti sambela lo, ti voro tere ti mbi na lo. Mbi ke kobe, mbi yu bongo ti mua si mbi tuku mburu ti wâ na li ti mbi.

Joël 1:14

Ala mu yanga titene azo azia mbeni lango nde ti ke kobe ti sambela Nzapa; ala iri azo ti bongbi ti voro Nzapa; ala bongbi *akangba na azo ti kodro kue na ya ti da ti *KOTA GBIA, Nzapa ti ala, ala dekongo na lo.

Amos 5:4

Tënë so *KOTA GBIA atene na azo ti Israel ayeke so: “Ala gi mbi si fade ala duti na fini.

Jonas 1:16

Mbeto ti KOTA GBIA ahon ndö ti azo ti mangboko ni, ala mu mbeni *sandaga na lo si ala deba yanga ti ala ti mu mbeni ye na lo.

Matthieu 10:28

Azo so ayeke fâ tere ti zo, ala sara mbeto ti ala pepe; azo ni alingbi ti fâ yingo ti zo pepe. Me ayeke nzoni ala kpe mbeto ti Nzapa so alingbi ti sara si tere ti zo na yingo ti lo kue abuba na ndo so wâ ayeke gbi daa lakue.

Awafango-ngbanga 20:26

Tongaso, azo ti Israel kue amu lege ague na Betel. Kâ, ala duti ti toto na dawa ti KOTA GBIA, ala ke kobe ngbii asi na lakui. Ala mu na KOTA GBIA *sandaga so a yeke gbi ni kue na wâ nga na sandaga ti beoko.

1 Samuel 7:6

Azo ti Israel abongbi na Mispa. Ala to ngu si ala tuku ni na sese na dawa ti KOTA GBIA. Na lango ni so, ala ke ti te kobe si ala tene: e sara siokpari so ake KOTA GBIA. Kâ na Mispa laa, Samuel asara kua ti wayango-sandaga na popo ti azo ti Israel.