2 Mbai 19:4 - Mbeti ti Nzapa - Tënë so amu fini

⁴ Yosafat angba na Jérusalem. Na pekoni, lo to nda ti tambula na popo ti azo ti lo, ti londo na Bersheba ngbii asi na sese ti Efraim, ndo so ahoto ayeke daa. Lo sara si azo ni akiri na mbage ti KOTA GBIA, Nzapa ti akotara ti ala.

2 Mbai 19:4 ပူးပေါင်းရင်းမြစ်များ

Tongo nda ti aye 21:14

Na ndaperere so ndo angba kâ, Abraham alondo, lo mu mapa na bozo ti poro so ngu ayeke na ya ni, lo mu na Agar; lo zia ni na ndö ti go ti lo. Lo mu molenge ni na lo si lo tene na lo atene, lo gue. Agar ague si lo yeke tambula kirikiri na ya ti benyama ti Bersheba.

Tongo nda ti aye 21:33

Abraham alu keke ti tamaris na kodro ti Bersheba, lo sambela Nzapa so ayeke kpu na kpu si lo iri lo na iri ti KOTA GBIA.

Matthieu 25:16

Lo so lo wara ale ti lôro ngbangbo oku so ague hio si lo de buze na ni, lo kiri lo wara ambeni le ti lôro ngbangbo oku na ndö ni.

Nzoni Tënë so Luc asu na mbeti 1:17

Lo yeke tambula na dawa ti Nzapa, yingo ti wayanga-Nzapa Élie, na ngangu ti lo, ayeke duti na ndö ti lo si lo yeke leke songo na popo ti ababâ na amolenge ti ala. Lo yeke kiri ti leke be ti azo ti ngangu li si tënë ti be ti ala aga tongana ti azo ti mbirimbiri. Lo yeke sara tongaso ti leke azo so aleke tere ti ala ti ku Kota Gbia.”

Josué 17:15

Josué atene na ala: “Tongana ala wu mingi si sese ti Efraim, ndo so ahoto ayeke daa alingbi na ala pepe, ayeke nzoni ala gue na ya ti gbako ti azo ti mara ti Perizi na ti Refa, ala fâ ndo ni, ala leke ni si ala duti daa.”

Awafango-ngbanga 19:1

Na ngoi ni so, gbia ayeke na Israel pepe. Mbeni zo ti mara ti Lévi ayeke daa, lo lango tongana gene na mbeni ndo yongoro na sese ti Efraim, ndo so ahoto ayeke daa. Lo mu mbeni wali na gbata ti Betlehem, na sese ti Juda.

Awafango-ngbanga 20:1

Azo ti Israel kue abongbi tere tongana zo oko na dawa ti *KOTA GBIA na sese ti Mispa. Ala londo na sese ti Dan ngbii ala si na Bersheba nga na Galaad.