2 Mbai 18:31 - Mbeti ti Nzapa - Tënë so amu fini

³¹ So amakonzi ti azo ti kpengo na apusu ti mbarata abaa Yosafat, ala tene: “So gbia ti Israel laa.” Nilaa ala ngoro lo titene ala ti na ndö ti lo. Me Yosafat adekongo. Tongaso *KOTA GBIA amu maboko na lo si Nzapa atumba awato ti lo na tere ti lo.

2 Mbai 18:31 ပူးပေါင်းရင်းမြစ်များ

1 Mbai 5:20

Na ngoi ti bira ni, ala toto na Nzapa; lo yeda na sambela ti ala si lo mu maboko na ala, ngbanga ti so ala zia be ti ala na lo. Tongaso ala hon ndö ti azo ti mara ti Hagri nga na asongo ti ala.

2 Mbai 13:14

Azo ti Juda abaa ndo na peko, ala baa so, fade ala yeke tiri bira na aturugu so ambeni ayeke na dawa ti ala si ambeni ayeke na peko ti ala. Azo ti Juda adekongo na KOTA GBIA si awayango-sandaga ahuru tatalita.

2 Mbai 13:15

Aturugu ti Juda adekongo ti bira. Gi na ndembe so ala dekongo, Nzapa akinda Yeroboam na azo ti Israel kue na dawa ti Abia nga na azo ti Juda.

2 Mbai 14:11

KOTA GBIA akinda azo ti Etiopii na dawa ti Asa nga na dawa ti aturugu ti Juda; aturugu ti Etiopii akpe.

2 Mbai 18:30

Andaa gbia ti Sirii amu yanga na amakonzi ti azo ti kpengo na apusu ti mbarata ti lo, atene: “Ala ti na ndö ti asenge turugu wala na ndö ti aturugu ti kota kamba pepe; me ala ti gi na ndö ti gbia ti Israel.”

2 Mbai 18:32

So amakonzi ti azo ti kpengo na pusu ti mbarata abaa atene, so gbia ti Israel laa pepe, ala zia ti tumba peko ti lo.

2 Mbai 26:7

Nzapa amu maboko na lo ti tiri bira na azo ti Filistii, a-arabu so ayeke lango na Gur-Baal nga na azo ti mara ti Meun.

Esdras 1:1

Na kozo ngu so Sirus ayeke gbia ti Perse, *KOTA GBIA aye ti sara si tënë ti lo so lo zia ando na yanga ti Jérémie ti tene, aga taa-tënë. Nilaa KOTA GBIA azia na be ti Sirus ti mu yanga titene a to mbela na tënë ti Sirus na ya ti kodro ti lo kue; a su nga atënë ni na mbeti, atene:

Esdras 7:27

Esdras atene: “Mbi mu singila na *KOTA GBIA, Nzapa ti akotara ti e! Lo laa lo zia na be ti gbia titene lo ne kota da ti Nzapa ti Jérusalem.

Néhémie 1:11

KOTA GBIA, mbi gbu gere ti mo, mo zi mê ti mo, mo ma sambela ti mbi, zo ti kua ti mo. Mo ma nga sambela ti azo ti kua ti mo, ala so ayeke na ngia ti ne iri ti mo. Mo sara si aye ti mbi, zo ti kua ti mo, aga nzoni laso. Mo sara si ye so mbi yeke hunda na gbia, lo kiri tënë na mbi na nzoni be.” Biani, mbi yeke lani zo ti mungo samba na gbia.

Abia (Psaumes) 118:13

Ala pusu mbi na ngangu titene mbi ti, me KOTA GBIA amu maboko na mbi.

Abia (Psaumes) 34:7

Zo ti mawa adekongo, KOTA GBIA ama lo si lo zi lo na ya ti aye ti ngangu kue.

Abia (Psaumes) 46:1

Bia ti azo ti Kore; bia so ayeke ndali ti makonzi-bia. A he ni na aye ti mozoko so atoto na nduzu

Abia (Psaumes) 46:11

KOTA GBIA adekongo, atene: “Ala zia bira! Ayeke nzoni ala hinga so mbi yeke Nzapa! Mbi hon ndö ti amara kue, mbi hon ndö ti azo ti dunia kue.”

Abia (Psaumes) 56:10

Na lango so mbi yeke iri mo, fade awato ti mbi ayeke kiri na peko. Mbi hinga, mbi tene, Nzapa ayeke na mbi.

Abia (Psaumes) 94:17

Tongana KOTA GBIA amu fade maboko na mbi pepe, ka mbi hon hio na ndo so ndo ade daa ngii.

Sigingo 14:10

So gbia Faraon aga nduru awe, azo ti Israel ayo le ti ala na nduzu si ala baa so azo ti Ezipte ayeke ga na peko ti ala. Kota mbeto agbu azo ti Israel si ala dema tere ti ala na KOTA GBIA.

Amato 16:7

Tongana KOTA GBIA ayeda na lege ti sarango ye ti mbeni zo, ataa awato ti zo ni, lo yeke leke songo na popo ti lo na ala.

Amato 21:1

Tënë ti be ti gbia ayeke na ya ti maboko ti KOTA GBIA tongana kete ngu so ayeke sua. KOTA GBIA ayeke hon na atënë ti be ni na ndo so kue be ti lo wani aye.