2 Mbai 18:3 - Mbeti ti Nzapa - Tënë so amu fini

³ Akab, gbia ti Israel ahunda Yosafat, gbia ti Juda, atene: “Mo ye titene mbi na mo, e gue, e mu Ramot, na sese ti Galaad?” Yosafat akiri tënë na lo, atene: “Mbi na mo, e yeke gi oko, aturugu ti mo na aturugu ti mbi ayeke gi oko. Fade e yeke gue ti tiri bira ni senge.”

2 Mbai 18:3 ပူးပေါင်းရင်းမြစ်များ

1 Agbia 22:4

Lo hunda Yosafat, lo tene: “Mo ye titene mbi na mo, e gue, e tiri bira ti mu Ramot, na sese ti Galaad?” Yosafat akiri tënë na gbia ti Israel, atene: “Mbi na mo, e yeke gi oko, aturugu ti mo na aturugu ti mbi ayeke gi oko, ambarata ti mbi na ambarata ti mo ayeke gi oko.”

1 Agbia 4:13

Molenge ti Geber ayeke govoronere na kodro ti Ramot, na sese ti Galaad; akete kodro ti Yair, na sese ti Galaad ayeke na gbe ti lo. Yair ayeke molenge ti Manase. Molenge ti Geber ayeke nga govoronere ti sese ti Argob so ayeke na Bashan. Akota gbata baleomene ti sese ni kâ ayeke na angangu gbagba na tere ni si angbongboro wen ti kangango na ayanga ti agbagba ni ayeke na bengba wen;

2 Agbia 3:7

Na pekoni, lo tokua azo ti tene na Yosafat, gbia ti Juda, atene: “Gbia ti Moab atomboka na tere ti mbi. Mo ye ti ga ti wara mbi titene e gue, e tiri bira na kodro ti Moab?” Gbia ti Juda akiri tënë, atene: “Nzoni, mbi yeke ga! Mbi na mo, e yeke oko; aturugu ti mbi ayeke aturugu ti mo; ambarata ti mbi ayeke ambarata ti mo.”

2 Mbai 18:2

Na peko ti ambeni ngu, Yosafat ague na Samarii ti baa Akab. Akab aya gba ti ataba na abagara na *sandaga ndali ti gango ti Yosafat na azo so ayeke na tere ti lo. Na pekoni, Akab ahunda na Yosafat titene lo na lo ague ti tiri bira na gbata ti Ramot, na sese ti Galaad.

2 Mbai 18:4

Na pekoni, Yosafat atene na gbia ti Israel: “Ayeke nzoni mo hunda *KOTA GBIA kozoni si!”

2 Mbai 19:2

Zo ti bango nda ti aye Yehu, molenge ti Hanani, aga awara gbia Yosafat na lege si atene na lo: “Mo mu maboko na sioni zo tongaso ngbanga ti nyen? Azo so be ti ala ake *KOTA GBIA so, mo ye ala ngbanga ti nyen? Ndali ti ye so mo sara so, KOTA GBIA ayeke sara ngonzo na tere ti mo.

Abia (Psaumes) 139:21

KOTA GBIA, azo so be ti ala ake mo so, be ti mbi ake ala pepe tongana nyen? Azo so ayeke tiri na mo so, be ti mbi aso na ala pepe tongana nyen?

Efeze 5:11

Aye so azo ayeke sara na ya ti vukongo ndo ayeke sara nzoni na zo oko pepe. Ala azo ti Nzapa, ala yoro tere ti ala na ya ni pepe, me ala sigigi na nda ti aye ni.