2 Mbai 18:22 - Mbeti ti Nzapa - Tënë so amu fini

²² Mishe akiri atene: “Fadeso, ye ni asi awe. KOTA GBIA azia yingo ti mvene na yanga ti awayanga-nzapa ti mo kue, so ti fa atene, lo wani, lo leke na be ti lo ti tokua mbeni kpale na ndö ti mo.”

2 Mbai 18:22 ပူးပေါင်းရင်းမြစ်များ

2 Mbai 18:17

Gbia ti Israel atene na Yosafat: “Mbi tene fade na mo pepe? Lo yeke tene na mbi peko ti tënë ti yanga ti Nzapa nzoni pepe; me lo yeke tene gi sioni tënë.”

2 Mbai 18:21

Yingo ni akiri tënë, atene: ‘Fade mbi yeke gue si mbi yeke ga yingo ti mvene na yanga ti awayanga-nzapa kue ti gbia.’ KOTA GBIA atene na lo: ‘So nzoni lege ti handango lo laa; gue, mo sara gi tongaso.’ ”

2 Mbai 18:7

Gbia ti Israel akiri tënë na Yosafat, atene: “Mbeni zo oko ayeke daa so e lingbi ti hunda KOTA GBIA na lege ti lo; zo ni ayeke Mishe, molenge ti Imla. Me be ti mbi ake lo mingi, ngbanga ti so lo yeke tene na mbi peko ti tënë ti yanga ti Nzapa nzoni laoko pepe, me lakue gi sioni tënë.” Yosafat atene: “Ayeke nzoni gbia atene tënë tongaso pepe!”

2 Mbai 25:18

Yoas, gbia ti Israel akiri tënë na Amasia, gbia ti Juda, atene: “Mbeni lâ, kete keke ti ki ti hoto ti Liban atokua na keke ti sedre ti Liban atene: Mu molenge ti mo titene lo ga wali ti molenge ti mbi ti koli. Me mbeni nyama ti hoto ti Liban ahon na ndö ti kete keke ti ki ni si lo nika ni.”

Mbeti ti Job 12:16

Ngangu na ndara ayeke ti lo. Zo so agirisa lege, na zo so asara si mba ti lo agirisa lege, ala kue ayeke ti Nzapa.

Sigingo 4:21

KOTA GBIA atene na Moïse: “Na kiringo ti mo na Ezipte, mbi mu na mo ngangu ti sara aye ti dongo be. Fade mo yeke sara ni na dawa ti Faraon. Me ti mbi, mbi yeke sara titene be ti lo akpengba si lo yeke ke ti zia lege na azo ti Israel ti gue.

Ésaïe 19:14

KOTA GBIA azia na ya ti Ezipte yingo ti turnengo li ti zo. Biani, amakonzi ni ayeke hon na Ezipte kirikiri na ya ti aye so kue kodro ni ayeke sara. Ezipte ayeke tongana zo so samba ahon ndö ti lo si lo yeke hon kirikiri na ya ti ye so lo de awe.

Ésaïe 3:11

Me ti zo ti sioni, so mawa na lo! Fade ye ti lo kue ayeke ga sioni, a yeke sara na lo alingbi na asarango ye ti lo.

Jérémie 18:11

“Fadeso, ayeke nzoni mo tene na azo ti Juda na ala so ayeke lango na Jérusalem, mo tene: ‘Tënë so KOTA GBIA atene ayeke so: Mbi yeke leke na be ti mbi mbeni ye ti sara na ala, mbi yeke leke mbeni sioni kpale na tere ti ala. Ayeke nzoni zo oko oko azia sioni lege ti sarango ye ti lo. Ala sara si lege ti dutingo ti ala na sarango ye ti ala akiri aga nzoni!’ ”

Ezekiel 14:9

“Tongana mbeni wayanga-Nzapa azia lege si azo ahanda lo si lo kiri tënë lo wani, mbi KOTA GBIA laa, mbi handa wayanga-Nzapa so. Mbi yeke yoro maboko ti mbi ti pika lo si mbi yeke zi lo na popo ti azo ti Israel, azo ti mbi.

Mishe 2:3

Ndani laa, tënë so *KOTA GBIA atene ayeke so: “Baa, mbi yeke leke mbeni kota kpale ti tokua na ndö ti mara ti azo tongana ala so. Fade ala lingbi ti sigigi na ya ni pepe, ala lingbi ti tambula, li ti ala na nduzu pepe, ngbanga ti so ngoi ni ayeke duti ngoi ti kota kpale.”