2 Mbai 19:2 - Mbeti ti Nzapa - Tënë so amu fini

² Zo ti bango nda ti aye Yehu, molenge ti Hanani, aga awara gbia Yosafat na lege si atene na lo: “Mo mu maboko na sioni zo tongaso ngbanga ti nyen? Azo so be ti ala ake *KOTA GBIA so, mo ye ala ngbanga ti nyen? Ndali ti ye so mo sara so, KOTA GBIA ayeke sara ngonzo na tere ti mo.

2 Mbai 19:2 ပူးပေါင်းရင်းမြစ်များ

1 Agbia 16:1

Tënë ti *KOTA GBIA asi na wayanga-Nzapa Yehu, molenge ti Hanani titene lo tene peko ni na ndö ti Basha; tënë ni ayeke so:

1 Agbia 16:12

Zimri afâ azo ti sewa ti Basha kue, lo hunzi ala, alingbi na tënë so KOTA GBIA atene lani na ndö ti Basha na lege ti wayanga-Nzapa Yehu.

1 Agbia 16:7

Tënë ti KOTA GBIA so asi lani na wayanga-Nzapa Yehu, molenge ti Hanani si lo tene peko ni na ndö ti Basha na azo ti sewa ti lo so, nda ni ayeke use: Kozoni, Basha na azo ti sewa ti lo asara ye so ayeke sioni na le ti KOTA GBIA; ala zia ngonzo na be ti lo na lege ti asioni sarango ye ti ala. Ala sara sioni tongana ti so Yeroboam na azo ti sewa ti lo asara. Use ni, Basha afâ azo ti sewa ti Yeroboam kue.

1 Agbia 21:25

Mbeni zo ti ka tere ti lo ti sara sioni na le ti KOTA GBIA tongana Akab ayeke daa laoko pepe. Biani, wali ti lo Yezabel laa ayeke pusu lo ti sara sioni.

1 Agbia 22:44

Me ando so azo aleke na ndö ti ahoto si ala yeke voro anzapa nde daa, lo zi ni pepe. Azo angba ti gue kâ ti mu *asandaga, ti zö dukani.

2 Mbai 16:7

Na ngoi ni so, Hanani, zo ti bango nda ti aye aga awara Asa, gbia ti Juda si lo tene na lo: “Mo zia be ti mo na *KOTA GBIA, Nzapa ti mo pepe; me mo zia be ti mo na gbia ti Sirii. Ndani laa aturugu ti gbia ti Sirii akpe na maboko ti mo.

2 Mbai 18:1

Yosafat awara mosoro mingi si azo agonda lo mingi. Lo ga songo na Akab, gbia ti Israel na lege ti wali so lo mu na ya ti sewa ni.

2 Mbai 18:28

Gbia ti Israel na Yosafat, gbia ti Juda ague ti tiri bira na gbata ti Ramot, na sese ti Galaad.

2 Mbai 18:3

Akab, gbia ti Israel ahunda Yosafat, gbia ti Juda, atene: “Mo ye titene mbi na mo, e gue, e mu Ramot, na sese ti Galaad?” Yosafat akiri tënë na lo, atene: “Mbi na mo, e yeke gi oko, aturugu ti mo na aturugu ti mbi ayeke gi oko. Fade e yeke gue ti tiri bira ni senge.”

2 Mbai 18:7

Gbia ti Israel akiri tënë na Yosafat, atene: “Mbeni zo oko ayeke daa so e lingbi ti hunda KOTA GBIA na lege ti lo; zo ni ayeke Mishe, molenge ti Imla. Me be ti mbi ake lo mingi, ngbanga ti so lo yeke tene na mbi peko ti tënë ti yanga ti Nzapa nzoni laoko pepe, me lakue gi sioni tënë.” Yosafat atene: “Ayeke nzoni gbia atene tënë tongaso pepe!”

2 Mbai 19:1

Yosafat, gbia ti Juda akiri na nzoni tere na da ti lo, na Jérusalem.

2 Mbai 19:10

Tongana a-ita ti ala so ayeke lango na ya ti agbata nde nde aga na mbeni tënë na gbe ti ala titene ala fâ ngbanga ni, ataa ayeke tënë ti fango zo, wala tënë ti sarango ye so ake ndia, wala tënë ti ye so ake mbela ti Nzapa, wala ye so ake kpengba tënë ti Nzapa, wala ye so ake lege ti sarango ye ti azo, ayeke nzoni ala fa nda ni na a-ita ti ala, tongaso si a-ita ti ala ni asara sioni ti ke KOTA GBIA pepe si ngonzo ti KOTA GBIA ati na ndö ti ala nga na ndö ti a-ita ti ala ni pepe. Tongana ala sara tongaso, fade mbeni tënë oko ayeke na li ti ala pepe.

2 Mbai 20:34

Tanga ti atënë na ndö ti Yosafat, na tongo ndani ngbii asi na ndani, a su ni na ya ti “Mbeti ti atënë na ndö ti Yehu, molenge ti Hanani”; mbeti ni ayeke na ya ti mbeti ti agbia ti Israel.

2 Mbai 24:18

Azo ti Israel azia kota da ti *KOTA GBIA, Nzapa ti akotara ti ala si ala voro akeke so a leke aluti na nduzu ndali ti nzapa-wali *Ashera, ala voro nga ayanda. Nilaa ngonzo ti Nzapa alondo na tere ti azo ti Juda na ti Jérusalem ndali ti sioni so ala sara so.

2 Mbai 26:18

Ala luti na dawa ti gbia Ozias si ala tene na lo: “Gbia Ozias, kua ti zongo dukani na KOTA GBIA ayeke kua ti mo pepe; me kua ni ayeke ti awayango-sandaga so ala yeke *ahale ti Aaron, ala so a zia ala nde ndali ni. Mo sigigi na ya ti da so ayeke nde si ayeke nzoni kue so! Biani, mo sara ye so ayeke sioni mingi. Ye so mo sara so, mo yeke wara gonda ndali ni pepe na dawa ti KOTA GBIA Nzapa.”

2 Mbai 32:25

Me Ezekias ahinga pepe nzoni so KOTA GBIA asara na lo. Baba ahon ndö ti lo si ndali ti baba ni, lo sara si ngonzo ti KOTA GBIA ati na ndö ti lo, na ndö ti kodro-gbia ti Juda nga na ndö ti gbata ti Jérusalem.

Abia (Psaumes) 15:4

Zo so Nzapa ake tënë ti lo, na le ti lo, lo baa zo ni tongana mbumbuse zo, me lo yeke ne zo so ayeke kpe mbeto ti KOTA GBIA. Tongana lo mu zendo ti sara mbeni ye, ataa so zendo ni ayeke ga na kpale na tere ti lo, lo yeke sara ni.

Abia (Psaumes) 21:8

Biani, gbia azia be ti lo na ndö ti KOTA GBIA; ndali ti nzoni be ti Nzapa so ayeke na yayu kâ na ndö ti aye kue, fade mbeni ye ti yingi gbia ayeke daa pepe.

Abia (Psaumes) 68:1

Bia so ayeke ndali ti makonzi-bia; bia ti David. Bia.

Abia (Psaumes) 71:15

Mo yeke bata tënë ti yanga ti mo si mo yeke soo azo na kuâ; fade mbi yeke tene tënë ni lakue, ngbanga ti so anzoni ye so mo sara, mbi lingbi ti diko wungo ni pepe.

Sigingo 20:5

Alingbi mo kuku na gbe ti ayanda so pepe, mo voro ala pepe, ngbanga ti so mbi KOTA GBIA Nzapa ti mo, mbi yeke Nzapa so ayeke sara mbanda ti azo ti lo. Azo so asara sioni ti ke mbi, mbi yeke kiri na sioni ti azo ni na ndö ti *ahale ti ala, ngbii asi na molongo ota ni wala molongo osio ni.

Amos 7:14

Amos akiri tënë na Amasia, atene: “Mbi yeke wayanga-Nzapa pepe, mbi yeke nga na ya ti mbeni bongbi ti awayanga-Nzapa pepe; kua ti mbi ayeke ti batango anyama, ti lekengo tere ti akeke ti sikomor.

Jean 15:18

“Tongana azo ti dunia so ake ala, ayeke nzoni ala hinga so azo ni ake mbi kozoni.

Jean 15:23

Zo so ake mbi, lo ke nga Babâ ti mbi.

Rome 1:18

Ngonzo ti Nzapa alondo na yayu si lo fa ni na azo ndali ti siokpari ti ala nga ndali ti asioni ye so kue ala sara. Na lege ti asioni ye so ala yeke sara, ala kanga lege na taa-tënë.

Rome 1:30

ala yeke tene sioni tënë na iri ti amba ti ala; ala yeke awato ti Nzapa, ala yeke azo ti sioni yanga, ala baa tere ti ala kota ahon azo kue, ala yeke pika kate ti ala mingi, ala yeke gi gi akode ti sarango sioni, ala yeke sara ngangu li na babâ na mama ti ala,

Rome 1:32

Ala hinga tënë ti fango ngbanga ti Nzapa nzoni: azo so asara aye tongaso, ala lingbi na kuâ. Ataa so kue, ala ngba ti sara aye ti sioni so si na ndö ni kue, ala yeke yeda na azo so ayeke sara ni.

Rome 8:7

Azo so be ti ala ayeke gi na ndö ti asioni nzara ti be ti ala, ala yeke awato ti Nzapa; ala ke ti sara ye alingbi na Ndia ti Nzapa, ala lingbi nga ti sara ni oko pepe.

Efeze 5:11

Aye so azo ayeke sara na ya ti vukongo ndo ayeke sara nzoni na zo oko pepe. Ala azo ti Nzapa, ala yoro tere ti ala na ya ni pepe, me ala sigigi na nda ti aye ni.

Ndia ti fani use ni 32:41

Mbi leke yanga ti yongoro zeme ti mbi awe, yanga ni ayeke za zango. Mbi ga nduru ti fâ ngbanga ti awato ti mbi awe, mbi ga nduru ti kiri na peko ti sioni ti ala na ala; mbi yeke kiri ti futa azo so ake mbi.

Ndia ti fani use ni 33:11

KOTA GBIA, ayeke nzoni mo sara tufa na ndö ti ala, mo yeda na akua so kue ala yeke sara. Mo kungbi ngangu ti awato ti ala! Ayeke nzoni azo so ake ala akiri alondo na nduzu pepe!”

Ndia ti fani use ni 5:9

Alingbi mo kuku na gbe ti ayanda so pepe, mo voro ala pepe, ngbanga ti so mbi KOTA GBIA Nzapa ti mo, mbi yeke Nzapa so ayeke sara mbanda ti azo ti lo. Azo so asara sioni ti ke mbi, mbi yeke kiri na sioni ti azo ni na ndö ti *ahale ti ala, ngbii asi na molongo ota ni wala molongo osio ni.

Ndia ti fani use ni 7:10

Me ti azo so ake lo, gi hio tongaso, lo yeke futa ala alingbi na ye so ala sara; lo yeke sara si ala kui. Zo so ake lo, lo yeke ku kungo pepe ti sara ye na lo; lo yeke futa zo ni gi hio tongaso.

Jacques 4:4

Ala so ado lege ti Nzapa azia so! Ala hinga pepe? Zo so aye tënë ti aye ti dunia so, andaa lo ke Nzapa awe; zo so aye tënë ti aye ti dunia so, andaa lo ga wato ti Nzapa awe.

1 Samuel 9:9

Ando na kodro ti Israel, tongana azo aye ti gue ti hunda mbeni ye na Nzapa, ala yeke tene: “Ala ga, e gue, e baa zo ti bango nda ti aye.” Biani, zo so azo ayeke iri lo fadeso wayanga-Nzapa, ando ala yeke iri lo “zo ti bango nda ti aye.”