2 Mbai 19:3 - Mbeti ti Nzapa - Tënë so amu fini

³ Me mo sara ambeni nzoni ye: na ya ti kodro ti mo kue, akeke so azo aleke aluti na nduzu ndali ti nzapa-wali *Ashera, mo gbi ni; mo zia be ti mo kue ti gi Nzapa.”

2 Mbai 19:3 ပူးပေါင်းရင်းမြစ်များ

1 Agbia 14:13

Azo ti Israel kue ayeke toto kuâ ti lo, na pekoni ala yeke lu lo. Na popo ti azo ti sewa ti Yeroboam kue, gi lo oko laa du ti kuâ ti lo ayeke duti daa. Biani, Na popo ti azo ti sewa so kue, gi lo oko laa KOTA GBIA, Nzapa ti Israel awara nzoni ye na lege ti lo.

2 Mbai 11:16

Azo ti amara kue ti Israel, ala so azia be ti ala ti gi *KOTA GBIA, Nzapa ti Israel, ala mu peko ti azo ti mara ti Lévi ti gue na Jérusalem titene ala mu *asandaga na KOTA GBIA, Nzapa ti akotara ti ala.

2 Mbai 12:12

Ndali ti so Roboam asara tere ti lo kete, KOTA GBIA azia ti sara ngonzo na tere ti lo si a fâ azo ni kue kue kue pepe. Na ndö ni kue, ambeni nzoni ye ayeke na sese ti Juda.

2 Mbai 12:14

Roboam asara sioni, ngbanga ti so lo mu be ti lo kue pepe ti gi KOTA GBIA.

2 Mbai 15:12

Ala deba yanga ti ala na lege ti mbuki ti gi KOTA GBIA, Nzapa ti akotara ti ala na be ti ala kue, na yingo ti ala kue.

2 Mbai 15:15

Tere ti azo ti Juda kue anzere ndali ti deba ti yanga ti ala so ala de so, ngbanga ti so ala sara ni na be ti ala kue. Azo kue azia be ti ala ti gi KOTA GBIA; nilaa lo zia lege na ala ti wara lo. Lo mu na ala siriri mbage na mbage kue.

2 Mbai 20:3

Mbeto agbu Yosafat si lo leke na be ti lo ti hunda *KOTA GBIA. Lo hunda na azo ti Juda kue titene ala ke kobe ti sambela.

2 Mbai 20:33

Me ando so azo aleke na ndö ti ahoto si ala yeke voro anzapa nde daa, lo zi ni pepe. Nilaa azo azia be ti ala kue pepe na Nzapa ti akotara ti ala.

2 Mbai 22:9

Na pekoni, Yehu amu yanga titene a gi Ahazia. Azo ague, agbu lo na Samarii, ndo so lo honde tere ti lo daa. Ala ga na lo na Yehu si a fâ lo. Ala lu lo, ngbanga ti so azo atene: “Lo yeke molenge ti ya ti sewa ti Yosafat, gbia so agi lani KOTA GBIA na be ti lo kue so.” Na ya ti sewa ti Ahazia, mbeni zo so alingbi ti le-gbia ayeke daa pepe.

2 Mbai 27:6

Yotam awara ngangu mingi, ngbanga ti so lo tambula mbirimbiri na le ti KOTA GBIA, Nzapa ti lo.

2 Mbai 30:19

azo so kue azia be ti ala ti gi mo Nzapa, KOTA GBIA, Nzapa ti akotara ti ala, ataa so ala sukula sioni ti ala pepe ti zia aye nde ndali ti mo.”

Esdras 7:10

Biani, Esdras azia be ti lo kue ti gi nda ti *Ndia ti KOTA GBIA, ti sara ye alingbi na ni. Lo ye nga ti fa na azo ti Israel atënë ti ndia ni nga na aye so ndia afa.

Abia (Psaumes) 57:7

Azo azia gbanda na lege ti mbi, angba kete ka mbi ti na ya ni. Ala zi du na lege ti mbi, me ala wani ati na ya ni. Luti kete

Rome 7:18

Mbi hinga so mbeni ye ti nzoni ayeke na ya ti mbi pepe, so ti tene na ya ti tere ti mbi ti zo. Ti be ti mbi, mbi ye ti sara nzoni ye, me mbi yeke na ngangu ti sara ni pepe.

1 Samuel 7:3

Tongaso, Samuel atene na azo ti Israel kue, atene: “Tongana ala kiri na KOTA GBIA na be ti ala kue, ayeke nzoni ala zi na popo ti ala anzapa ti awande nga na ayanda ti *Astarte. Ala zia be ti ala na ndö ti KOTA GBIA, ala sara kua gi na lo oko si fade lo zi ala na maboko ti azo ti Filistii.”