2 Mbai 18:30 - Mbeti ti Nzapa - Tënë so amu fini

³⁰ Andaa gbia ti Sirii amu yanga na amakonzi ti azo ti kpengo na apusu ti mbarata ti lo, atene: “Ala ti na ndö ti asenge turugu wala na ndö ti aturugu ti kota kamba pepe; me ala ti gi na ndö ti gbia ti Israel.”

2 Mbai 18:30 ပူးပေါင်းရင်းမြစ်များ

Tongo nda ti aye 19:11

ala sara si le ti azo so ayeke na yanga ti da ni so avuko, ti londo na amolenge ngbii asi na akota zo. Ala gi yanga ti da ni gbaa, akara ala.

1 Agbia 20:42

Tongaso wayanga-Nzapa ni atene na lo: “Tënë so KOTA GBIA atene ayeke so: ‘Lani, mbi zia koli so titene a fâ lo; me mo zi maboko na tere ti lo si lo kpe, lo hon. Fadeso, mo laa mo yeke wara kuâ na peko ti lo si azo ti kodro ti mo ayeke wara nga kuâ na peko ti azo ti kodro ti lo.’ ”

1 Agbia 22:31

Andaa gbia ti Sirii amu yanga na amakonzi ti azo ti kpengo na apusu ti ambarata ti lo so wungo ti ala ayeke baleota na use, lo tene: “Ala ti na ndö ti asenge turugu wala na ndö ti aturugu ti kota kamba pepe; me ala ti gi na ndö ti gbia ti Israel.”

2 Mbai 15:13

Zo so agi KOTA GBIA, Nzapa ti Israel pepe, fade a yeke fâ lo, ataa kete zo wala kota zo, ataa koli wala wali.

2 Mbai 18:29

Gbia ti Israel atene na Yosafat: “Mbi yeke yu mbeni bongo nde titene azo ahinga mbi pepe si mbi gue na bira ni. Ti mo, mo yu bongo ti mo ti gbia.” Tongaso gbia ti Israel ayu mbeni bongo nde titene azo ahinga lo pepe si ala use kue ague na bira ni.

2 Mbai 18:31

So amakonzi ti azo ti kpengo na apusu ti mbarata abaa Yosafat, ala tene: “So gbia ti Israel laa.” Nilaa ala ngoro lo titene ala ti na ndö ti lo. Me Yosafat adekongo. Tongaso *KOTA GBIA amu maboko na lo si Nzapa atumba awato ti lo na tere ti lo.

Ndia ti fani use ni 1:17

Tongana ala yeke fâ ngbanga, ayeke nzoni ala mu mbage ti mbeni zo pepe. Ataa senge zo, ataa kota zo, ala ma tënë ti lo nzoni. Ala sara mbeto ti zo oko pepe, ngbanga ti so fango ngbanga alondo na Nzapa. Tongana mbeni tënë akara ala, ala ga na ni na mbi si mbi lingbi ti gi nda ni.”