2 Mbai 19:8 - Mbeti ti Nzapa - Tënë so amu fini

⁸ Na Jérusalem nga, Yosafat azia ambeni zo ti mara ti Lévi, ambeni wayango-sandaga nga na amakonzi ti asewa ti Israel titene ala fâ ngbanga ti azo na iri ti KOTA GBIA si ala leke nga atënë so ayeke na popo ti azo ti gbata ni.

2 Mbai 19:8 ပူးပေါင်းရင်းမြစ်များ

1 Mbai 23:4

David asoro azo 24 000 titene ala baa ndo na ndö ti akua ti kota da ti *KOTA GBIA, azo 6 000 tongana awakuasu nga na awafango-ngbanga;

1 Mbai 26:29

Kenania na amolenge ti lo ayeke azo ti kete mara ti Isar; ala yeke baa lege ti atënë nde nde na popo ti azo ti Israel, ala yeke awakuasu nga na awafango-ngbanga.

2 Mbai 19:11

Fade kota wayango-sandaga Amaria ayeke duti na li ti ala ndali ti akua kue ti KOTA GBIA. Makonzi ti azo ti mara ti Juda, Zebadia, molenge ti Ismael, lo laa lo yeke duti na li ti ala ndali ti akua kue ti gbia. Azo ti mara ti Lévi laa ayeke duti na tere ti ala ti su aye kue na mbeti. Ala gbu ngangu, ala sara kua! Ayeke nzoni KOTA GBIA aduti na zo so ayeke sara nzoni ye.”

2 Mbai 19:9

Lo mu yanga na ala, lo tene: “Fade ala yeke sara kua ni na kpengo mbeto ti KOTA GBIA, lakue na legeni nga na be ti ala kue.

Abia (Psaumes) 122:5

Na ndo so laa a zia ambata ti *ahale ti gbia David si ala duti daa ti fâ ngbanga.

Ezekiel 44:24

Tongana mbeni tënë alondo, ala laa ayeke fâ ngbanga ni; ala yeke fâ ngbanga ni alingbi na andia ti mbi. Ala yeke sara ye alingbi na akpengba tënë ti mbi nga na ambela ti mbi so mbi mu ndali ti amatanga ti mbi. Ala yeke sara titene azo abata *lango ti wungo tere nde ndali ti mbi.

Ndia ti fani use ni 21:5

Fade awayango-sandaga, *ahale ti Lévi ayeke gue nduru. Biani, KOTA GBIA Nzapa ti ala asoro ala titene ala sara kua na lo, titene ala sara tufa na ndö ti azo na iri ti lo. Tongana tënë alondo na popo ti azo, wala tongana azo atiri si mbeni zo awara ka, ala laa ayeke fâ ya ti tënë ni.

Ndia ti fani use ni 25:1

Moïse atene: Tongana azo use awara tënë na popo ti ala si ala use kue ague na ngbanga titene a fâ ya ti tënë ni, zo so tënë ayeke na li ti lo, fade a yeke fâ ngbanga na li ti lo; zo so tënë ayeke na li ti lo pepe, a yeke bi tënë na li ti lo pepe.