2 Mbai 18:9 - Mbeti ti Nzapa - Tënë so amu fini

⁹ Gbia ti Israel na Yosafat, gbia ti Juda, ayu bongo ti ala ti gbia si zo oko oko aduti na ndö ti mbata ti lo; ala duti na kota le ti kodro so ayeke nduru na yanga ti gbata ti Samarii. Awayanga-nzapa kue ayeke sara kua ti ala na dawa ti ala.

2 Mbai 18:9 ပူးပေါင်းရင်းမြစ်များ

2 Mbai 18:10

Na popo ti awayanga-nzapa ni, Sidekia, molenge ti Kenaana ayeke daa; lo mu wen, lo leke na adidi si lo tene: “Tënë so KOTA GBIA atene ayeke so: ‘Na adidi so, fade mo yeke fâ azo ti Sirii ngbii mo hunzi ala kue.’ ”

2 Mbai 18:29

Gbia ti Israel atene na Yosafat: “Mbi yeke yu mbeni bongo nde titene azo ahinga mbi pepe si mbi gue na bira ni. Ti mo, mo yu bongo ti mo ti gbia.” Tongaso gbia ti Israel ayu mbeni bongo nde titene azo ahinga lo pepe si ala use kue ague na bira ni.

2 Mbai 18:8

Tongaso gbia ti Israel airi mbeni kota zo ti yangbo ti lo si atene na lo: “Gue hio, mo ga na Mishe, molenge ti Imla.”

Ésaïe 14:9

Na gbeni kâ, ndo ti akuâ ayingi ti yamba mo na gango ti mo. Ndali ti mo, lo yeke zingo akuâ, akota zo ti sese so; lo sara si agbia kue ti amara nde alondo na ndö ti mbata ti ala ti gbia.

Ezekiel 26:16

Amakonzi ti azo so alango na yanga ti kota ngu-ingo ayeke londo na ndö ti ambata ti ala, ala yeke zi akota bongo ti ala, ala yeke zi apendere bongo ti ala. Mbeto ayeke hon ndö ti ala si ala yeke duti na sese. Tere ti ala ayeke do na mbeto lakue, ye ayeke hon ndö ti ala ndali ti mo.

Daniel 7:9

“So mbi ngba ti baa ndo, a zia ambata ti gbia si mbeni mbakoro aga aduti na ndö ti mbeni oko: bongo ti lo avuru tongana tukia; kua ti li ti lo avuru tongana kua ti tere ti taba so zende oko ayeke daa pepe. Mbata ti lo aza tongana menga ti wâ; agere ti mbata ni ayeke tongana wâ so aza mingi.

Matthieu 11:8

Nyen laa ala gue ti bango ni kâ? Mbeni zo so ayu pendere bongo? Azo so ayu apendere bongo ayeke duti na ya ti ada ti agbia!

Matthieu 19:28

Jésus atene na ala: “Mbi tene na ala taa-tënë: na ndembe so ye kue ayeke kiri ti ga fini ni, fade *Molenge ti Zo ayeke duti na ndö ti mbata ti gonda ti lo ti Gbia. Ala baleoko na use so amu peko ti mbi, ala yeke duti na ndö ti ambata ti gbia baleoko na use titene ala fâ ngbanga ti amara baleoko na use ti Israel.

Matthieu 6:29

Me mbi tene na ala: ataa Salomon so ayeke ando na amosoro mingi, pendere ti abongo so lo yu alingbi na pendere ti akongo ni oko pepe.

Ruth 4:1

Booz ague, aduti na yanga ti kodro ni, na ndo so azo ayeke leke ka tënë daa. Andaa zo ti sewa ti Elimelek ayeke hon, lo so lo lingbi fade ti mu Ruth ti bata lo, lo so lani Booz atene tënë ti lo na Ruth so. Booz airi lo, atene: “Koli, ga, mo duti ge.” Koli ni aga si aduti.