2 Mbai 18:19 - Mbeti ti Nzapa - Tënë so amu fini

¹⁹ KOTA GBIA ahunda ndo, atene: ‘Zo wa laa ayeke handa ande Akab, gbia ti Israel titene lo gue, lo tiri bira na gbata ti Ramot, na sese ti Galaad si azo afâ lo kâ, zo wa?’ Mbeni zo atene ti lo ge nde, mbeni atene ti lo kâ nde.

2 Mbai 18:19 ပူးပေါင်းရင်းမြစ်များ

1 Agbia 22:20

KOTA GBIA ahunda ndo, atene: ‘Zo wa laa ayeke handa ande Akab titene lo gue, lo tiri bira na Ramot, na sese ti Galaad si azo afâ lo kâ, zo wa?’ Mbeni zo atene ti lo ge nde, mbeni atene ti lo kâ nde.

1 Agbia 4:13

Molenge ti Geber ayeke govoronere na kodro ti Ramot, na sese ti Galaad; akete kodro ti Yair, na sese ti Galaad ayeke na gbe ti lo. Yair ayeke molenge ti Manase. Molenge ti Geber ayeke nga govoronere ti sese ti Argob so ayeke na Bashan. Akota gbata baleomene ti sese ni kâ ayeke na angangu gbagba na tere ni si angbongboro wen ti kangango na ayanga ti agbagba ni ayeke na bengba wen;

2 Mbai 18:18

Mishe akiri atene: “Ala ma tënë so KOTA GBIA atene! Mbi baa KOTA GBIA aduti na ndö ti mbata ti lo ti gbia; ala so kue ayeke na yayu aluti, ambeni na mbage ti maboko ti lo ti koli, ambeni na mbage ti maboko ti lo ti wali.

2 Mbai 18:20

Tongaso, mbeni yingo aga, aluti na dawa ti KOTA GBIA si atene: ‘Mbi laa mbi yeke handa ande lo.’ KOTA GBIA atene na lo: ‘Mo yeke sara tongana nyen?’

2 Mbai 18:21

Yingo ni akiri tënë, atene: ‘Fade mbi yeke gue si mbi yeke ga yingo ti mvene na yanga ti awayanga-nzapa kue ti gbia.’ KOTA GBIA atene na lo: ‘So nzoni lege ti handango lo laa; gue, mo sara gi tongaso.’ ”

2 Mbai 25:19

Yoas akiri atene: “Taa-tënë, mo fâ azo ti Edom awe; mo yeke pika kate ti mo si mo yeke gonda tere ti mo. Me ayeke nzoni titene mo ngba na ndo ti mo fadeso! Ngbanga ti nyen si mo ye ti to nda ti bira so ayeke ga ande kpale na ndö ti mo, titene a fâ mo si a fâ nga aturugu ti Juda so?”

2 Mbai 25:8

Tongana mo na ala ague, ataa mo tiri bira ni na ngangu ti mo kue, fade Nzapa ayeke sara titene mo ti na gbe ti awato ti mo, ngbanga ti so gi Nzapa oko laa ayeke na ngangu ti mu maboko na zo, wala ti sara si zo ati.”

Mbeti ti Job 12:16

Ngangu na ndara ayeke ti lo. Zo so agirisa lege, na zo so asara si mba ti lo agirisa lege, ala kue ayeke ti Nzapa.

Amato 11:5

Mbirimbiri ti zo so sarango ye ti lo ayeke na legeni ayeke sara si fini ti lo aduti mbirimbiri; me sarango sioni ti zo ti sioni asara si lo ti.

Ésaïe 54:16

Baa, zo ti pikango ndao, lo so lo yeke huru le ti wâ si lo yeke sara na aye ti bira nde nde, mbi laa mbi sara lo. Zo so ayeke mu aye ti bira ni ti buba na aye, mbi nga laa mbi sara lo.

Ezekiel 14:9

“Tongana mbeni wayanga-Nzapa azia lege si azo ahanda lo si lo kiri tënë lo wani, mbi KOTA GBIA laa, mbi handa wayanga-Nzapa so. Mbi yeke yoro maboko ti mbi ti pika lo si mbi yeke zi lo na popo ti azo ti Israel, azo ti mbi.