2 Mbai 19:7 - Mbeti ti Nzapa - Tënë so amu fini

⁷ Fadeso, ala kpe mbeto ti KOTA GBIA; ala sara hange na ye so kue ala yeke sara, ngbanga ti so KOTA GBIA, Nzapa ti e aye ye ti kirikiri pepe, lo yeke mu mbage ti mbeni zo pepe, lo ye tënë ti petengo goro pepe.”

2 Mbai 19:7 ပူးပေါင်းရင်းမြစ်များ

Tongo nda ti aye 18:25

Titene mo bongbi azo ti mbirimbiri na azo ti sioni kue ti fâ ala, so alingbi na mo pepe. So ti fa atene, zo ti mbirimbiri na zo ti sioni kue gi legeoko? Sarango ye tongaso alingbi na mo pepe! Lo so ayeke fâ ngbanga na ndö ti azo ti dunia kue, lo lingbi ti fâ ngbanga ti kirikiri tongana nyen?”

Tongo nda ti aye 42:18

Na lango ota ni, Joseph atene na ala: “Ye so mbi tene na ala so, ala sara ni si ala ngba na fini, ngbanga ti so mbi yeke zo so mbi yeke kpe mbeto ti Nzapa.

2 Samuel 23:3

Nzapa ti Israel atene tënë, Kota Têne so azo ti Israel ayeke luti na ndö ni atene na mbi: “Gbia so ayeke bata azo ti lo mbirimbiri si lo yeke bata azo ti lo na lege ti kpengo mbeto ti Nzapa,

Néhémie 5:15

Agovoronere so ayeke lani kozoni na mbi ayeke zia anengo kungba na ndö ti azo. Ala yeke hunda gi kobe na vin na maboko ti azo ni pepe, me ala yeke hunda nga titene azo ni azia ale ti nginza baleosio na ndö ni. Ataa azo ti kua ti agovoronere ni asara ngangu mingi na azo ni. Me mbi, mbi sara tongaso pepe, ngbanga ti so mbi kpe mbeto ti Nzapa.

Mbeti ti Job 13:10

Tongana ala mu mbage ti zo, ataa na hondengo ni, fade lo yeke suku ngangu na ala biani.

Mbeti ti Job 34:19

Nzapa laa ayeke mu mbage ti amakonzi pepe, lo yeke yamba zo ti mosoro nzoni ahon wayere pepe, ngbanga ti so lo laa lo sara ala use kue.

Mbeti ti Job 8:3

Nzapa ayeke sanze lege ti fango ngbanga? Lo so ngangu ti lo ahon angangu kue so, lo yeke sara si ye so ayeke mbirimbiri aga ye ti kirikiri?

Abia (Psaumes) 82:2

“Ala yeke fâ ngbanga ti kirikiri ngbii asi lawa? Ala yeke mu mbage ti azo so tënë ayeke na li ti ala ngbii asi lawa? Luti kete

Sigingo 23:8

Tongana mbeni zo aye ti pete goro na ala, ala yeda na ni pepe, ngbanga ti so goro ayeke vuko le ti zo, ataa zo so le ti lo azi; asara si fango ngbanga ague kirikiri.

Ésaïe 33:15

– Zo so ayeke sara ye ti mbirimbiri si lo yeke tene taa-tënë; zo so ake ti wara ye na lege ti sarango ngangu na azo, zo so ake titene a pete na lo goro, zo so akanga mê ti lo titene lo ma atënë ti fango zo pepe, zo so akanga le ti lo titene lo baa ye ti sioni pepe.

Mishe 7:3

Maboko ti ala ayapu na sarango sioni ye. Titene amakonzi asara nzoni ye, ala yeke hunda titene a mu na ala ye si; awafango-ngbanga ayeke hunda goro. Akota zo ayeke tene gi tënë ti nzara ti warango aye so ahon ndö ti ala si ala kue ayeke ma tere ti sara gi aye ni so.

Matthieu 22:16

Ala tokua ambeni disiple ti ala na ambeni zo ti kama poroso ti Herode ti tene na Jésus: “Wafango-ye, e hinga so mo yeke tene gi taa-tënë, mo yeke fa taa-tënë na ndö ti lege ti sarango ye so Nzapa aye; mo yeke sara kamene ti le ti zo pepe, ataa zo ni ayeke na kota ndo.

Awatokua 10:34

Tongaso Pierre amu tënë si lo tene: “Taa-tënë, mbi hinga fadeso mbi tene, Nzapa ayeke gonda zo ndali ti le ti zo ni pepe.

Rome 2:11

Biani, Nzapa ayeke mu mbage ti mbeni zo pepe.

Rome 9:14

Tongaso, fade e yeke tene nyen? Nzapa ayeke mbirimbiri pepe? Oko pepe!

Galasii 2:6

Ambeni zo ayeke daa so a baa ala tongana akota zo. – Ataa ala yeke lani kota wala ala yeke kota pepe, ngbanga ti mbi ayeke daa pepe, Nzapa ayeke gonda zo ndali ti le ti zo ni pepe. – Akota zo so agbu mbi na ngangu pepe titene mbi sara mbeni ye nde.

Efeze 6:9

Ala awa ti angbaa, ala sara nga tongaso na angbaa ti ala; ala zia ti suku na ala. Ayeke nzoni ala hinga atene, ala na angbaa ti ala kue, ala yeke amolenge ti Kota Gbia so ayeke na yayu; lo yeke mu mbage ti mbeni zo pepe.

Ndia ti fani use ni 32:4

Nzapa ayeke Kota Têne ti batango e. Aye so kue lo sara ayeke nzoni kue, lege ti sarango aye ti lo kue ayeke mbirimbiri. Lo yeke Nzapa so ayeke sara ye alingbi na tënë ti yanga ti lo, lo yeke sara ye ti kirikiri pepe, lo yeke lakue mbirimbiri, lo yeke fâ ngbanga na legeni.

Kolose 3:25

Zo so asara ye ti sioni, fade lo yeke wara futa ti peko ti sioni ti lo, ngbanga ti so Nzapa ayeke mu mbage ti mbeni zo pepe.

1 Pierre 1:17

Nzapa ayeke fâ ngbanga na li ti zo alingbi na ye so lo sara, lo yeke mu mbage ti mbeni zo pepe. Tongaso, a-ita, tongana ala yeke sambela si ala iri Nzapa atene “Babâ”, ala duti na mbeto ti lo na ngoi so ala yeke na dunia so.

1 Samuel 11:7

Lo mu abagara use, lo doroko ala. Na pekoni, lo tokua azo ti gue na akasa ti nyama ni na sese ti Israel kue. Lo mu yanga na awatokua ni ti tene na azo ti kodro kue, lo tene: “Zo so amu peko ti Saul na Samuel pepe ti gue na bira, baa ye so ayeke si na abagara ti lo laa.” Mbeto ti KOTA GBIA agbu azo kue si ala londo tongana zo oko ti gue.