2 Mbai 20:12 - Mbeti ti Nzapa - Tënë so amu fini

¹² Nzapa ti e, fade mo fâ ngbanga na li ti ala pepe? Na dawa ti gba ti aturugu so aga ti tiri bira na e so, e yeke na ngangu oko pepe, e hinga ye so e lingbi ti sara oko pepe. Me le ti e kue gi na ndö ti mo.”

2 Mbai 20:12 ပူးပေါင်းရင်းမြစ်များ

2 Samuel 14:11

Wali ni atene: “Ayeke nzoni gbia adeba yanga ti lo na iri ti *KOTA GBIA, Nzapa ti lo titene zo so alingbi ti kiri peko ti fango molenge ti mbi na zo ti fango lo, alingbi lo kiri lo zia vundu na ndö ti vundu pepe na fango tanga ti molenge so angba na mbi!” Gbia ni atene: “KOTA GBIA ayeke na fini! Ataa kua ti li ti molenge ti mo oko ayeke ti pepe!”

1 Agbia 1:20

Fadeso, gbia ti mbi, azo ti Israel kue ayeke baa ndo na mo. Ala yeke ku titene mo fa na ala zo wa laa ayeke duti ande na ndö ti mbata ti gbia na peko ti mo.

2 Agbia 6:15

Na kota ndaperere, zo ti kua ti Élisée alondo, lo sigigi na ya ti gbata ni. Lo baa aturugu, ambarata na apusu ti mbarata so angoro gbata ni. Lo dekongo, lo tene: “Ae babâ! Fade e yeke sara tongana nyen?”

2 Mbai 20:13

Azo ti Juda kue aluti na dawa ti KOTA GBIA, ala na awali ti ala na amolenge ti ala.

Abia (Psaumes) 141:8

Me le ti mbi ayeke baa gi mo, NZAPA, Kota Gbia; mbi kpe ti honde tere ti mbi nduru na mo, mo zia mbi kui pepe!

Abia (Psaumes) 25:15

Le ti mbi angba lakue na ndö ti KOTA GBIA. Biani, lo zi mbi na ya ti gbanda so agbu mbi.

Abia (Psaumes) 43:1

Nzapa, mo fâ ngbanga ti mbi, mo gbu koko ti mbi ti kanga lege na azo so ake mo. Mo zi mbi na maboko ti azo ti handango zo nga na maboko ti azo ti fango zo.

Abia (Psaumes) 7:6

Tongana mbi sara aye tongaso, ayeke nzoni wato ti mbi atumba peko ti mbi, lo gbu mbi, lo bi mbi na sese, lo do ya ti mbi si lo sara mbi taa potopoto! Luti kete

Abia (Psaumes) 7:8

Ayeke nzoni bongbi ti amara angoro mo; kâ na nduzu na ndö ti mbata ti mo, ayeke nzoni mo duti gbia na ndö ti ala.

Abia (Psaumes) 9:19

Me azo so ye atia ala, Nzapa ayeke girisa ala biani biani pepe; azo ti mawa so azia be ti ala ti ku ye, ala yeke ku ni gbaa pepe.

Abia (Psaumes) 94:2

Mo so mo yeke fâ ngbanga ti azo ti sese, londo si! Kiri na azo ti baba peko ti sioni alingbi na sioni so ala sara!

Ésaïe 2:4

Lo yeke fâ ngbanga na popo ti amara nde, lo yeke leke tënë na popo ti amara gbani gbani. Amara ni ayeke mu ayongoro zeme ti ala ti sara na akpoka; ala yeke mu alikongo ti ala ti sara na azeme ti fango na ale ti kobe. Mbeni mara ayeke kiri ti mu yongoro zeme na tere ti mbeni mara pepe; azo ayeke kiri ti manda lege ti tiringo bira pepe.

Ésaïe 42:4

Ngangu ti lo ayeke hunzi pepe, be ti lo ayeke woko pepe ngbii lo fa lege ti sarango ye ti mbirimbiri na ndö ti sese. Azo ti azoa ayeke zia be ti ala ti ku fango ye ti lo.”

Ésaïe 45:22

Ala azo so kue ayeke lango na nda ti sese, ala kiri na mbage ti mbi si fade mbi soo ala. Biani, mbi yeke Nzapa, mbeni nde ayeke daa pepe.

Jonas 2:4

Mo bi mbi na gbe ti kota ngu-ingo; mo bi mbi taa na be ti kota ngu-ingo ni. Kota ngu-ingo amene mbi kue, *amapo so kue mo sara na le ti ngu ayeke hon na ndö ti mbi, ayeke hon na ndö ti mbi.

Ndia ti fani use ni 32:36

Biani, fade KOTA GBIA ayeke fâ ngbanga ti azo ti lo, lo yeke baa mawa ti azo ti kua ti lo na ndembe so lo yeke baa so ngangu ti ala ahunzi awe, mbeni zo ti mu maboko na ala ayeke daa pepe, ngbaa, wala zo so asigigi na gbe ti ngbaa ayeke daa mbeni pepe.

Aye so Nzapa afa 19:11

Na pekoni, mbi baa yanga ti yayu azi si mbeni vuru mbarata ayeke daa; iri ti lo so aduti na ndö ti mbarata ni ayeke “Zo ti batango tënë ti yanga ti lo” nga na “Zo ti tenengo taa-tënë.” Lo yeke fâ ngbanga na legeni si lo yeke tiri bira na lege ti mbirimbiri.

Awafango-ngbanga 11:27

Ti mbi, mbi sara mbeni sioni ye na mo pepe; me mo laa mo sara sioni na mbi, ngbanga ti so mo ye ti sara bira na mbi. Ayeke nzoni KOTA GBIA, lo so lo yeke fâ ngbanga ti azo kue, afâ ngbanga na popo ti azo ti Israel na azo ti Amon laso.”

1 Samuel 14:6

Jonatan atene na zo so ayeke yo aye ti bira ti lo, atene: “Ga, e gue na ndo so aturugu ti Filistii so ahinga Nzapa pepe so ayeke daa. E hinga pepe, KOTA GBIA ayeke sara nzoni ye ndali ti e. Ataa e yeke mingi wala e yeke mingi pepe, mbeni ye ayeke daa pepe ti kanga lege na KOTA GBIA ti sara si e so benda.”

1 Samuel 3:13

Mbi tene na Heli, mbi tene, fade mbi yeke fâ ngbanga na li ti azo ti sewa ti lo lakue ndali ti sioni so amolenge ti lo asara: lo hinga kue atene, ala yeke zonga Nzapa, me lo kanga lege na ala pepe.