2 Mbai 18:4 - Mbeti ti Nzapa - Tënë so amu fini

⁴ Na pekoni, Yosafat atene na gbia ti Israel: “Ayeke nzoni mo hunda *KOTA GBIA kozoni si!”

2 Mbai 18:4 ပူးပေါင်းရင်းမြစ်များ

2 Samuel 2:1

Na peko ti aye so, David ahunda *KOTA GBIA, atene: “Mbi lingbi ti gue na mbeni gbata ti Juda?” KOTA GBIA akiri tënë: “Mo gue senge.” David ahunda ndo, atene: “Mbi lingbi ti gue na ndo wa?” KOTA GBIA akiri tënë: “Mo gue na Hebron.”

2 Samuel 5:19

David ahunda *KOTA GBIA, atene: “Alingbi mbi gue, mbi tiri bira na azo ti Filistii so? Fade mo yeke zia ala na maboko ti mbi?” KOTA GBIA akiri tënë na David: “Mo gue! Fade mbi yeke zia ala na maboko ti mo.”

2 Samuel 5:23

David ahunda KOTA GBIA; KOTA GBIA atene: “Mo londo ge pepe ti tiri bira na ala; me mo hon na mbage ti peko ti ala si mo na ala atengbi tere na yanga ti gbako ti akeke ti mikokulie.

2 Mbai 18:3

Akab, gbia ti Israel ahunda Yosafat, gbia ti Juda, atene: “Mo ye titene mbi na mo, e gue, e mu Ramot, na sese ti Galaad?” Yosafat akiri tënë na lo, atene: “Mbi na mo, e yeke gi oko, aturugu ti mo na aturugu ti mbi ayeke gi oko. Fade e yeke gue ti tiri bira ni senge.”

2 Mbai 18:5

Tongaso gbia ti Israel abongbi awayanga-nzapa ngbangbo osio si lo hunda ala, lo tene: “Alingbi e gue, e tiri bira na gbata ti Ramot, na sese ti Galaad wala mbi zia lege ni?” Ala kiri tënë na lo, atene: “Mo lingbi ti gue senge! Fade Nzapa ayeke zia gbata ni na maboko ti mo, gbia.”

2 Mbai 34:26

Me ti gbia ti Juda so atokua ala ti hunda mbi KOTA GBIA so, fade ala yeke tene na lo: Tënë so KOTA GBIA, Nzapa ti Israel atene ayeke so: Mo ma tënë ti ya ti mbeti so nzoni awe.

Abia (Psaumes) 27:4

Mbi hunda gi ye oko na KOTA GBIA, ye so be ti mbi aye mingi ayeke so: mbi ye ti duti na ya ti kota da ti lo, mbi ye ti duti kâ na lango ti fini ti mbi kue ti ngba ti baa pendere ti lo lakue. Kâ, mbi yeke ku titene lo kiri tënë na mbi.

Jérémie 21:2

“E gbu gere ti mo, mo hunda KOTA GBIA na tënë ti e! Baa, gbia Nabukodonosor ti Babilone alondo na bira na tere ti e; e hinga pepe, fade KOTA GBIA ayeke sara mbeni oko ti aye ti kpene ti lo ndali ti e, tongaso si gbia Nabukodonosor azia peko ti e.”

Ezekiel 20:3

“*Molenge ti zo, mo tene na akangba ti Israel, mo tene: Tënë so Kota Gbia NZAPA atene ayeke so: ‘Ala ga ti hunda mbi na nda ti tënë ti ala? Fini ti mbi! Mbi yeke zia lege na ala pepe titene ala hunda mbi na tënë! So tënë ti yanga ti Kota Gbia NZAPA laa.’

1 Samuel 23:2

David ahunda *KOTA GBIA, atene: “Mbi lingbi ti gue ti tiri bira na azo ti Filistii so senge?” KOTA GBIA akiri tënë na lo: “Mo gue, fade mo yeke kinda azo ti Filistii si mo soo azo ti gbata ti Keila na kuâ.”

1 Samuel 23:4

David akiri ahunda KOTA GBIA si KOTA GBIA akiri tënë na lo, atene: “Londo, mo gue na Keila; fade mbi yeke zia azo ti Filistii na maboko ti mo.”