2 Mbai 19:10 - Mbeti ti Nzapa - Tënë so amu fini

¹⁰ Tongana a-ita ti ala so ayeke lango na ya ti agbata nde nde aga na mbeni tënë na gbe ti ala titene ala fâ ngbanga ni, ataa ayeke tënë ti fango zo, wala tënë ti sarango ye so ake ndia, wala tënë ti ye so ake mbela ti Nzapa, wala ye so ake kpengba tënë ti Nzapa, wala ye so ake lege ti sarango ye ti azo, ayeke nzoni ala fa nda ni na a-ita ti ala, tongaso si a-ita ti ala ni asara sioni ti ke KOTA GBIA pepe si ngonzo ti KOTA GBIA ati na ndö ti ala nga na ndö ti a-ita ti ala ni pepe. Tongana ala sara tongaso, fade mbeni tënë oko ayeke na li ti ala pepe.

2 Mbai 19:10 ပူးပေါင်းရင်းမြစ်များ

2 Mbai 19:2

Zo ti bango nda ti aye Yehu, molenge ti Hanani, aga awara gbia Yosafat na lege si atene na lo: “Mo mu maboko na sioni zo tongaso ngbanga ti nyen? Azo so be ti ala ake *KOTA GBIA so, mo ye ala ngbanga ti nyen? Ndali ti ye so mo sara so, KOTA GBIA ayeke sara ngonzo na tere ti mo.

2 Mbai 19:9

Lo mu yanga na ala, lo tene: “Fade ala yeke sara kua ni na kpengo mbeto ti KOTA GBIA, lakue na legeni nga na be ti ala kue.

Sigingo 18:16

Tongana ala yeke na mbeni tënë, ala yeke ga na mbage ti mbi, mbi yeke fâ ya ti ngbanga na popo ti ala; mbi yeke fa nga na ala ambela ti Nzapa na andia ti lo.”

Ezekiel 3:17

“Molenge ti zo, mbi zia mo sanziri ndali ti azo ti Israel. Tongana mo ma mbeni tënë na yanga ti mbi, fade mo yeke gboto mê ti ala na iri ti mbi.

Ezekiel 33:6

Me tongana sanziri ni abaa bira ayeke ga si lo huru tatalita pepe, lo tene tënë ni na azo ti kodro pepe, tongana wato aga si afâ mbeni zo, sanziri ni laa asara sioni. Fade mbi yeke hunda mene ti zo ni na maboko ti sanziri ni.

Wungo ti azo 17:11

Na pekoni, Moïse atene na Aaron: “Mu kete ta ti mo ti zongo na dukani, mo zia ale ti wâ ti ndö ti gbalaka daa, mo tuku dukani ni na ndö ni; mo gue hio na mbage ti bongbi ti azo ni. Mo sara ye so afa atene, KOTA GBIA azi siokpari na li ti ala awe. Biani, ngonzo ti KOTA GBIA alondo awe, kobela ti bubango kodro ato nda ni awe.”

Awatokua 20:31

Le ti ala akpengba, ala dabe ti ala so na ya ti ngu ota, bi na lâ, na ngu ti le, mbi zia ti mu wango na zo oko oko na popo ti ala pepe.

Ndia ti fani use ni 21:5

Fade awayango-sandaga, *ahale ti Lévi ayeke gue nduru. Biani, KOTA GBIA Nzapa ti ala asoro ala titene ala sara kua na lo, titene ala sara tufa na ndö ti azo na iri ti lo. Tongana tënë alondo na popo ti azo, wala tongana azo atiri si mbeni zo awara ka, ala laa ayeke fâ ya ti tënë ni.

1 Tesalonike 5:14

A-ita, e hunda na ala ti suku na azo so ayeke sara ye ti kirikiri; azo so be ti ala awoko, ala sara si be ti ala akiri awara ngangu, ala mu maboko na azo so ayeke na ngangu pepe, ala kanga be ti ala na azo kue.