2 Mbai 20:22 - Mbeti ti Nzapa - Tënë so amu fini

²² Na ndembe so ala to nda ti he bia si ala yeke sepela KOTA GBIA, lo bi wusuwusu na popo ti azo so aga ti tiri bira na azo ti Juda: azo ti Amon, ti Moab na azo so ayeke lango na sese ti ahoto ti Seir. Ala wani ayeke tiri na popo ti ala.

2 Mbai 20:22 ပူးပေါင်းရင်းမြစ်များ

2 Samuel 22:4

Mbi gonda KOTA GBIA! Mbi dekongo na lo; lo zi mbi na maboko ti awato ti mbi.

2 Agbia 6:17

Na pekoni, Élisée asambela, atene: “*KOTA GBIA, zi le ti zo ti kua ti mbi si lo lingbi ti baa ndo!” KOTA GBIA azi le ti zo ti kua ni si lo baa ambarata na apusu ti mbarata so aza wâ; ala si singo na li ti hoto si ala ngoro tere ti Élisée kue.

2 Mbai 13:13

Na ngoi ni so, Yeroboam atokua ambeni turugu ti luti na hondengo ni na mbage ti peko ti azo ti Juda; azo ti Israel ayeke na dawa ti ala si ambeni turugu ti Yeroboam aluti na hondengo ni na mbage ti peko ti azo ti Juda ni.

2 Mbai 13:15

Aturugu ti Juda adekongo ti bira. Gi na ndembe so ala dekongo, Nzapa akinda Yeroboam na azo ti Israel kue na dawa ti Abia nga na azo ti Juda.

2 Mbai 20:10

Fadeso azo ti Amon, ti Moab nga na azo so ayeke lango na sese ti ahoto ti Seir ayeke ga ti tiri bira na e. Na ngoi so akotara ti e asigigi ando na sese ti Ezipte, mo ke na ala titene ala hon na ya ti akodro ti amara so. Akotara ti e ahon na mbeni lege nde si ala fâ azo ni pepe ti hunzi ala.

2 Mbai 21:8

Na ngoi so Yoram ayeke le-gbia laa azo ti Edom ake ti ngba na gbe ti komandema ti Juda si ala soro gbia ti ala wani.

2 Mbai 5:13

Azo ti hurungo tatalita na azo ti hengo bia abongbi tere ti ala kue ti sepela na ti gonda KOTA GBIA. Na ndembe so toto ti tatalita, ti ngo na ti aye ti mozoko alondo, ala yeke sepela KOTA GBIA, atene: “E mu singila na KOTA GBIA, ngbanga ti so lo yeke nzoni; nzoni be ti lo angba kpu na kpu!” Tongaso, mbinda asi singo na ya ti kota da ni, da ti KOTA GBIA.

Abia (Psaumes) 18:4

Mbi gonda KOTA GBIA! Mbi dekongo na lo si lo zi mbi na maboko ti awato ti mbi.

Ésaïe 19:2

*KOTA GBIA atene: “Mbi yeke pusu azo ti Ezipte na tere ti amba ti ala, zo oko oko ayeke tiri na ita ti lo, zo oko oko ayeke tiri na mba ti lo mbeni gbata ayeke tiri na mbeni gbata, mbeni kodro-gbia ayeke tiri na mbeni kodro-gbia.

Ezekiel 38:21

Na ndö ti ahoto ti mbi kue, mbi yeke ga na bira na tere ti mo, Gog. So tënë ti yanga ti mbi, Kota Gbia NZAPA laa. Fade zo oko oko ayeke fâ ita ti lo na yongoro zeme.

Josué 6:16

Ti fani mbarambara ni, so awayango-sandaga ahuru didi awe, Josué atene na azo ni, atene: “Ala dekongo ngangu, ngbanga ti so KOTA GBIA azia gbata ni na maboko ti ala awe!

Awafango-ngbanga 7:22

Na ndembe so azo ngbangbo ota so angba ti huru tatalita, KOTA GBIA asara si azo ti ya ti bâbâ ni kue alondo ti fâ tere na yongoro zeme. Ala so angba so akpe ngbii, ala si na Bet-Shita so ayeke na lege ti guengo na Sereda; ala kpe nga na gbata ti Abel-Mehola so ayeke nduru na Tabat.

1 Samuel 14:16

Asanziri ti Saul so ayeke na Gibea, na sese ti Benjamin abaa gba ti azo ti Filistii so akangbi si ala yeke kpe kirikiri.

1 Samuel 14:20

Saul na aturugu ti lo abongbi tere si ala gue na ndo so bira ni ayeke daa. Ala baa so wusuwusu ahon ndoni si azo ti Filistii ayeke fâ tere na popo ti ala kirikiri.