2 Mbai 2:6 - Mbeti ti Nzapa - Tënë so amu fini

⁶ Fadeso, tokua na mbi mbeni wakode-kua ti lôro, ti wen ti nginza, ti bengba wen na ti wen, wakode-kua so ahinga nga ti sara anzoroko na tere ti abongo: nzoroko so abe bengo, nzoroko so akpa le ti nduzu, nzoroko so abe si aza zango; lo hinga nga ti de alimo na kode na tere ti aye, lo na awakode-kua so babâ ti mbi David asoro ala lani si ala yeke na tere ti mbi na sese ti Juda nga na Jérusalem.

2 Mbai 2:6 ပူးပေါင်းရင်းမြစ်များ

2 Samuel 7:18

Gbia David ague, aduti na dawa ti *KOTA GBIA si lo tene: “Kota Gbia NZAPA, mbi yeke zo wa? Asewa ti mbi ayeke zo wa si mo mu mbi, mo zia mbi na ndo so?

1 Agbia 7:13

Gbia Salomon atokua na Tir titene a iri Hiram ti ga.

1 Agbia 7:14

Hiram ayeke molenge ti mbeni wali-mua so ayeke zo ti mara ti Neftali. Babâ ti Hiram ayeke zo ti Tir. Hiram ayeke zo ti sarango kua ti bengba wen, lo si singo na ndara, na hingango ndo nga na kode ti sarango kua na mara ti abengba wen nde nde. Nilaa gbia Salomon airi lo ti ga titene lo leke aye so kue lo ye.

1 Agbia 8:27

“Me Nzapa alingbi biani ti duti na ndö ti sese so? So yayu so akono ahon ndoni alingbi na konongo ti lo pepe si kota da so mbi sara ayeke kete mingi so!

1 Mbai 22:15

Azo ti kua mingi ayeke na tere ti mo: ala so ayeke de tere ti atêne, ala so ayeke de nzoroko na tere ti atêne nga na tere ti akeke, ala so ahinga kode ti akua nde nde.

1 Mbai 29:14

Mbi na azo ti kodro ti mbi, e yeke zo wa ti mu ye na be ti e wani tongaso? Ye kue alondo na mo; ye so e mu na mo, alondo gi na mo.

2 Mbai 1:10

Ti fadeso, mu na mbi ndara na hingango ndo titene mbi hinga ti fa lege nzoni na azo so. Tongaso pepe, zo wa laa alingbi ti sara komandema na ndö ti azo ti mo, azo ti mo so ayeke mingi mingi so?”

2 Mbai 6:18

“Me Nzapa alingbi biani ti duti na ndo oko na azo na ndö ti sese so? So yayu so akono ahon ndoni alingbi na konongo ti lo pepe si kota da so mbi sara ayeke kete mingi so!

Sigingo 3:11

Moïse atene na Nzapa, atene: “Mbi yeke zo wa ti gue na ndo ti Faraon ti zi azo ti Israel na sese ti Ezipte ti sigigi na ala?”

Sigingo 31:5

lo hinga ti suru ya ti atêne ti zia na tere ti aye titene aga pendere, ti sara apendere ye ti kode na keke nga na mara ti akua nde nde.

Ésaïe 66:1

Tënë so *KOTA GBIA atene ayeke so: “Yayu ayeke mbata ti mbi ti gbia, sese ayeke mbata so mbi yeke zia gere ti mbi na ndö ni. Mara ti da wa laa ala lingbi ti sara na mbi? Ndo wa laa mbi lingbi ti wu tere ti mbi daa?

Jérémie 23:24

Tongana mbeni zo ahonde tere ti lo, mbi lingbi ti baa lo pepe? So tënë ti yanga ti KOTA GBIA laa. Mbi yeke na ndo kue: ataa na yayu wala na sese; ala hinga tongaso pepe? So tënë ti yanga ti KOTA GBIA laa.”

2 Korente 2:16

Ti azo so ayeke girisa, fion ti yombo ni ayeke fion ti kuâ so ayeke sara titene zo akui. Ti azo so ayeke soo kuâ, fion ni ayeke fion ti fini so ayeke mu fini na zo. Me zo wa laa alingbi ti sara mara ti kua so?

Efeze 3:8

Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.

Ndia ti fani use ni 12:11

Tongaso, na ndo so KOTA GBIA Nzapa ti ala asoro titene iri ti lo aduti daa si azo ayeke gue ti voro lo daa laa ala yeke ga na lo aye so mbi mu yanga daa na ala: asandaga ti ala so a yeke gbi ni kue na wâ, asandaga ti ala ti beoko, adime ti ala, amatabisi ti ala na aye so kue ala deba yanga ti ala ti mungo ni na KOTA GBIA.

Ndia ti fani use ni 12:14

Fade ala yeke ya asandaga ni gi na ndo so KOTA GBIA asoro ni na ya ti sese ti mbeni mara ti ala oko. Gi na ndo so oko laa ala yeke sara aye so kue mbi mu yanga na ala ti sarango ni.

Ndia ti fani use ni 12:26

Me gi anyama so ala zia ala nde ndali ti KOTA GBIA na ala so ala deba yanga ti ala ti mu na sandaga laa ala yeke ga na ni na ndo so KOTA GBIA asoro ni.