2 Mbai 18:7 - Mbeti ti Nzapa - Tënë so amu fini

⁷ Gbia ti Israel akiri tënë na Yosafat, atene: “Mbeni zo oko ayeke daa so e lingbi ti hunda KOTA GBIA na lege ti lo; zo ni ayeke Mishe, molenge ti Imla. Me be ti mbi ake lo mingi, ngbanga ti so lo yeke tene na mbi peko ti tënë ti yanga ti Nzapa nzoni laoko pepe, me lakue gi sioni tënë.” Yosafat atene: “Ayeke nzoni gbia atene tënë tongaso pepe!”

2 Mbai 18:7 ပူးပေါင်းရင်းမြစ်များ

1 Agbia 18:17

Gi so Akab abaa Élie, lo tene na Élie: “Mo laa mo ga na kpale na ndö ti azo ti Israel so pepe?”

1 Agbia 18:4

Lani so Yezabel, wali ti gbia, afâ awayanga ti KOTA GBIA so, Obadia amu ambeni wayanga-Nzapa ngbangbo oko si lo honde ala. Lo mu ala baleoku, baleoku si lo honde ala na ya ti akota du ti têne use. Kâ, lo yeke mu na ala kobe na ngu.

1 Agbia 19:10

Élie akiri tënë: “KOTA GBIA Nzapa, mo so ngangu ti mo ahon angangu kue, tënë ti mo agbu be ti mbi mingi. Me azo ti Israel azia lege ti *mbuki ti mo awe, ala kungbi na sese agbalaka ti mo si ala fâ awayanga ti mo. Mbi ngba gi mbi oko si azo ayeke gi lege ti fâ mbi.”

1 Agbia 21:20

Élie ague, atene peko ti tënë ni na Akab si Akab atene na Élie: “Ae, wato ti mbi, mo kiri mo wara mbi awe!” Élie akiri tënë: “Taa-tënë, mbi kiri mbi wara mo, ngbanga ti so mo ka tere ti mo ti sara ye so ayeke sioni na le ti KOTA GBIA.

1 Agbia 22:8

Gbia ti Israel akiri tënë na Yosafat, atene: “Mbeni zo oko ayeke daa so e lingbi ti hunda KOTA GBIA na lege ti lo; zo ni ayeke Mishe, molenge ti Imla. Me be ti mbi ake lo mingi, ngbanga ti so lo yeke tene na mbi peko ti tënë ti yanga ti Nzapa nzoni laoko pepe, me lakue gi sioni tënë.” Yosafat atene: “Ayeke nzoni gbia atene tënë tongaso pepe!”

2 Agbia 9:22

Gi so Yoram abaa Yehu awe, lo tene: “Yehu, mo ga na tënë ti siriri?” Yehu akiri tënë: “Nyen? Siriri? So mama ti mo Yezabel angba ti voro anzapa nde si lo ngba ti sara mazi so!”

2 Mbai 18:13

Mishe akiri tënë, atene: “*KOTA GBIA ayeke na fini! Tënë so Nzapa ti mbi ayeke tene, gi ni laa mbi yeke tene ande!”

2 Mbai 18:6

Me Yosafat ahunda ndo, atene: “Mbeni zo oko ti tenengo peko ti yanga ti KOTA GBIA ayeke ge pepe titene e hunda KOTA GBIA na lege ti lo?”

2 Mbai 18:8

Tongaso gbia ti Israel airi mbeni kota zo ti yangbo ti lo si atene na lo: “Gue hio, mo ga na Mishe, molenge ti Imla.”

Abia (Psaumes) 34:21

KOTA GBIA ayeke bata lo nzoni si bio ti lo oko afâ pepe.

Abia (Psaumes) 55:3

Mo ma mbi, mo kiri tënë na mbi. Li ti mbi akpe, mbi yeke dema si mbi yeke tene tënë kirikiri

Abia (Psaumes) 69:14

Ti mbi, O *KOTA GBIA, mbi sambela gi mo: ngoi titene mo yeda na sambela ni alingbi awe. Nzapa, na lege ti kota nzoni be ti mo, kiri tënë na mbi! Biani, mo laa mo yeke soo mbi na kuâ.

Amato 25:12

Wango so zo ti ndara amu na azo so azia mê ti ala kpoo ti ma tënë ayeke tongana bage ti lôro nga na ye ti go ti lôro ti nzoni ni.

Amato 29:10

Azo ti fango zo ake zo so sarango ye ti lo ayeke na legeni; me azo ti mbirimbiri agi lege ti bata fini ti zo so.

Amato 9:8

Mo gboto mê ti zo ti hengo ndo pepe, tongaso pepe, fade lo yeke ke mo; me tongana mo gboto mê ti zo ti ndara, fade lo yeke ye mo.

Ésaïe 30:10

Ala tene na azo ti bango nda ti aye, atene: “Ala baa ye pepe!” Ala tene na awayanga-Nzapa: “Ala tene na e taa-tënë pepe, me gi anzerengo tënë; ala tene na e gi ye so anzere na be ti e, ataa ye ni ayeke mvene.

Jérémie 18:18

Tongaso azo ni atene: “Ala ga, e leke tënë na tere ti Jérémie. Awayango-sandaga ayeke daa, fade ala yeke ngba ti fa na e atënë ti ndia. Azo ti ndara ayeke daa, fade ala yeke mu na e awango senge. Awayanga-Nzapa atia pepe, fade ala yeke tene na e peko ti atënë ti yanga ti Nzapa senge. Ala ga, e tene asioni tënë ti buba iri ti Jérémie. Atënë so asigigi na yanga ti lo so, e dingi mê ti e ti ma ni oko pepe.”

Jérémie 38:4

Na pekoni, akota zo ti kodro ni atene na gbia Sedesias: “E ye gi kuâ ti Jérémie, ngbanga ti so atënë so lo yeke tene, asara si be ti aturugu nga na be ti azo ti kodro kue awoko. Koli so aye nzoni ti azo ti kodro so pepe, me lo ye gi sioni ti ala.”

Amos 5:10

Zo so ayeke ke na awafango-ngbanga sioni fango ngbanga ti ala, be ti ala ake lo; zo so aga ti tene taa-tënë na le ti ngbanga, ala yeke baa lo na sioni le.

Mishe 2:7

Mo baa ti mo, mo tene, a deba azo ti Israel awe? *KOTA GBIA azia ti kanga be ti lo awe? Lo yeke sara ka ye tongaso?” Ti mbi, tënë ti mbi ayeke sara nzoni na zo so ayeke sara ye mbirimbiri.

Marc 6:27

Nilaa lo tokua mbeni turugu hio; lo mu yanga na lo ti ga na li ti Jean-Baptiste. Turugu ni ague si lo fâ go ti Jean na da ti kanga.

Nzoni Tënë so Luc asu na mbeti 6:22

“Ti ala nzoni, ala so azo ake ala, atumba ala, azonga ala si ayeke diko asioni tënë na iri ti ala ndali ti *Molenge ti Zo!

Jean 15:24

Aye so zo asara laoko pepe, mbi sara ni na popo ti azo ti dunia. Tongana mbi sara ni fade pepe, ka siokpari ayeke na li ti ala pepe. Fadeso, ala baa aye so kue mbi sara, me ala ngba ti ke mbi nga na Babâ ti mbi.

Jean 7:7

Azo ti dunia alingbi ti ke ala pepe; me azo ni ake mbi, ngbanga ti so mbi tene tënë na ndö ti ala, mbi tene: aye so ala ayeke sara ayeke sioni.

Galasii 4:16

So mbi tene taa-tënë na ala so, mbi ga fadeso wato ti ala awe?