2 Mbai 19:6 - Mbeti ti Nzapa - Tënë so amu fini

⁶ Lo tene na ala: “Ala sara hange na kua so ala yeke sara ande. Ngbanga so ala yeke fâ, ala fâ ni ndali ti zo pepe, me ndali ti KOTA GBIA. Na ngoi ti fango ngbanga ni, KOTA GBIA ayeke na ala.

2 Mbai 19:6 ပူးပေါင်းရင်းမြစ်များ

1 Mbai 28:10

Mo baa fadeso, KOTA GBIA asoro mo titene mo sara da so a yeke zia ni nde ndali ti lo. Ayeke nzoni mo gbu ngangu, mo sara ye!”

Zo ti bongbingo azo 5:8

Sese ayeke mu ye na azo kue. Ataa gbia ti kodro ayeke wara ye ti lo gi na lege ti fango yaka.

Awayango-sandaga 19:15

“Na le ti ngbanga, ala fâ ngbanga na legeni: ala mu mbage ti zo ti mawa pepe, ala mu nga mbage ti kota zo pepe; me ala fâ ngbanga ti amba ti ala mbirimbiri.

Nzoni Tënë so Luc asu na mbeti 12:15

Na pekoni, Jésus atene na ala: “Ala sara hange! Ala sara si kota nzara ti warango aye asara ala pepe, ngbanga ti so tongana zo ayeke na aye mingi, aye ti lo ni laa alingbi ti bata fini ti lo pepe.”

Nzoni Tënë so Luc asu na mbeti 21:8

Jésus akiri tënë, atene: “Ala sara hange si mbeni zo ahanda ala pepe! Biani, fade azo mingi ayeke ga na iri ti mbi si zo oko oko ayeke tene: ‘Mbi laa mbi yeke *Mesii!’ Azo ni ayeke tene nga, atene: ‘Ngoi ni alingbi awe!’ Ala azo ti mbi, ala mu peko ti azo ni so pepe!

Awatokua 22:26

So kapita ti aturugu ni ama tënë so, lo gue, lo baa kota komanda ti aturugu si lo hunda lo, lo tene: “Nyen laa mo yeke sara so? Koli so ayeke zo ti Rome!”

Awatokua 5:35

Na pekoni, lo tene na azo ti fango ngbanga ni, lo tene: “Azo ti Israel, ala sara hange na ye so ala yeke sara na akoli so!

Ndia ti fani use ni 1:17

Tongana ala yeke fâ ngbanga, ayeke nzoni ala mu mbage ti mbeni zo pepe. Ataa senge zo, ataa kota zo, ala ma tënë ti lo nzoni. Ala sara mbeto ti zo oko pepe, ngbanga ti so fango ngbanga alondo na Nzapa. Tongana mbeni tënë akara ala, ala ga na ni na mbi si mbi lingbi ti gi nda ni.”

Josué 22:5

Me gi ye oko, ala gi lege ti sara ye alingbi na *Ndia nga na yanga so Moïse, zo ti kua ti KOTA GBIA, amu lani na ala: ala ye KOTA GBIA, Nzapa ti ala, ala sara aye so kue lo hunda na ala, ala sara ye alingbi na atënë ti yanga ti lo, ala ngba na tere ti lo, ala sara kua na lo na be ti ala kue, na ngangu ti ala kue.”