2 Mbai 20:11 - Mbeti ti Nzapa - Tënë so amu fini

¹¹ Me laso, ye so ala ye ti futa na e, ayeke ti ga ti tumba e na ndö ti sese so mo mu na e!

2 Mbai 20:11 ပူးပေါင်းရင်းမြစ်များ

Tongo nda ti aye 12:7

KOTA GBIA asi na Abram si lo tene na Abram, lo tene: “Mbi yeke mu ande kodro so na *ahale ti mo.” Abram aleke mbeni gbalaka na ndo so ndali ti KOTA GBIA so asi na lo.

Tongo nda ti aye 44:4

So ala sigigi na ya ti gbata ni ti gue si ala de ti hon yongoro pepe, Joseph atene na koli so ayeke baa lege ti aye ti da ti lo so, atene: “Londo mo kpe na peko ti azo so. Tongana mo wara ala, mo hunda ala, mo tene: ‘Ngbanga ti nyen si ala sara sioni na zo so asara nzoni na ala so?

2 Mbai 20:12

Nzapa ti e, fade mo fâ ngbanga na li ti ala pepe? Na dawa ti gba ti aturugu so aga ti tiri bira na e so, e yeke na ngangu oko pepe, e hinga ye so e lingbi ti sara oko pepe. Me le ti e kue gi na ndö ti mo.”

Abia (Psaumes) 35:12

Nzoni so mbi sara, ala kiri gi sioni na mbi; fadeso mbi ngba gi mbi oko.

Abia (Psaumes) 7:4

KOTA GBIA, Nzapa ti mbi, mbi sara mbeni ye tongaso? Mbi sara sioni na mbeni zo?

Amato 17:13

Zo so ayeke kiri sioni ndali ti nzoni, akpale ayeke zia da ti lo laoko pepe.

Jérémie 18:20

Zo ayeke kiri sioni ndali ti nzoni? Awato ti mbi ni asara kuku ti gbu na mbi. KOTA GBIA, mo dabe ti mo so mbi laa mbi luti na le ti mo ti tene na mo nzoni tënë ndali ti ala titene mo zia ti sara ngonzo na tere ti ala.

Amos 1:11

Tënë so KOTA GBIA atene ayeke so: “Mbi yeke na tënë na azo ti Edom ndali ti asioni ye ota, wala osio so ala sara: ala mu yongoro zeme si ala tumba peko ti a-ita ti ala, azo ti Israel, ala baa mawa ti a-ita ti ala ni oko pepe. Na ya ti ngonzo ti ala, ala ngba ti fâ a-ita ti ala ni, ala bata ala na be lakue. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Ndia ti fani use ni 4:38

Fadeso, lo yeke tumba amara nde na dawa ti ala, azo ti Israel; amara ni ayeke akota mara, amara so ayeke ngangu ahon ala. Lo yeke gue na ala titene ala li na sese ti amara ni si lo yeke mu sese ni na ala titene aga ti ala, azo ti Israel; ye ni laa asi laso so.

Josué 1:6

Gbu ngangu, mo sara ye ti koli, ngbanga ti so mo laa mo yeke sara ande titene kodro so mbi deba yanga ti mbi ti mu na akotara ti ala, aga ye ti ala.