2 Mbai 2:10 - Mbeti ti Nzapa - Tënë so amu fini

¹⁰ Hiram, gbia ti Tir asu mbeti ti kiri tënë na Salomon, atene: “Ngbanga ti so KOTA GBIA aye azo ti lo, nilaa lo zia mo gbia na ndö ti ala.

2 Mbai 2:10 ပူးပေါင်းရင်းမြစ်များ

1 Agbia 5:11

Salomon ahon azo kue na ndara. Ndara ti lo ahon ti Etan, zo ti mara ti Ezrahi, ahon ti Heman, ti Kalkol, ti Darda na ti amolenge ti Mahol ti koli. Azo ti akodro so kue ayeke nduru na tere ti lo ayeke tene tënë ti lo.

1 Agbia 7:26

Yanga ti sembe ni *amï alingbi na santimetere miombe. A leke tere ti yanga ni tongana ti so a leke tere ti yanga ti mbeni kopo so akpa pendere kongo. Sembe ni ayeke mu sembe so iri ni bat saki use.

1 Agbia 7:38

Hiram asara akota sembe baleoko na bengba wen; a zia ni na ndö ti apusu baleoko. Yongo ti kota sembe oko na nduzu ayeke metere use; sembe oko ayeke mu litere ti ngu 1 600.

1 Mbai 14:2

David ahinga atene, *KOTA GBIA laa azia lo gbia na li ti azo ti Israel si lo yeke sara titene komandema ti David ayeke gue guengo na nduzu lakue ndali ti azo ti Israel, azo ti KOTA GBIA.

2 Mbai 2:15

Ti e, fade e yeke de akeke ti hoto ti Liban so kue be ti mo aye; e yeke kanga ni na gba ni, na gba ni si e yeke ga na ni na mo na le ti kota ngu-ingo ngbii asi na gbata ti Zafa. Kâ, mo yeke yo ni ti gue na ni na Jérusalem.”

2 Mbai 2:9

Ti mbi, mbi yeke mu na azo ti kua ti mo so ayeke de akeke ni, kilo ti *ble 6 000 000, kilo ti *orze 6 000 000, litere ti vin 800 000 nga na litere ti mafuta 800 000.”

2 Mbai 9:8

Singila na KOTA GBIA, Nzapa ti mo so asara nzoni be na mo si lo soro mo titene mo le-gbia na iri ti lo na ndö ti Israel! Nzapa ti mo aye azo ti Israel, lo ye si ala ngba kpu na kpu, nilaa lo zia mo gbia na ndö ti ala titene mo fâ ngbanga mbirimbiri si mo sara ye na lege ti ndia.”

Esdras 3:7

Ala mu nginza na azo ti dengo tere ti têne nga na asarapande. Ala mu kobe ti tengo ni, ye ti nyongo ni nga na mafuta na azo ti Sidon na ti Tir titene ala tokua ndo si a mu akeke ti sedre ti Liban aga na ni na le ti kota ngu-ingo ngbii asi na Zafa. Ala sara tongaso, ngbanga ti so Sirus, gbia ti Perse amu lege na ala.

Esdras 7:22

Ala yeke mu na Esdras wen ti nginza ngbii alingbi kilo 3 000, *ble so alingbi kilo 30 000, vin so alingbi litere 4 000, mafuta so alingbi litere 4 000 na ingo so a lingbi ti fa wungo ni fango pepe.

Nzoni Tënë so Luc asu na mbeti 10:7

Ayeke nzoni ala duti na ya ti da ni, ala te kobe, ala nyon ye so fade azo ni ayeke mu na ala, ngbanga ti so zo ti kua alingbi na futa ti lo. Ala tambula na yanga ti da oko oko pepe.