2 Mbai 18:2 - Mbeti ti Nzapa - Tënë so amu fini

² Na peko ti ambeni ngu, Yosafat ague na Samarii ti baa Akab. Akab aya gba ti ataba na abagara na *sandaga ndali ti gango ti Yosafat na azo so ayeke na tere ti lo. Na pekoni, Akab ahunda na Yosafat titene lo na lo ague ti tiri bira na gbata ti Ramot, na sese ti Galaad.

2 Mbai 18:2 ပူးပေါင်းရင်းမြစ်များ

1 Agbia 1:9

Mbeni lâ, Adonia afâ ataba na angasa, akoli-bagara na abagara ti mafuta si lo mu ala na *sandaga nduru na tere ti têne ti Zohelet so ayeke na tere ti li ti ngu ti En-Rogel. Adonia atisa a-ita ti lo ti koli, amolenge ti gbia, na akota zo ti sese ti Juda so ayeke sara kua ndali ti gbia.

1 Agbia 17:7

Me lango mingi ahon so ngu-Nzapa apika na ya ti kodro ni pepe, asara si ngu ti Kerit ahole.

1 Agbia 4:13

Molenge ti Geber ayeke govoronere na kodro ti Ramot, na sese ti Galaad; akete kodro ti Yair, na sese ti Galaad ayeke na gbe ti lo. Yair ayeke molenge ti Manase. Molenge ti Geber ayeke nga govoronere ti sese ti Argob so ayeke na Bashan. Akota gbata baleomene ti sese ni kâ ayeke na angangu gbagba na tere ni si angbongboro wen ti kangango na ayanga ti agbagba ni ayeke na bengba wen;

2 Agbia 9:1

Wayanga-Nzapa Élisée airi mbeni zo oko na popo ti azo ti bongbi ti awayanga-Nzapa si atene na lo: “Leke tere ti mo, mo mu ngbenda ti mafuta so, mo gue na gbata ti Ramot, na sese ti Galaad.

2 Mbai 18:3

Akab, gbia ti Israel ahunda Yosafat, gbia ti Juda, atene: “Mo ye titene mbi na mo, e gue, e mu Ramot, na sese ti Galaad?” Yosafat akiri tënë na lo, atene: “Mbi na mo, e yeke gi oko, aturugu ti mo na aturugu ti mbi ayeke gi oko. Fade e yeke gue ti tiri bira ni senge.”

2 Mbai 19:2

Zo ti bango nda ti aye Yehu, molenge ti Hanani, aga awara gbia Yosafat na lege si atene na lo: “Mo mu maboko na sioni zo tongaso ngbanga ti nyen? Azo so be ti ala ake *KOTA GBIA so, mo ye ala ngbanga ti nyen? Ndali ti ye so mo sara so, KOTA GBIA ayeke sara ngonzo na tere ti mo.

Néhémie 13:6

Na ngoi so aye so asi, mbi yeke na Jérusalem pepe. Na ngu baleota na use ni so Artakzerses ayeke gbia ti Babilone, mbi kiri na tere ti lo. Ngu mingi na pekoni, mbi hunda na gbia ti mu lege na mbi

Ndia ti fani use ni 4:43

Agbata ni ayeke Beser, na kpangbara sese so ayeke na benyama, ndali ti azo ti mara ti Ruben; Ramot na sese ti Galaad, ndali ti azo ti mara ti Gad; Golan na sese ti Bashan, ndali ti azo ti mara ti Manase.

Josué 20:8

Na mbage ti ngu ti Jourdain, na To ti Jéricho, ala soro gbata ti Beser, so ayeke na benyama, na kpangbara sese so ayeke ti azo ti mara ti Ruben. Ala soro nga Ramot, so ayeke na sese ti Galaad si ayeke ti azo ti mara ti Gad; Golan, so ayeke na Bashan si ayeke ti azo ti mara ti Manase.