2 Mbai 2:3 - Mbeti ti Nzapa - Tënë so amu fini

³ Mbi ye ti sara da ndali ti KOTA GBIA, Nzapa ti mbi, ti zia ni nde ndali ti lo. Na ya ti da ni, fade a yeke zö na dawa ti lo dukani so fion ni afun nzoni, a yeke leke mapa si a yeke zia na dawa ti lo lakue lakue, a yeke mu na lo *asandaga so a yeke gbi ni kue na wâ, na ndaperere nga na lakui, a yeke mu nga na lo asandaga ti *lango ti wungo tere, ti alango ti fini nze na ti alango ti amatanga ti KOTA GBIA Nzapa ti e; ye so a diko ndali ti azo ti Israel kpu na kpu laa.

2 Mbai 2:3 ပူးပေါင်းရင်းမြစ်များ

2 Samuel 5:11

Hiram, gbia ti Tir atokua azo na David; lo tokua nga akeke ti sedre, asarapande na azo ti surungo ya ti têne titene ala sara da na David.

1 Mbai 14:1

Hiram, gbia ti Tir atokua azo na David; lo tokua nga akeke ti sedre, amason na asarapande titene ala sara da na lo.

2 Mbai 13:11

Lakue na ndaperere nga na lakui, ala yeke ya na KOTA GBIA *asandaga so a yeke gbi ni kue na wâ, ala yeke zö na lo dukani so fion ni anzere na lo, ala yeke zia mapa so a mu na Nzapa na ndö ti meza so ayeke *nzoni si lakue na lakui, ala yeke za wâ na ya ti alamba so ayeke na ndö ti gere so a sara na lôro. Ti e, e yeke sara kua na KOTA GBIA, Nzapa ti e. Me ti ala, ala zia lo awe.

2 Mbai 24:14

So ala hunzi kua ni awe, ala ga na tanga ti nginza ni na gbia nga na Yoyada. Azo so ayeke baa ndo na ndö ti kua ni amu nginza ni si asara na akungba ndali ti kota da ti KOTA GBIA: asembe ti sarango na kua ti KOTA GBIA, asembe ndali ti *asandaga so a yeke gbi ni kue na wâ, akopo nga na ambeni kungba so a sara na lôro nga na wen ti nginza. Na lango so kue Yoyada angba na fini, a yeke mu asandaga so a yeke gbi ni kue na wâ lakue lakue na ya ti kota da ti KOTA GBIA.

2 Mbai 4:19

Salomon amu yanga si a sara nga aye so kue a yeke sara na kua na ya ti kota da ti Nzapa: gbalaka so a sara na lôro, ameza so a yeke zia na ndö ni amapa so a yeke zia na dawa ti Nzapa,

2 Mbai 8:13

Lo yeke mu asandaga ni na ya ti lango oko oko alingbi na ndia so Moïse afa: na *lango ti wungo tere, na matanga ti fini nze nga na alango ti akota matanga ota so ayeke na ya ti ngu oko: matanga ti Mapa so a sara na mama ni pepe, matanga ti Pantekote na matanga ti Akpangba.

Esdras 6:3

“Na ya ti kozo ngu so Sirus ayeke gbia, lo mu mbela so, lo tene: Kota da ti Nzapa so ayeke na Jérusalem, alingbi a leke ni titene aga ndo ti yango asandaga na Nzapa. A yeke leke ni na ndo so akozo gere ni ayeke ando daa. Yongo ti da ni na nduzu ayeke duti metere baleota si konongo ni metere baleota.

Néhémie 10:34

Fade a yeke mu nginza so ti vo na mapa so a leke si a yeke zia na dawa ti Nzapa, *sandaga ti farini so a yeke mu na ya ti lango oko oko, sandaga so a yeke gbi ni kue na wâ na ya ti lango oko oko, sandaga so a yeke mu na lango ti wungo tere, sandaga so a yeke mu ni na lango ti fini nze wala na ambeni lango ti matanga, ambeni sandaga so a zia ni nde ndali ti Nzapa nga na sandaga so azo ti Israel ayeke mu titene Nzapa azi siokpari na li ti ala. A yeke mu nga nginza ni ti sara na akua kue ti kota da ti Nzapa ti e.

Sigingo 25:30

Fade ala yeke mu mapa so a leke si a yeke zia na dawa ti mbi, ala zia na ndö ti meza ni si angba na dawa ti mbi lakue lakue.”

Sigingo 29:38

“Baa, aye so fade ala yeke ya na *sandaga na ndö ti gbalaka ni na ya ti lango oko oko ayeke so: akete taba use ti ngu oko; ala yeke ya ni kpu na kpu.

Sigingo 29:39

Ala yeke ya kozo taba ni na ndaperere si ala yeke ya use taba ni na lakui.

Sigingo 29:41

Ti use taba ni, ala yeke ya lo na lakui. Ala yeke ya gi mara ti sandaga tongana ti so ala sara na ndaperere so, nga na mara ti sandaga ti samba so ala sara so. So ayeke sandaga so fion ni anzere na mbi KOTA GBIA, sandaga so a gbi ni kue na wâ ndali ti mbi.

Sigingo 30:7

Lakue na ndaperere, fade Aaron ayeke zö dukani so afun nzoni na ndö ti gbalaka ni, na ndembe so lo yeke gue ti leke alamba ti ndo so ayeke nde si ayeke nzoni kue so.

Awayango-sandaga 23:2

Tene na azo ti Israel, mo tene: “Akota matanga so ala yeke sara ndali ti mbi KOTA GBIA ayeke amatanga so ala yeke bongbi ti voro mbi. Alango ti amatanga ni ayeke tongaso:

Awayango-sandaga 9:17

Lo ya sandaga ti ale ti kobe: lo mu mbeni farini asi ya ti maboko ti lo, lo zö ni kue na wâ na ndö ti gbalaka legeoko na sandaga ti ndaperere so a yeke gbi ni kue na wâ.

Wungo ti azo 28:11

“Lakue na kozo lango ti fini nze, ala yeke mu akoli-bagara use, koli-taba oko, akete taba mbarambara ti ngu oko so mbage ti tere ti ala abuba pepe ti ya na sandaga so a yeke gbi ni kue na wâ na *KOTA GBIA.

Wungo ti azo 28:9

“Na *lango ti wungo tere, ala yeke ga na akete taba use ti ngu oko so mbeni mbage ti tere ti ala abuba pepe. Ala yeke bongbi ni na kilo omene ti farini so ala gbu ya ni na mafuta. Ala bongbi ni na sandaga ti samba.