2 Mbai 19:5 - Mbeti ti Nzapa - Tënë so amu fini

⁵ Lo zia awafango-ngbanga na ya ti kodro ni kue, na ya ti agbata oko oko kue ti Juda so a sara ngangu gbagba na tere ni.

2 Mbai 19:5 ပူးပေါင်းရင်းမြစ်များ

2 Mbai 19:8

Na Jérusalem nga, Yosafat azia ambeni zo ti mara ti Lévi, ambeni wayango-sandaga nga na amakonzi ti asewa ti Israel titene ala fâ ngbanga ti azo na iri ti KOTA GBIA si ala leke nga atënë so ayeke na popo ti azo ti gbata ni.

Sigingo 18:21

Fade mo yeke soro nga na popo ti azo ni ambeni zo so alingbi, ala so ayeke kpe mbeto ti Nzapa, ala so azo ane ala, ala so ake tënë ti goro, mo zia ala tongana amakonzi. Mo zia ambeni na ndö ti azo saki oko, ambeni na ndö ti azo ngbangbo oko, ambeni na ndö ti azo baleoku si ambeni na ndö ti azo baleoko.

Awayango-sandaga 14:42

Na pekoni, a yeke mu ambeni têne nde ti zia na ndo so lani akozo têne ni ayeke daa; a yeke mu mbeni sese nde, a sara na potopoto ti bo na tere ti da ni.

Matthieu 5:21

“Ala ma tënë so a tene ando na akotara, atene: ‘Alingbi mo fâ zo pepe. Zo so afâ zo, fade a yeke gue na lo na ngbanga.’

Matthieu 5:22

Ti mbi, mbi tene na ala: zo so asara ngonzo na tere ti ita ti lo, fade a yeke gue na lo na ngbanga; zo so atene na ita ti lo: ‘Buba zo!’, fade a yeke gue na lo na gbe ti azo ti *Kota Bongbi ti Fango Ngbanga; zo so atene na ita ti lo: ‘Mo, zo ti gbogbolinda so!’, lo lingbi titene a bi lo na ndo so wâ ayeke gbi daa lakue.

Ndia ti fani use ni 1:17

Tongana ala yeke fâ ngbanga, ayeke nzoni ala mu mbage ti mbeni zo pepe. Ataa senge zo, ataa kota zo, ala ma tënë ti lo nzoni. Ala sara mbeto ti zo oko pepe, ngbanga ti so fango ngbanga alondo na Nzapa. Tongana mbeni tënë akara ala, ala ga na ni na mbi si mbi lingbi ti gi nda ni.”